كل ما جيت أبتدي فيك إنتهيت .. و كل ما جيت أنتهي شفتك بداية !

الفصل خمسه وخمسين

والاخيييييييييييييييييييييييييير

زياد صرخ بصوت زلزل الدنيا: عبــــــــــــــــــــــــدالله
عبدالله انهار ونزلت دمووعه..: يعني ما قالتلك أن الوليد الخسيس
بعد ما ولدتنا بأسبوعين وبالنفاس خطبها ورفضت وعشان ينتقم منك حاول يغتصبها..يبــــــــه أنا خفت على
أمي بس..أنا دمي محترق عشانها بس..
زياد انصدم صدمة حياته..فلت بلوزة ولده..وقف الدم بعروقه
..ما قدر ينطق ولا كلمه..عقله ما
يجمع بهاللحظه..
صعد فوق ثاير مثل البركان وصعق الباب بقوووه..

دخل الغرفه وصرخ: ليش وجدان خبت عني لــــــــيش..ليش محد قالي..آآآآآآآآه..

بسرعه هدت أنفاسه وفكر بهدوء: يمكن خافت علي..لازم انطرها تيي وأفهم منها..اهي قالت لي بفهمك..

تحت بالصاله..
نايف بانفعال: عاجبك الحين..هذا اهو عصب..
سعود تنهد: أمي قالت لا قفل السالفه..
عبدالله ما رد بس مشى عنهم:
مع السلامه..
نايف وسعود زفروا وقطوا نفسهم عالقنفات: اووووووف

عبدالله طلع بيركب سيارته بس استغرب أن موبايل أمه طايح عند الباب الخارجي:اوووه هذا موبايل أمي..ليكون طاح منها وإهي ما تدري..
وقف وبيده الموبايل بس انصدم..سيارتها واقفه بمكانها ما تحركت..
عبدالله بخوف: موبايلها طايح عند الباب..سيارتها واقفه بمكانها..
مشى بخطوات حذره لعند السياره..لمح السويج بالسياره والجام مبطل..وفردة صندلها طايحه..
عبدالله بصدمه وقلبه يرقع التفت للشارع يدورها..: يمـــــه
يمــــــــــــــــــــه..
ودخل بسرعه يعلم أبووووه..

زياد ونايف وسعود كانوا طالعين على صرخته..: عبدالله شفــــــــيك
عبدالله بلع ريجه: يبه لقيت موبايل أمي طايح بالأرض..وسيارتها واقفه بمكانها والسويج فيها ومشغله والجام مبطل..وفردة نعالها طايحه بالشارع بس إهي..[وصرخ]
إهي مو موجوده..يعني انخطفت..اخطفوها يبــــــــه..
اخطفوها..
ـــــــــــــــــــــــــــــــــــــــــ

بصالة أفــــراح النســــاء..
الساعه 1:30 الفجر..

كانت أريج فرحانه بهاليوم وكاشخه عالأخر..وكل البنات حولها يرقصون..

فارس كان متوسط الكوشه وماسك إيد أمل اللي واقفه معاه وكاشخه بفستان عرسها الأبيض اللي مطلعها عروس تهبل..: يلا يمه تعالي صوري..
أريج ابتسمت وراحت وقفت بينهم وصورت..
صمود: ألف مبروك يافارس..عاد دير بالك على أمل..تراهي بنتي..وغمزت لها
فارس ابتسم: ولا يمهج خالتي..إن شاء الله بحطها بعيوني..

بعدها بدت زفة المعارس وطلع فارس وعروسته أمل وركبوا الليموزين اللي أجرها محمد لفارس وحرك عالفندق..