لما كنا صغار
الفصل التاسع ❤️
نهض في الصباح يشعر بالنشاط والسعاده المفرطة كانت قريبة منه وكان يشعر حتي انه ظن انها قابلته يوما في احد احلامه ملامحها قريبه من القلب كيف لم يتعرف عليها وهي هل عرفته وصمتت ام تناسته
عرف عنوانها وسيتوجه اليها بعد ان يحضر اجتماعه في الشركة
وصل الي الشركة ليجد دارين في انتظاره
دارين : صباح الخير يا خالد
خالد : صباح الفل
دارين بابتسامة : شكلك مبسوط انهاردة شويه
جلس خالد خلف مكتبه
خالد : جدا
جلست امامه تخبره
دارين : طيب انت كنت عايزني في ايه
صمت خالد يتذكر ماذا كان سيخبرها
خالد : اه صح حاولي تشوفي مدير للحسابات لان فادي راجع دبي
صدمت لكنها حاولت مداراة ملامحها الحزينة
دارين : هو استاذ فادي سافر
خالد : لسة شويه بس انا عايزك تشوفي غيره عشان الشغل ميتعطلش
دارين بهدوء : تمام يا خالد
خرجت تتذكر محولاته للاقتراب منها ثم بعده فجأه بدون انذار هل مل من جمودها معه.
__________________________________________
وصل الي العنوان الذي اخبره به وسأل عن مكان شقتهم لتخبره زوجة البواب بملامح خبيثة انهم يسكنون فوق سطح العقار صعد وطرق باب الغرفه فا فتحت له ساره
خالد وهو ينظر حوله : مساء الخير
ساره بدهشة : مساء النور مين حضرتك
خالد : سلمي موجوده
ساره بتعجب : سلمي!!
ثم نظرت لهيئته وملابسه الباهظة
سلمي بتساؤل : وانت تعرف سلمي منين
خالد بابتسامة : انت اكيد ساره اختها صح
ساره : ايه دة انت تعرفني انا كمان لا دة احنا نقعد بقي
جلسوا سويا علي السطح امام الغرفة
ساره : سلمي في شغلها قدامها تقريبا عشر دقايق وتوصل
خالد : تمام مش مشكلة هستناها
جلس علي الاريكة وظلت ساره تطلع له
خالد : بتبصيلي كدا ليه
ساره : ممكن تقولي انت تعرفنا منين؟
ثم همست بخفوت لكنه سمعها
ساره : يكونش لينا قرايب اغنيا وجاي ينتشلنا من فقرنا
ابتسم خالد ثم اجابها
خالد : انا كنت صديق سلمي زمان ايام المدرسة
ساره : ايام المدرسة؟!!!! ولسة فكرها
خالد بحنين : استحاله انساها سلمى كانت صاحبتي الوحيدة وقتها كنا صحاب اوي وكان بيتي قريب من بيتكم القديم
ساره : ولما انتوا صحاب اوي كنت فين بقي واشمعني جاي تسال عنها دلوقتي
خالد : كنت مسافر ولما رجعت بعت واحد يسال عنها بس الناس في المنطقه قالوله انكم عزلتو
ظلو يتحدثون ويضحكون وشعرت ساره بالألفه نحوه رغم انه من عالم غير عالمهم
جاءت سلمي لتصطدم بوجوده فا اتسعت عينيها بذهول ثم ابتلعت ريقها
سلمي بتوتر وصوت مرتعش : خالد بيه!!
وقف بابتسامة وينظر اليها بقوه يشعر كانه لاول مره يراها في هذه اللحظه
خالد : ازيك يا سلمي
وقفت تنظر له
سلمي : الحمدلله يا فندم خير؟
خالد : انا مش فندم يا سلمي انا خالد
حركت رأسها تصطنع عدم الفهم
خالد : انا خالد يا سلمي خالد بدر المدرسة في الابتدائي
سلمي بتوتر : مدرسة ايه يا فندم انا مش فاهمه تقصد ايه؟
تحدثت ساره
ساره : خالد كان معاكي في المدرسه زمان يا سلمي دة بيقول انكم كنتو صحاب اوي
خالد باحباط : ازاي مش فكراني يا سلمي احنا كنا اقرب اتنين لبعض
سلمي : اسفة انا ذاكرتي علي ادي شوية حقيقي مش فاكراك
تنهد خالد بحزن كان يظن انها ستتذكره ويجلسون يحكي كلا منهما عن حياته في بعد الاخر
خالد : عموما انا حبيت اجي اشوفك واطمن عليكي لاني مكنش ليا صحاب غيرك وقتها
اذا الان اصبح لديك يا سيد خالد اصبحت الان شخص لا اعرفه كان ذلك حديثها الداخل
سلمي : متشكره علي سؤال حضرتك
خالد : انا مضطر استأذن
ثم رحل مسرعا من امامهم وشعرت سلمي انه يهرب من هذا الموقف المحبط الذي وضعته به
ساره : انتي معقول مش فكراه يا سلمي انتي مبتنسيش حاجه ابدا
تجمعت الدموع بعينيها لكنها قالت
سلمي : مش لدرجة ابقي فاكرة اصحاب ابتدائي يا ساره
نظرت لها ساره بقوة وظلت هكذا تتبين ملامحها الحزينه
ساره : مش معقول يكون الي انا شيفاه قدامي دة حقيقي
سلمي : تقصدي ايه
ساره : سلمي انتي بتحبيه
كان جوابها الصمت فا قالت ساره
ساره : يعني فكراه طب ليه قولتيله كدا
سلمي : لانه خاطب لانه من عالم تاني بعيد اوي عننا لانه بقي خالد بيه وانا انا كنت مجرد عاملة نضافه في شركته
شهقت ساره بذهول
ساره : هو هو خالد صاحب الشركه الي كنتي بتشتغلي فيها؟
حركت رأسها بنعم فا قتربت منها تحتضنها بقوه تلعن حظهم الذي يوقعهم في اشخاص بعيدين كل البعد عن حياتهم
ساره : دلوقتي انا فهمت كلامك عن الماضي والوفاء.
