Unicode
"အခုချက်ချင်း အပေါ်ထပ်ကို လိုက်ခဲ့..."
ဒေါ်နီလာလင်းဦး၏ အသံမှာ ကျယ်လောင်တင်းမာနေလျက်။ ရောင်နီသည်လည်း ထိုအခြေအနေကို နားမလည်ပါ။ အမေ အပြင်ကနေ ဘာတွေများ ပြဿနာဖြစ်လာသလဲ သူ မသိပေ။ အမေက သူတို့နှစ်ဦးကြားကနေ ဖြတ်သွားပြီး ကြက်တောင်စည်းလေးကို မျက်လုံးစွေ၍ ကြည့်သွားသည်။ လူပျိုပေါက် အကြောမခံလေး မော်ကွန်းမြတ်က တစ်ချက်မျှပင် မျက်နှာပျက်မသွား။
"သွားပြီနော် ကြက်တောင်စည်းလေး...နောက်နေ့တွေကျမှ တွေ့ကြမယ်..."
မော်ကွန်းလေးက ခေါင်းငြိမ့်၍သာ အဖြေပေး၏။
ရောင်နီ အမေ့နောက်သို့ အမြန်ပြေးလိုက်ရသည်။ အမေနှင့်သူ အသေအချာစကားမပြောဖြစ်သည်က ဆေးကျောင်းစတက်ကတည်းက မဟုတ်ပါလား။ စကားပြောဖြစ်ပြန်တော့လည်း သည်လိုတင်းမာမှုတွေနဲ့တဲ့လေ။
"အမေ သား------"
"မင်း အဲ့ကောင်လေးနဲ့ ရောရောနှောနှောမနေစမ်းနဲ့..."
အမေ့အသံက တိကျပြတ်သားနေလျက်။ အမေဟာ သန်မာသည့် အာဂအမျိုးသမီးတစ်ဦး။ လင်ယောက်ျားမရှိတော့သည့်တိုင် သားဖြစ်သူကို ဆေးကျောင်းသားတစ်ဦးဖြစ်လာသည်အထိ ပြုစုစောင့်ရှောက်ပေးခဲ့သူ။ ထို့ကြောင့် ရောင်နီ့မှာ သူ့အမေ၏ အရှိန်အဝါတို့အောက် ကွယ်ပျောက်တိုးလျှိုးနေသကဲ့သို့ ခံစားနေရသည်။
"အဲ့ကောင်လေးဆိုတာက---"
ရောင်နီ နားမလည်နိုင်စွာ မေးလိုက်သည်။ အမေက သူ့ကို ဘာအလိုမကျဖြစ်နေသလဲ သူ မတွေးတတ်။
"အဲ့အောက်ထပ်က မော်ကွန်းမြတ်ဆိုတဲ့ကောင်လေးပေါ့..."
အမေက အံကြိတ်ကာ ဆို၏။ ရောင်နီနားမလည်နိုင်သေးပါ။ ဘာကြောင့်များ ကြက်တောင်စည်းလေးလဲ။ ကြက်တောင်စည်းလေးက ဘာများဖြစ်နေလို့လဲ။ ကြက်တောင်စည်းလေးနဲ့သူက ဘာတွေများ ဖြစ်နေကြလို့လား။
ခေါင်းထဲမေးခွန်းများတန်းစီသွားပါသော်လည်း အပြင်တွင်တော့ တစ်ခွန်းသာ ထုတ်ပြောမိသည်။"ဘာလို့လဲ အမေ..."
အမေ့ပုံစံမှာ သိပ်ပြီး စိတ်မရှည်တော့သလိုပင်။ ရောင်နီ့လက်မောင်းကို ကိုင်ဆွဲကာ သူ့ရှေ့သို့ တိုးစေလျက် အံကြိတ်သံဖြင့် သတိပေးလာသည်။
YOU ARE READING
ကိုယ့်ရဲ့ ကြက်တောင်စည်းလေး (ကိုယ့္ရဲ့ ၾကက္ေတာင္စည္းေလး)
Romanceတစ်နေ့မှာ ကျွန်တော့်အိမ်အောက်ထပ်ကို ကြက်တောင်စည်းနဲ့ကလေးလေးတစ်ယောက် ပြောင်းလာခဲ့တယ်.....