Part 3
# سجينة العائث
# ام الغريم
لا تنسون ⭐ لان دعمكم فخر النا
وتعليقات بين الفقرات...
حلو سرد القصه لو تحبون نغيره 🤍
••••••••••••••••••••○○○••••••••••••••••••••
كعدت نفس كل مره صليت وسبحت وحضرت
الريوك وصعدت ابدل نزلت اكعد بيبي علمود
الريوك بس بيبي جسمها نار متنلزم من كثر
حرارة جسمها
رنس : ركضت للشارع حتى اشوف احد
يجي يساعدني شافني ابو محمد جارنا
عنده محل يبيع حلويات وصاح على مرته
واجو شالو بيبي واخذنا تكسي ورحنا
للمستشفى
وهنا كانت الصدمة
رنس : بعد التحاليل والأجرائات تبين بيبي
عدها فشل كلوي وهل شي ما صدمني هواي
لان بيبي من زمان تكول كلياتي يوجعني من
زمان ندري بيبي وحدها من كلياتها منتهيه
وهسه ثاني هم تالفه يحتاج زراعه او غسل
زراعه صعبه عليها وهيه مره جبيره فلازم
يومين بالاسبوع تغسل وقائمه الاكل الممنوع
وقائمه الاكلات الي نصحني بيها من خلال
الدكتور وشرحه الي للتعليمات
الحمد الله والشكر اهم شي وجودها
بعد يومين
رنس : طلعنا من المستشفى وتشكرت من
ام محمد لان يوميه تجينا وتروح بليل لان
ميقبلون اكثر من مرافق واليوم رجعنا
كعدت بيبي بالصاله ورحت فتحت السخان
لان جو بده يبرد شهر 12 صعدت فوك
اغير ملابسي مال الدوام صارلي يومين
بيهن لبست تراك ونزلت فتحت الغساله
وبلشت انظف وسبحت بيبي وراحت تمددت
بغرفتها وسبحت اني
صارلي غايبه الثلاثاء والاربعاء واليوم هم ما
داومت بالاحد شيخلصني من ماجده تلعب بيه
فلك دخلت للمطبخ وبقيت احضر شوربه ل بيبي
باجر اروح اتسوك اني كملت شوربه وقللت النار
عليها ورحت اصلي المغرب والعشاء كملت صلاه
ودعيت من الله يخليلي بيبي لان بغيابها مالي احد
صار 6 اشهر بابا ميعرفني وين صفه بيه الدهر
كملت صلاه ونزلت طفيت النار مدعلى جدر وصبيت
الي ول بيبي وشربتها علاجها واني بقيت ب صاله فتحت تلفزيون وارتب وقتي باجر جمعه ما الحك
قررت اخفف من شغل الجمعه وراح ابلش من
هسه ما دام بعد وقت وما عندي شي
نبلش من الاستقبال سويت الحايط ونظفت
المروحه والصور غسلت المزهريات والورد
وغسلت برداتها جوه درج عدنه مخزن اخلي
بيه الغراض طلعت زوليه وفرشتها وعلكت
بردات جدد وفتحت المروحه وبخرتها شلت
ادوات تنظيف وطفيتها وسديت الباب
انتقلت للمطبخ غسلته وغسلت كل حاجاته
وفرشت زوليه زغيره رشيت الحديقه وغسلت
الساحه ودخلت باجر اكمل البقيه بقيت ارجف
سحبت البطانيه ونمت يم بيبي
أنت تقرأ
سجينة العائث
حركة (أكشن)كان يا مكان في بلد العجائب أحداهن تبحث عن الأمان يحكى أنها تقع بيد أحدهم لا يعرف الأرحام... انها هي ؟؟ ومن هو!! عواطف تشتعل فرحة ومشاعر كالثلج وأبرد نهارٍ ينتهي فرحة ونهارٍ ينطلي بأسود إلى اين اذهب انا إلى اين اسير بمفردي في اي محطة أركب هل سأبقى...
