لما كنا صغار
الفصل الحادي عشر❤️
وصلت للكلية شارده حزينة ما حدث بالأمس لازال يؤثر عليها وجدت حنين واقفه في انتظارها فا تجاهلتها وجلست بعيدا تنتظر اولي محاضراتها لتقترب منها حنين
حنين : ساره
لم ترد عليها فجلست جانبها
حنين : ساره انا مليش ذنب في الي حصل امبارح صدقيني مكنتش اتمني انه يحصل
ساره بجمود : تمام يا حنين في حاجه تاني عايزه تقوليها
حنين : ايوا انا امبارح خيرت يمني بيني او بين الي ناويه تعمله وهي مهتمتش بزعلي
نظرت لها ساره بغضب
ساره : وبعدين عايزاني اعمل ايه اروح اصالحكم علي بعض ولا اخدك بالحضن واقولك مسمحاكي
حنين : انا معملتش حاجه عشان تسامحيني عليها انا جاية ابرأ ذمتي من الي حصل
ثم نهضت واقفة تخبرها
حنين : عايزه اقولك حاجه كمان اخيرة قبل ما امشي ابن الاصول مابيستعرش من اصله واختك دي الي شقيت وتعبت عشان تربيكي وتدخلك الجامعة انتي متستحقيهاش
ثم تركتها ووضعتها امام حقيقة انها بالفعل حقيره ولا تستحق شقيقتها نزلت دموعها فاقررت انها ستعود للمنزل ولن تحضر المحاضرات وفي طريقها للخارج اصطدمت به فا زفرت بشدة ومسحت دموعها
ادم : ساره انا اسف علي الي حصل
مسحت ساره دموعها
ساره : وانت ذنبك ايه
ادم : يعني مش زعلانه
ساره بجمود دون أن تنظر له : وهزعل ليه الي قالته يمني حقيقي والي مامتك قالته هي حرة فيه
نظر لها ادم بقوه يحاول معرفة ما يدور بداخلها ثم قال
ادم بابتسامة : طيب احنا
ساره تقاطعه : لا من دلوقتي مفيش احنا
ادم بقلق : يعني ايه يا ساره
ساره : يعني انا ليا حياة مختلفة تماما عنك انت ابن الحسب والنسب البشمهندس الي هيخلص كليته يلاقي شغله مستنيه اما انا فانا ولا حاجه يا ادم جرب كدا روح قول لوالدتك انك بتحبني او عايز تتجوزني شوف هتقولك ايه
حاولت ان تتخطاه لترحل فامسك بذراعها
ادم : انتي بتهربي ليه مع اول مشكلة تواجهنا انا مستعد احارب عشانك عشان نكون سوا
ساره بعنف : انا مش عايزه حد يحارب عشاني ومطلبتش منك دة
ثم تنهدت بضعف
ساره : انا وانت مننفعش بعض ولو كنت سمحتلك المره الي فاتت تقرب مني فا المره دي مش هسمح يا ادم روح شوفلك بنت تانيه تليق بيك وبأهلك وسيبني في حالي الله يخليك
ركضت لخارج الكليه والجامعه بأكملها وهو عاد للمنزل بائسا لقد تجاهل والدته امس وهي لم تتحدث معه وقف امامها وهي جالسه امام التليفاز فا نظرت له بغضب
اميرة : خير واقفلي كدا ليه
ادم : محتاج افهم ايه الي قولتيه امبارح دة ازاي تطرديها من كدا قدام الناس
اميرة : والله !! كنت عايزني اعمل ايه يا ادم افندي وانا شايفه الحفلة بتبوظ وهنتفضح قدام الناس
ادم بغضب : الأولا كنتي تطردي يمني الحقيرة دي هي الي غلطت فيها وساره عملت احترام ليا وللمكان ومتكلمتش
نهضت اميرة تقف امامه
اميرة بسخط : لا ياحبيبي هي متكلمتش عشان يمني مكدبتش ووقفتها قدام حقيقتها واسمعني كويس البنت دي تنساها خالص انت فاهم دي ياحبيبي ممكن تصاحبها شويه لكن تتجوزها انسي
ثم هتفت وهي ترحل
اميرة : كنت فكراك راجل يعتمد عليه مش جايبلي بنت منعرفش اصلها ولا فصلها مدخلها بيتنا تعرفنا عليها
نظر لها وجلس بتهالك علي المقعد يضع راسه بين يديه لم يتصور ان تكون امه اول المحاربين ضده.
أنت تقرأ
لما كنا صغار
Romanceتدور احداث الرواية عن فتاة وفتى كانوا اصدقاء مقربين في الصغر حتى هاجر الفتى خارج البلاد وابتعدوا لتتبدل احوالهم ويعود الشاب بعد عشرون عاماً باحثاً عن صديقته الصغيرة ليتفاجئ بحالها الذي تبدل كثيرا عن قبل..
