كل ما جيت أبتدي فيك إنتهيت .. و كل ما جيت أنتهي شفتك بداية !

الفصل ثالث وعشرون

وبعد هالحدث بأسبووع..

أبو عمر وعياله قضوا أسبوع كامل بالشاليه ووجدان ارتاحت نفسيا من عقدتها وللأبد وفهمت زياد كل السالفه..

بدت الاستعدادات لامتحانات الثانوية وغزل ولمى شادين حيلهم عالاخر..ونفس الشي طلاب الجامعه طلال وبدر وسعود ووجدان وصمود وصبا..

العنووود تشافت من جروحها وكل الكدمات اختفت وما بقى إلا كسر إيدها بعد شهر تشيله..
ومشاري كلم أبوه وراح خطب له العنووود وبعد أقناع شديد وافق أبوجراح تتم الملجه بنفس
يوم خروجها من المستشفى..

بالشاليـــه بالخيران..
الساعه 9:30 الصبح..

كانوا مجتمعين على بساط عند البحر يتريقون تحت الهواء العليل
..
وجدان بابتسامه: بابا بنروح البيت
أول ولا بنروح بيت عمي حمد..
أبوعمر ابتسم: لا بنروح بيتنا أول ننزل أغراضنا ونريح وبعد صلاة
الظهر نروح لبيت عمج تكون تمت الملجه..
عمر سمع رنة مسج..ترك الزيتونه وطلع موبايله وشافه وكان من[شوجي حبيبتي]:
عموووور ياقلبي صباح الخير..كنت بقولك أني ما راح أحضر اليوم لملجة العنوود لأني ما أبيك
تشوفني قبل العرس بـ3 أسابيع..وما تجرأت أحاجيك..أحبــــــــــــــــــك..
عمر ابتسم وقام: الحمدلله
طلال: وين اقعد كمل أكلك..
عمر بسرعه: شبعت الحمدلله..
وراح عنهم..

وضغط اتصال..وبعد رنه وحده

شجوون ابتسمت: هلا حبيبي صباح الخير
عمر ابتسم: صباح العسل والزبده..وصلني المسج وأنا أقولج لا مو بكيفج أنا بشوفج..
شجوون بحيا: عمر حبيبي ما يصير تشوفني..ما بقى على عرسنا إلا 3 أسابيع..أنا أبيك تشتاق لي وأبي أكون جاهزه لك إذا شفتك..
عمر بأصرار: شوجي أنا مشتاق
لج صار لي شهر ونص ما شفتج من طلعة السينما حرام عليج حسي فيني..
شجون بدلع: ياقلبي ياروحي ياعمري أنت..أنا بعد ولهانة وميته..ميته على ما أشوفك..بس
ما يصير أطلع للناس قبل عرسي بينقدون علي..
عمر بثقه: خلاص أييج وأشوفج بروحي..
شجون توهقت: لاا وين تيي أصلا أنا بفراشي برجع أنام بس قعدت عشان أبارك لعنود وأبلغك..
عمر بخبث: تراج صايره ما تسمعين الكلام وتبطين الجبد..ويبيلج عقاب
شجون ما استوعبت: اوووك عاقبني بكيفك بس برجع أنام..سي يــــــو..
وسكرت
عمر ضحك:ههههههههههههههههه
أهي اللي قالت موو أنا..
ابتسم بخبث عالفكره اللي يت بباله ومشى ينزل أغراضه عشان يمشون..

وجدان بغرفتها كانت لابسه جينز
سكني وبلوزه سماويه نص كم
وتجهز شنطتها عشان يمشوون..

[لأن لطلتك هيبه كما هيبة ملك أنا في حضرتك ما أملك إلا ارتبك]
وجدان ردت بحماس بدون ماتشوف المتصل لأنها تعرفه: صبــــــاح الخير والنوير والتوت لأحلى عيون بهالكون..
زياد ابتسم على حماسها: ياصباح النووور والعسل والجوري الحمر..شلووونج حبيبتي..
وجدان قعدت: أنا تمام..أنت شلووونك وعنووودي شلونها
زياد بابتسامه: أنا من سمعت صوتج صرت بخير..وعنووودي على قولتج الحين رايحين لها بنطلعها ونروح المحكمه نملج..بس دقيت عشان أسألج شتب تلبسين..
وجدان بمكر: بتشووووفه بالحفله..
زياد بثقه: لااا ياحلوووة بشوفج
قبل الناس..
وجدان بابتسامه: زيادي حبيبي
قلت لك بتشوفني يعني افهمني..
زياد ابتسم: خلاص حبي أشوفج..بــــــــــــاااي
وجدان بدلع: بــــــايـــات...
سكرت ونادت عامر..
عامـــــــــر عمووووووووووري
عــــــــــــــــــــــــامرررررر