__________________________________________
جلس خالد شارداً بمنزل عمران ودارين بجانبه شاردة هي الاخري في فادي الذي سيتركها ويعود لدبي
دخل عمران ليجدهم جالسين بصمت
عمران : مالكم قاعدين كدا ليه ساكتين
نظرا لبعضهما لتقول دارين
دارين : صحيح يا خالد انت دلوقتي حاجة والصبح كنت حاجه تانيه
خالد محاولا مداراة حزنه : لا ابدا شكلي عايز انام بس
دارين : انا كمان تعبانه وعايزه ارتاح
استأذنت منهم وصعدت لينظر لها ابيها بغرابه ثم نظر بخالد
عمران : ايه دة انا مش حاسس ان دي قاعدة اتنين مخطوبين ابدا
نهض خالد يخبره
خالد : معلش يا عمي اعذرنا الشغل بيبقي كتير وبعدين احنا طول اليوم سوا انا هستأذن حضرتك انا كمان هروح ارتاح
خرج تاركا عمران في قلق من حالتهم فا ابنته حزينه هذه الفتره ويخشي ان يكون لخالد يد في حزنها.
__________________________________________
ادم : ااه رجعنا للجنان يابنت الناس هو انا بزعلك وانا مش واخد بالي احنا مش كنا كويسين امبارح
ساره : ادم من فضلك انا في حاله متسمحش للهزار
ادم : طب ممكن افهم مالك اعتبريني نفسك وفضفضي معايا
حركت ساره رأسها
ساره : انت بالذات مينفعش
ادم : ليه يا حبيبتي ناقصلي ودن
ساره بغضب : ممكن تبطل تريقه مهما احكيلك الي انا فيه عمرك ما هتحس بيا لانك مش عايش ظروفي
ادم بحنية : ممكن محسش بيكي بس كفايه اسمعك يا ساره وكمان يمكن تلاقي حل لمشكلتك عندي
صمتت ساره تفكر ثم قالت
ساره : تمام لو في واحده بتحب واحد اوي وهو ميعرف وظروفها مش مخلياها تقرب منه او بمعني تاني هما مينفعوش لبعض كل واحد من عالم غير التاني تعمل ايه
ادم : ممكن تغير عالمها عشانه
ساره بحزن : ولو مش بايديها تغير حاجه كل الي تملكه انها تقف تشوفه وهو مع واحده تانيه رغم انهم زمان كانو احق ببعضهم
نفض ادم رأسه بحيره
ادم : ساره انتي لخبطيني انا كدا مش هعرف احللك مشكلتك
ثم امسك بورقه وقلم ورفع حاجبه
ادم وهو يعطيها الورقه : دة علاجك بصي في الورقه دي كل يوم وهتبقي زي الفل
نظرت لها فا وجدته كاتبا بحبك فا ابتسمت ثم مازحته
ساره بمزاح : انت دكتور فاشل علفكره
ونهضت تسير وهو خلفها يضحكون وبعيدا كانت حنين تقف تنظر ليمني الغاضبه
يمني : انا هدمرها بنت الحرامية دي
حنين : يمني
يمني بغضب : عايزه ايه مش قولتيلي بعد عنها
ثم نظرت بشر
يمني : لازم البنت دي تعرف مقامها كويس اوي وتتعلم الادب عشان بعد كدا متخدش حاجه مش بتاعتها.
__________________________________________
عادت سلمي للمنزل تسير في الشارع وتشعر ان عيون الناس عليها يتهامسون وينظرون اليها فا دخلت الي العقار لتجد زوجة البواب الذي تنظر لها بتشفي تقف بجانب صاحب العقار ينتظرونها
صاحب العقار : شوفي يابت انتي تاخدي حاجتك انتي واختك وتشوفلكم مكان تاني انا بيتي طول عمره شريف مش هتيجي حتة عيل زيك وتنجسه
اتسعت عينيها بذهول
سلمي بغضب : انت بتقول ايه ياراجل انت
زوجة البواب : اعملي شريفة علينا يا بت دة الرجالة طالعة نازلة كل يوم
سلمي : اخرسي قطع لسانك انا شريفة غصب عنك
صاحب العقار : هي كلمة تسيبو الاوضة والمنطقة كلها وانا عشان ابن بلد مش هرملكو حاجتكم في الشارع بكرة الصبح اجي الاقي الاوضة فاضية.
__________________________________________
نهاية الفصل التاسع
أنت تقرأ
لما كنا صغار
Romansaتدور احداث الرواية عن فتاة وفتى كانوا اصدقاء مقربين في الصغر حتى هاجر الفتى خارج البلاد وابتعدوا لتتبدل احوالهم ويعود الشاب بعد عشرون عاماً باحثاً عن صديقته الصغيرة ليتفاجئ بحالها الذي تبدل كثيرا عن قبل..
