MURAG KAMO, PERO DILI DIAY TO ( THE UNTOLD WORDS) SEASON 2

S2: CHAPTER 6

THE UNTOLD WORDS

MURAG KAMO
- PERO DILI DIAY TO-
SEASON 2

--
S2: CHAPTER 6
DEDICATED TO: Jolina Ando Reyes & Ashyrah Silventera Evia

Nagtuyok-tuyok ko sa akung gihigdaan kay 2 am nalang wapa gyud ko giduaw sa kaduka. I am thinking kung asa ko magsugod, kung angayan ba na mas mo fucos nalang ko kay Khairo og pasagdan nalang ang akung napan-os na feeling kay Evan.

Ning hayang ko og ning tan-aw sa atop. Tag-sa tag-sa nako gibalik akung mga kaagi para magmatngon ko sa kamatuoran na dili tanan pwede nimong balikan pa.

Maong ikaw ara dungan tag move on.

---

" Ma, mo kuyog mo sa akoa ni April sa Germany. Adto mi mag pakasal ni Gerald maong uban mo sa akoa. " Bati nakung ingon ni Mama. Gikan pako sa eskwelahan, gikan pasad ko ning confessed kay Evan sa tanan nakung gibati and as I expected puro nalang kasakit akung ma encountered karon.

" Jolina! imong anak nag dahom na trabaho ra imong gibuhat adto. Wala manlang ka kaingon na naa kay kaipon. Maski ako na inahan nimo Jolina wala. " isog na storya ni Lola. Ning lingkod ko sa sawog og nagpamati.

Kapoy nag hilak, kapoy nag assume na unta ma kabatyag kog naay inahan og amahan dili nalang puro Lola nako.

Naghinuktok kung naminaw nila sa sulod sa kwarto ni Mama pero unsa paman akung angayan e react? They planned it, siya na akung inahan ganahan mag ka pamilya, akung amahan naa nasay pamilya. Og unya ako?! Ako na nabuhat og ahat kanus-a nila ipa batyag sa akoa ang gitawag na happy family? Diba? Sa damgo nalang.

Kanang taga gawas nako makita nako among silingan naay Mama og Papa na mo guide nila, ihatod sila sa school mo ingon na proud kaayo ko nimo kay dagko kag grades. Pero ni usa wako ka feel ana kay ahat ko na anak.

I feel like wala koy rights para mo complained kay mao nani akong kapalaran. Pero dili diay pwede mo hangyo? na bisag usa lang ka adlaw maka feel kung naa koy ginikanan? Dili man siguro obligasyon sa lola na sila pay mag bantay sa ilang apo diba? Og dili man siguro dapat ang anak maoy mag antos sa kasakit na dapat in this age dili nila dapat  ma feel,

Na taga gabi maghilak ka asking why? Why did I experienced this? Nganong gibiyaan ko ni Papa, wala manlang siya kabisita nako or either nganong wala ko niya gi approach kung kaila siya nako. Right?

Seeing your parents building their own family hurt the most. Nag buhat na silag pamilya na e apil bitaw ka pero naay apan. Karon ganahan siya mo kuyog mi sa iyaha? Para ipakita sa akoa na wala nakoy chance para magdahom na maka feel og pamilya?

" Ning uli ka ari. Nagdala og anak og lalaki. Kahibaw ka unsay ma batyag ni April? Na sa una imong anak nag pakaluoy sa imoha na ipaila-ila siya sa iyang amahan pero wala, ning lihom ka, ingnon nimog wala na iyang Papa, ning palayo ka sa imong anak kay mismong ikaw gi kauwaw siya kay kabet ka diba?. Nabuhat ninyo si April pero wala manlang mo nalouy sa inyong anak na nangandoy sag pamilya. Waka kahibaw? Si April ning duol intawn kay Mary ning hangyo na mopundok siya sa ilaha kay wala siyay Mama og Papa. Ning hangyo ang bata nimo Jolina na, uli kay naa silay family activities.Og atung simanahuna? Nganong wala ka ning uli? Kay siguro nag uwag-uwag naka adto. "  Pulong ni lola na giluom nakog hilak.

Nabati nasad nako ang bakho ni Mama pero wala siyay gi ingon.

"  Kahibaw ka nag sakit ko Jolina kay wala teka gipadako na mag ing-ana ka na inahan. Kaloy-e imong anak na gisabot ka, naninguha og eskwela wala nag sinuon sa ubang bata dira na nag pa buros og sayo kay iyang huna-huna kung makahuman siya. Maka batyag siyag pamilya, na basin daw ipa ila-ila nimo siya sa iyang amahan.  " Hilak sa akung Lola maong sakit. Sakit kay paminawon na mao diay ni ang rason nganong dili pwede ko mag batyag og pamilya. Kay kabet si Mama.

Gisap-ungan nako akung baba. Piit kay akung dughan. Sakit kay ihilak kay murag gigapos akung dughan.

" Waka kita kung kanus-a siya gi regla, waka kahibaw na taga pasko iyang wish maka experience og Mama og Papa. Wala ka kahibaw na imong anak dalaga na maka experience na sa imong na experience sa una na maga ibog-ibog.  Unya mo ingon ka ana na dad-on mi nimo kay magpakasal mo sa imong kapoyo? Baga kag nawung!. " Syaget ni Lola na gabakho.

" Wala ka nakuntento sa imong anak og nanguwag pakag balik! Tuod! Dili na sayop!. Pero ipa feel sa imong anak na naa siyay inahan kay dili taga adlaw naa ko sa iyang tapad. Timan e na Jolina dili taga adlaw naa ko sa tapad sa akung Apo. Ako apo na palangga ko dili,Jolina. Maong sa karon na wala pako nawala ari;sa kalibutan palihug intawn ipapalipay nasad akung Apo. " Dangoy-ngoy sakung lola. Maong ning barog ko, ning dagan ko sa akung kwarta og gigawas akung tanan kasakit.

Ginunod-nud nako akung nawung sa unlan og didto ning syaget.

Gigakapoy nako. Pirme nalang kasakit! Dili nako. Sakit na kaayo, dili nako!!

Mura kog buang na gatuyok-tuyok. Gikan sa confession wala kahibaw si mama na gidaot konsa eskwelahan, wala siya kahibaw na ganahan ko maka kuha sa iyang opinion about namong Evan. Wala ko niya gika musta pag abot niya kay mas gipalabi niyag paila-ila na naa na siyay laing pamilya.

Ning lingkod kong gabakho. Ning hangad kos atop og ning ginhawa og lalom.

How I wish wala nalang ko niya gi anak. Na wala nalang sila nagkita ni Papa na wala nalang ko nila gibuhat. Na appreciate nako siya unya karon na nahibaw-an nako na dili diay pwede akung gipangandoy kay siguro wala ko ilha ni Papa kay anak ko sa kabet niya,maong usa rako ka hugaw na dapat dili angkunon.

Gisumbag sumbag nako akung dughan.

" Piste! April mamatay gayud ka sigeg hilak! Ana bitaw ko dili naka mag assumed! Wala ka naminaw kay bulok kay kang bayhana ka! Dawata nalang na ikaw ra isa, na naa nay pamilya imong Mama! Ayaw naghilak! Sakto na! Kaloy-e na imong kaugalingon!." Bakho nako samtang ga yawyaw sa akung kaugalingon. Ingna nakung buang pero sakit na kung iluom pa nako tanan.

Wanay hangin akung ilong. Yawa!!

a|a: Sirā Pen
Work of fiction