جحيم ليلة ديسمبر

البارت الـ ٢٧

جحيم ليله ديسمبر

بقلمي انا ... . ﭑلـ نَور

لتنسون التصويت ورداتي والتعليق بين الفقرات ومتابعة للحساب

insta : 4lno13

♠️♠️♠️♠️♠️

وبالنهاية وبَعد هواي حچايات ما انگالَت ..
انتَ والأغاني بكُل وكت مَرغوبين

♠️♠️♠️♠️♠️

::- منى

كاعدين بالأستقبال وشويه وسمعنا صوت رحيل تصيح بصوت عالي

- شنو اسمع ها شسمع

- جيت اصعد ابويه اعترض طريقي وهمس

- عوفيهم يحلوها سوه

هزيت راسي بـ رضا وكعدت حاطه ايدي على خدي مر وقت مااعرف شكد  ونزل جهاد وراه رحيل تمسح بدموعها ووجها احمر دم

::-
- تقرب ناحيتي يحجي متوسل .. اسمعيني ياروحي اسمعي مني

- رديت بـ اصياح مااا اريد مااا اريد اسمع اي شي
استغليتوا ضعفي ومرضي وسويتوا الشي الي بيوم من الايام الي حق ارفض او اوافق وتجي انت ابرود اعصاب تكولي .. اسمعيني ضحكت بقوه لدرجه دمعت عيوني رديت بثبات بعد ما مسحت دمعتي وهمست واني أشر بـ اصابعي

- شسمع ها شسمع .. احجي بعصبيه وأشر بيدي ما اشوفه الا اتقرب ناحيتي وبحركه سريعه اخذني الحضنه ضمني حيل لدرجه حسيت راح يدخلني بين اضلاع صدره .. بقيت ارفس بحضنه واحجي بغضب مكتوم

- وخر جهاد وخر

- همس بـ اذني اش اش كافي بنيتي سمعيني فدوة اروحلج

- ادفع بي ميوخر ليكول جبل .. نزلت دمعتي بقهر منهم واني اهمس
.. ليش سويتو هيج بيه كولي ليش احجي واضرب بصدره حيل رجع ضمني حيل الكلبه وهمس ...

- اهدأي واني احجيلج كلشي

- مسحت دمعتي الوكعت بحرگه ودفعته حيل بعد ما رخت قبضه ايده .. حجيت واني أشر بـ اصبعي
- احجي يله غرد

- خفه ابتسامه ضهرت على وجهه من كلمتي ورجع كعد على السرير يتنفس بقوه وعينه بالفراغ الكدامه
- همس ما تصدكين من اكولج لو ملكت العالم كله بـ اكمله بكف وانتي بكف اختارج انتي ولو خيروني بين النفس وبينج كذلك اختارج

- مراح تصدكين لو كتلج مستعد ابيع العالمه كله واختارج ما اتردد ثانيه وحده .. اتنفس بقوه وهمس
منين تردين ابدي من العقد لو من عشگي الج

- مسحت دمعتي وكعدت على الطابوريه بعد مجنت واكفه وهمست ابدي من العقد

- استرسل بكلامه وعيونه بعدهن بالفراغ

::- الماضي وقت علاج رحيل المكان النجف

- بعد مدخلن البنات جوه يم العلويات بقينه نسولف وانطانه البخورات والسبوحات والحجاب الي تلبسه ويكون مرافقهه طيله ايام حياتها