لما كنا صغار
الفصل الخامس ❤️
عادت للمنزل بكتفين متهدلين وقدم متألمه من كثرة السير
سلمي : مش لاقية شغل خالص
ساره : طب هتعملي ايه؟
سلمي : مش عارفه يا ساره شكلي هرجع الشركة تاني مدام منال كلمتني وقالتلي وقت ما احب ارجع ارجع في اي وقت
ساره : طيبه مدام منال
حركت سلمي رأسها موافقة
ساره : معلش يا سلمي انا حاسه انك مش عايزه ترجعي الشغل دة تاني بس احنا مقدمناش غيره انتي رافضه اني اشتغل
سلمي بحده : مش هنتكلم في الموضوع دة تاني يا ساره قولت شغل لأ لما تخلصي دراستك ابقي اشتغلي براحتك لكن طول ما انتي في الكليه مسؤلة مني فاهمة ولا لا
ساره : فاهمه يا سلمي حاضر
استمعو لصوت سيده تهتف بهم فا فتحت ساره باب الغرفه لتجد زوجة البواب
السيده : ازيك يا حلوة امال فين اختك
خرجت سلمي ترحب بها
سلمي : اهلا يا ام محروس اتفضلي
جلست علي الاريكة امام الغرفه وجلست سلمي معاها
ام محروس : ما تروحي يا حبيبتي اعمليلي كوباية شاي
نظرت لها ساره بدهشه فا تحدثت سلمي
سلمي : روحي يا ساره
تركتهم فا اقتربت منها
ام محروس : بقي شوفي يا اختي الواد محروس ابني خرج من عباية ابوه وبقي بسم الله ماشاء الله صبي بنا قد الدنيا
حركت سلمي رأسها بعدم فهم
سلمي : ماشاء الله ربنا يوسع رزقه بس انا دخلي ايه
ام محروس : ما انا جيالك في الكلام اهو يا حبيبتي الواد بقاله كام يوم مش علي بعضه وعايز يتجوز ولما سألته عينك علي حد قالي على اسم النبي حرسها وصاينها اختك
انتفضت سلمي واقفة
سلمي : ساره !!
ام محروس : ايوه هي يا اختي هو انتي عندك غيرها
سلمي بغضب مكتوم : بس ساره اختي لسه صغيره دي لسة في اولي كلية
ام محروس بامتعاض : كلية ايه وبتاع ايه هي البنت ليها غير بيتها وجوزها في الاخر ولا تكونيش عايزاها تقعد وتعنس زيك
اتسعت عين سلمي بشده وهي لا تصدق ان هذه السيده تهينها صراحةً وهي لم تتخطي الخامسة والعشرون
اشارت الي باب السطح
سلمي : امشي يا ست انتي اطلعي برة طلبك مرفوض
ام محروس : انتي بتطرديني يا عين امك لا حاسبي وفكري كويس احسن انا زعلي وحش ولو بقيتي عدوتي مش هتسلمي مني لا انتي ولا اختك
ثم رحلت بمصمصة شفاه
ام محروس : انتو الخسرانين انا عرفاه عجباه علي ايه دي حتي مسلوعه ومش باينة من الارض
ظلت سلمي واقفه تنظر لها والغضب يشتعل بداخلها فا خرجت ساره التي كانت تستمع لحديثهم
ساره : برافو عليكي انا كنت هخرج اشرشحلها قال محروس قال الي اتجوزه دة كمان
ابتسمت سلمي لشقيقتها فاقتربت ساره منها
ساره : متضايقيش نفسك دي ست مش متربية
سلمي بابتسامة : بالعكس انا فرحانة
ساره بتعجب : فرحانة!!
حركت سلمي رأسها وهي تحتضنها
سلمي : كبرتي يا مفعوصة وبقي بيجيلك عرسان
ساره : انتي بتسمي محروس ابو رياله دة عريس لاااا دة تبقي قلتهم احسن
قالتها ساره بتقزز و انفجرا الاثنين في الضحك.
__________________________________________
جلست تقلم اظافرها بغضب وتحكم خطتها التي ستجعله يأتي متوسلا اليها ثم نهضت تذهب لغرفة ابيها فاوجدته يجلس علي المقعد ويقرأ في كتاب
ساندي : بابي
عمران : ايوة يا ساندي
ساندي : كنت عايزة اقولك حاجه ضروري
عمران دون ان ينظر لها : قولي انا سامعك
تردد قليلا قبل ان تهتف
ساندي : بابي خالد تصرفاته معايا مش كويسة خالص
رفع ابيها عينيه بغرابه ينظر لها
عمران : مش كويسة ازاي يعني يا ساندي
ساندي بتردد : بيتحرش بيا
انتفض عمران صارخا
عمران : ايه بتقولي ايه
ساندي بخوف : كل ما بروح الشركة بحس انه قاعد يلمسني وبيرجع يعتذر ويقولي مكنتش اقصد
عمران بتعجب : غريبة دارين معاه طول الوقت وعمرها ما اشتكت منه
ساندي : انا دايما بشوفهم مع بعض ضحك وهزار ووشوشه كدا بابي انا خايفة علي دارين وشركتنا خالد دة اكيد سمعته وحشه
اشار لها ان تصمت
عمران : طيب طيب روحي انتي علي اوضتك دلوقتي وبلاش تروحي الشركة الفترة دي
حركت رأسها وتركته بابتسامة ماكرة
أنت تقرأ
لما كنا صغار
Romanceتدور احداث الرواية عن فتاة وفتى كانوا اصدقاء مقربين في الصغر حتى هاجر الفتى خارج البلاد وابتعدوا لتتبدل احوالهم ويعود الشاب بعد عشرون عاماً باحثاً عن صديقته الصغيرة ليتفاجئ بحالها الذي تبدل كثيرا عن قبل..
