البارت السادس💜✨
ليس نحن من يحيي ذكراك
بل ذكراك هي التي تحيينا
صلوات ربي عليك سيدي يارسول الله💜✨
*********************
"فيه كسر في الرجل ورضوض في الدراع احنا جبسنا رجلها وعالجنا الرضوض وإن شاء الله اسبوعين تلاته بالكتير وتقدر تفك الجبس"
قالها الدكتور بعمليه فاومأ تيم له ثم شكره
"تمام يا دكتور متشكر"
ذهب حتي ينتهي من تكاليف المشفي ثم عاد إلي تلك الغريبة في غرفتها وجدها مستلقية ومغمضة العينين حمحم حتى تنتبه له فقامت بفتح عينيها ليتضح لونها الان انها بندقية وجدها تحاول الاعتدال في الفراش فذهب وساعدها
"احم الف سلامه عليكي يا انسة ...
"بتول"
"بتول ولا بالعرض"
ثم قهقه عاليا لترمقه بغيظٍ شديد
"هه يا دمك ضحكتك دي"
حك تيم عنقه بحرج
"بايخه صح؟!"
"اه ومتحاولش تستظرف تاني دمك تقيل ... وبعدين بتتريق على اسمي وفي الاخر يطلع اسمك برعي اصلا"
"تيم .. اسمي تيم"
"ومالك فخور ليه كده وانت بتقوله ده لا محصل تيمور ولا تميم حتى"
كاد أن يجيبها ولكن طرق الباب ودلفت الممرضة وأزالت لها المحلول
"كده كله تمام وحضرتك تقدري تخرجي النهارده بس ياريت الراحه التامه علشان رجلك والف سلامه عليكِ"
اومأت بتول واجابتها بإبتسامه هادئة
"الله يسلمك متشكرة"
خرجت الممرضة ونظر لها تيم
"مش هتقولى لأهلك"
ابتلعت تلك الغصة المؤلمة وأجابته بابتسامه حزينه
"انا عايشة لوحدي اهلى متوفيين"
حزن تيم لأجلها
"طيب كده مش هينفع تقعدى لوحدك علشان رجلك ومحتاجه حد جنبك ... معندكيش قرايب؟!"
"في خالتي بس"
"طيب كويس تروحي تقعدي عندها لحد ما تفكي الجبس"
استحسنت فكرته فلا يوجد حل امامها سوى ذلك فهي حقًا لن تستطيع البقاء بمفردها وهي بهذه الحالة
"ماشي هرن على ابن خالتي يجي ياخدني وحقيقي متشكرة على وقفتك جنبي"
"على ايه انا معملتش حاجه لو اى حد مكانى كان هيعمل كده وانا مستني لحد ما قريبك يوصل علشان اطمن عليكِ"
أنت تقرأ
خبر صحفي (قيد التعديل)
Storie breviكانت تعتقد أنه مجرد "خبر صحفي" تكتُبه ولكن الأمر لم يكن كذلك فمجرد "خبر صحفي" صغير احتل بضعة أسطر في جريدة تغيرت حياتها بالكامل. في الجانب الأخر كانت حياته مستقره حتى سمع بخبر كتب عنه ليثور غضبه فيقرر أن يثأر لذلك ولكن يتدخل القدر لتنقلب الموازين ف...
