حكايتي

الحلقه السادسه و العشرين

بسم الله الرحمن الرحيم
الحلقه السادسه و العشرين
—--------------------------------------
في منزل ادم
كانت نور تجلس علي الكنبه تشاهد التلفاز
دخل آدم من باب الشقة
ادم : انا جيت يا نور
نور وهي مندمجه مع احداث هذا الفلم الممتعه : طيب طيب
دخل آدم وجلس بجوارها و دون ان تلاحظ نور اخذ الريموت من على الطاولة ثم اطفاء التلفاز
التفتت له نورفي انزعاج: يا رخم عاوز اي و بتطفي التلفيزيون لي  وبعدين انت عملت اي في الميعاد الغرامي
قالت اخر كلامها بغمه
ادم بحسره : ملحقتش اقول ولاه اعمل حاجه
نور: لي حصل أي
حكي لها آدم ما حدث
ضحكت نور : فقري من يومك يا حبيبي طب و هتعمل ايه
ادم : مطر استني لما المهمة تخلص علشان افضي ليها بقي
نور : ان شاء الله خير يا حبيبي متقلقش
ادم : طيب هدخل انام انا علشان ورايا شغل كتير بكره
نور: تصبح على خير يا حبيبي
دخل ادم الى غرفته
ثم ذهب باتجاه نافذة الغرفة
رأي الشخص الذي كان يراقبه طول الطريق منذ خروجه من الكافيه الي البيت
ثم امسك بهاتفه و بعث برسالة لطرف مجهول محتواها (تم)
—---------------------------------------------------------------------------------------------------
  في نفس الغرفة في ذلك المنزل كانت تجلس هذه الفتاة تنتظر مكالمة من أحد ما ولكن انتظرها لم يدم طويلا
الفتاة : ها عملت ايه
المساعد او دعونا نقول يدها اليمنى: رقبته كويس من ساعه لما طلع من الكافيه اللي كان قاعد فيه مع واحده مكملش عشر دقايق و بعدين جاته مكالمه طلع يجري علي بره وركب عربيته و انا طلعت وراه راح علي شقه في مكان بعيد شويه عن بيته وطلع علي فوق فضلت مستني شوية لقيت حياه و مالك جايين وراه بعض و طلعوا على فوق و بعدها بشويه جيه اللواء و معاه شخص ملثم حاولت كتير اشوف وشه معرفتش لانه كان مغطيه بكاب وشال بعد ما اتاكدت انهم طلعوا روحت للبواب وسألته عنهم و حاولت أجره في الكلام ملقتش منه فايده اني اعرف مين الشخص الملثم و قالي انه اول مره يشوفه وخلصت مع البواب و روحت استنيت في العربيه و فضلوا فوق ساعه و نص و بعدين نزلوا وراحوا كل واحد مروح وانا فضلت وراه ادهم بيه لغيت لما لقيت رايح علي بيته ووصل و هو فوق حاليا بقاله نص ساعة

البنت : متتحركش من تحت بيته و خليك وراه وعاوزه اعرف كل تحركاته اول باول و كمان تبعت واحد من الرجاله يعرفوا مين البنت اللي كانت مع ادم و كل حاجه عنها عنوانها اسمها سنها و ساعه بالكتير وتكون المعلومات عندي ياما انت عارف أي العقاب
المساعد : تمام حاضر نص ساعه وتكون المعلومات عندك
أغلقت فورا بعد سماع اخر كلماته ثم تحركت باتجاه المرأة التي تتوسط هذه الغرفه و تحدث
لي محبتنيش زي ما حبيتك هاا  
و امسكت بقنينة عطر كانت متواجدة أمامها ثم ألقتها على المرأة وبعدها بدأت بتكسير كل ما هو حولها و هي تصرخ دون أن تحمل دخلها اي هم من ان يسمعها احد من الخارج لأنها غرفه عازلة للصوت
فاقت من نوبه تكسيرها للغرفه وهي تتوعد لتلك الفتاة و تستري آدم ماذا يحدث عندما يحب غيرها
—-------------------------------------------------------------------------------------
في السيارة
كان يسوق هذه السيارة مالك و بجواره حياه
أمسك مالك يد حياه و قبلها و اكمل دندنه مع اغنيه عبد الحليم التي يعشقها هو وحياه
مالك : اول مره تحب يا قلبى واول يوم اتهني ياما علي نار الحب قالولي ولقتها من الجنه
ثم قال هذا المقطع وهو ينظر لحياه بنظره كلها حب
ليه بيقولوا الحب أسيه ليه بيقولو شجن ودموع اول حب يمر عليا أملي الدنيا فرح وشموع افرح واملي الدنيا اماني لا انا ولا انت هنعشق تاني
وأكمل غناء وسط نظرات الحب المتبادلة بينهما حتى انتهت الاغنيه
مالك: تعرفي اني بحبك اوي و انك بالنسبه ليا الكون كله
حياه : و انا كمان بحبك اوي وركز في السواقه عشان منعملش حدث
مالك : تصدقي انك انثى قرد بقي انا عمال احب فيكي و اغنيلك عبد الحليم وجو شاعري تقومي تقولي علينا و تقولي نعمل حدث
حياه: بطل تلزيق يا ذكر العنكبوت انت وروحني قبل ما حد ياخد باله من غيابنا احنا الاتنين في وقت واحد
مالك : اللهم الصبر انا مش هرد عليكي
حياة : لاء رد جربت ترد كده
مالك : هتعملي ايه يعني
حياة : انكد عليك
مالك : طب بمناسبة النكد كده و علشان نبتدي خناقة علي نضافه عارفه يا حياه لو جبتي فستان مفتوح او قصير هعمل فيكي ايه
حياة : هتعمل ايه يعنى و بعدين ما انت عارف انك كل لبسي محترم ما هو البيه بقى واخد علي الاجانب و المفتح و وحده تقولك ملوكي وبعدين الاهتمام مبيطلبش ياعديم الاحساس
مالك : نعم يا ختي بقي انا مش مهتم و كمان عديم احساس
حياة:............