لما كنا صغار
الفصل السابع ❤️
امسكت المال بيدها مر شهر علي عملها بالشركة
ابتسمت بسعادة وقررت التسوق وابتياع الدجاج الذي اشتاقوه لتفاجئ ساره
سارت تبتاع الاشياء لتجد يد تحط علي كتفها فالتفتت
نجلاء : سلمي ازيك يابنتي
سلمي بابتسامة : نجلاء عاملة ايه
احتضنتها باشتياق
سلمي : وحشاني والله يا نجلاء
نجلاء بحزن : وانتي كمان من ساعة ما مشيتو من المنطقة وانا مش لقية حد اقعد واقضي الوقت معاه
ابتسمت سلمي : معلش بقي اهو الي حصل
نجلاء : منه لله الي ما يتسمي دة
سلمي : ملوش لزمة الكلام دة الله يسامحه المهم قوليلي اخبارك ايه
نجلاء : الحمد لله انتي الي عامله ايه انتي وساره
سلمي : الحمدلله كويسين
نجلاء : قوليلي علي عنوانكم ابقي اجي ازوركم
اخبرتها سلمي بالعنوان واستأذنت منها لترحل حتي تلحق تطبخ الدجاج قبل عودة ساره لكن نجلاء اوقفتها
نجلاء : صحيح يا سلمي
نظرت لها بتساؤل
نجلاء : في واحد جه يسأل عنك انتي وساره في المنطقة
سلمي بتعجب : واحد مين
نجلاء : معرفش بيقول قريبك من زمان وكان مسافر
سلمي بداخلها : ياتري يا خالد انت الي بتدور عليا ولا هكون بتوهم تاني معقول لسة فاكرني
سلمي سائلة : تفتكري شكله تعرفي توصفيهولي؟
نجلاء بتفكير : كان راجل في الاربعينات كدا عنده شعر خفيف في راسه ومليان شويه
سلمي باحباط : ماشي يا نجلاء انا همشي عشان الحق اعمل الغدا قبل ما ساره ترجع من الكلية
رحلت باحباط وقد تأكدت انه ليس هو
__________________________________________
خرجت من المحاضرة بعد ان انتهت للخارج منذ جلسو وتحدثو وهو مختفي لا يظهر ولم يعد ياتي ليراها ابتسمت بداخلها ساخره فا من هي حتي يعجب بها هي فتاه بسيطه كاذبه او متجمله لا فرق فالكل يبتعد عنها حتي كذبها لا يشفع لها وصلها صوت حنين فوقفت تنظر لها
حنين : ازيك يا ساره
ساره : الحمدلله خير في حاجه؟
حنين : انا عارفه انك زعلانه مني ودة حقك بس كنت عايزه اسالك عن ادم
ساره بتعجب : وانا مالي وماله تساليني عنه ليه هو مش ابن خالتك
حنين : ساره انا قولت لادم لو مش بيحبك بجد يبعد عنك وبيتهيالي انتي بقالك يومين مش بتشوفيه وانه بعد فعلا وسمع كلامي
صمتت ساره باختناق لم تصدم لكنها ارادت ان يكون مختلف وان يكون معجب بها حقا
ساره : تمام في حاجه تاني
حنين : اه مش عايزاكي تزعلي مني
ساره وقد شعرت انها علي وشك البكاء : محصلش حاجه
استدارت لترحل ولكنها استمعت لصوته يقترب منهم
ادم : ازيك يا ساره ازيك ياحنين
ثم نظر لساره
ادم : ممكن نتكلم لوحدنا شويه
ساره بصوت مرتفع : انا مفيش كلام بيني وبينك ويفضل انك تبعد عني خالص والا هعملك فضيحه في الجامعه انت فاهم ولا لا
رحلت لينظر ادم لحنين بغضب
ادم : انتي قولتيلها ايه؟
حنين : قولتلها الي حصل انك مش بتحبها وعشان كدا بعدت عنها
وضع يده بشعره غاضبا
ادم : منك لله يا حنين
حنين : مش دا الي حصل انت بقالك يومين مبتقربش منها
ادم : لا ياهانم انتي لما قولتيلي كدا قررت ابعد فتره عشان اختبر مشاعري لكن مقدرتش انا بحبها بجد يا حنين
قالها واسرع خلف تلك التي رحلت باكيه
أنت تقرأ
لما كنا صغار
Romanceتدور احداث الرواية عن فتاة وفتى كانوا اصدقاء مقربين في الصغر حتى هاجر الفتى خارج البلاد وابتعدوا لتتبدل احوالهم ويعود الشاب بعد عشرون عاماً باحثاً عن صديقته الصغيرة ليتفاجئ بحالها الذي تبدل كثيرا عن قبل..
