نيران فريدة (طموح فتاة )

البارت الثاني والعشرون (سر شهيرة)

- فريدة :روح اسأله

- سيد: وربنا حب يريحك ويبعت ليكي فرصه عشان تخلصي من الموضوع دا

- فريدة: في حاجات كتير مش هترجع حتي لو اطلقت يا سيد سنه كامله من عمري ضاعت شغلي علي اليوتيوب ضاع حتي الوحيد الي حبيته ضاع ودا كلوا بسبب الجوازه دي وفي الاخر اطلق بالسهولة دي واطلع انا الي خسرانه

 جمال: انتي ناويه علي ايه طيب 

- فريدة: انا خسرت حاجات كتير ومعنديش استعداد اخسر تاني وزي ما الجوازه دي كانت ضرر عليا الا انها هتكون وش السعد عليا برضه

 جيهان: ناويه تعملي ايه يا فريدة ناويه تخربي للناس حياتهم

- فريدة وهي تنظر لها باستغراب: اخرب ليهم حياتهم....... دا علي اساس ان حياتي متخربتش من تحت رأسهم مثلا......... هما كانوا بيدوروا علي مصلحتم لما اتجوزني ودلوقتي جيه دوري ادور علي مصلحتي

- نوال: فككم من الكلام دا دلوقتي العيد فاضل عليه كام يوم وانا عاوزه لبس جديد

- جيهان: محدش معاه فلوس ياختي

- ندي بحقد: فريدة معاها

- فريدة: انا هجيب لنور ونوال بس

- ندي: ليه يا اختي وانا كيس جوافه هنا

- هدي: انتي معاكي فلوس يا فريدة

- سيد باستغلال: اكيد..... دا الشركه في اليوم الواحد بتطلع ملاييين....... الا قوليلي يا فريدة جوزك بيديكي قد ايه في الشهر

- فريدة: وانت مال اهلك يا سيد..... هتصرف معايا ولا ايه

- سيد بلؤم: اصلا سمعت انه بيبعت حوالي ٢٠ الف

- ندي: نهارك اسود ومستكتره عليا حتت طقم

- فريدة: حساباتك غلط يا سيد بيبعت ٤٠ الف يا اخويا

- هدي: طب ياختي ما تريحينا معاكي....... يهون عليكي يا فريدة تعيشي في العز دا كلوا واخواتك مش لاقين يكلوا

- جمال: قوللها يا هدي....... مكنش العشم يا فريدة

- فريدة: هو انا خلفتكم ونستكم...... وبعدين اصبروا دا احنا هنطلع بمصلحه كبيره اوي

- سيد: ايه هي يا عم انشتاين

- فريدة: عيزاكم بس تفضلوا مراقبين الراجل الي اسمه سليم دا كويس اوي وانا اوعدكم انكم هتلعبوا بالفلوس لعب

&&&&&-&&&&&&&&&&&
# في غرفة ميرنا بالقصر كانت تلعب علي الجيتار وهي تشاهد احد الافلام امامها علي الشاشة وتجلس علي الاريكه المقابله للشاشة تفكر في جدها وفي حياتها القادمه....... كانت تريد ان تكمل العمل في الجامعه لكن مجئ جدها منع كل شئ لذا قررت انها سوف تعمل في الشركة معهم بدلا من الجلوس في القصر دون فعلا اي شئ مفيد ليقطع تفكيرها صوت رنين هاتفها