نيران فريدة (طموح فتاة )

البارت الثالث والعشرون(رحم الله صديقه الطفولة)

# دلفت فريدة ونوال الي المبني التي تعيش بيه هبه وبعد مدة صغيرة وصلوا الي المنزل

- فريدة: كنت عايز ايه يا سيد

- سيد وفي يده الشاي: اصبري دا انا عندي ليكي موضوع هيغير كل حاجة في الحياة

- فريدة: بعيدا عن اي حاجة...... ايه كباية الشاي دي....

- سيد باحراج: ايه..... جت هنا ازاي دي.... دي دي دي تلاقي هبه جبتها هنا بالغلط انما انا معرفش جت منين

- فريدة: يا شيخ اتقي ربنا بقي دا انت مراتك مش بتسيب فرض في الصلاة........... انت ماسوني يلااا انا شاكه انك ماسوني والله...... انت ناسي ان احنا في رمضان

- سيد: والله يا فريدة كنت لسه هشرب بس مشربتش حاجة وهكمل صيام

- فريدة: يا شيخ اتقي الله انت مش بتصوم عشاني صوم عشان ربنا......... المهم بعيد عن كدا اللهي تولع انا مالي قولي الموضوع المهم

- سيد بتركيز: الراجل الي اسمه سليم دا عنده سر كبير اوي

- فريدة: وانت عرفته

- سيد: اكيد هو دا يغيب عني برضه....... الراجل عنده سر هو وبنته يوديهم في داهيه

- فريدة: هو انت بتنقطني بالكلام...... ما تنجز يا سيد

- سيد: وانا كنت بدخل ليه الشاي سمعته بيقول لبنته الي اسمها شهيرة باين ان لو السر دا اتعرف هي هتتسجن وهو شركاته هتدمر

- فريدة: كمل هااا

- سيد: الوليه دي كانت متجوزه قبل كدا من واحد هنا في مصر ومخلفة منه ابنها فمش عارف حصل بنهم خناقة ولا ايه فراحت البت قتلته........ ابوها عرف فهربها هي وابنها علي الهند وجوزها راجل أعمال كبير هناك فراحت قتلته هو كمان هي وابنها وخدت كل املاكه

- فريدة بصدمة: يا نهار اسوح........ دا لو حد عرف سليم ممكن يتدمر

- سيد: سمعته بيقول ليها انها هتكون السبب في دماره وانها لو فضلت تزعج احفادة هي وابنها هيرجعها تاني علي الهند

- فريدة: طب وهي قالت ايه

- سيد: قالت ان هي مش محتاجة حاجة منه عشان جوزها الهندي بعد ما اتقتل ومحدش يعرف ان هي الي قتلته ساب ليها فلوس كتير جدا...... بس مش عارف ليه برضو رفضت ترجع الهند...... شكلها كدا ناويه علي حاجة هنا

- فريدة: كدا اشطا اوي يا سيد نبدا نلعب علي نضيف

- هبه: ناويه علي ايه يا فريدة احنا اه عايزين فلوس بس مش عايزين ناخدها بطريقة حرام يا فريدة..... اتقي الله احنا في رمضان

-فريدة: انا مش ناويه اضر حد يا هبه بس هاخد شويه فلوس منه مش هتقصر عليهم خالص

- سيد: شاطره يا بت

- هبه: وانتي ايه الي عرفك ان الفلوس دي مش هتقصر معاهم

- فريدة: يا هبه انتي مسمعتيش سيد بيقول ايه بيقولك كل يوم بيطلع ليهم ملايين..... ودا في اليوم الواحد ما بالك بقي في الاسبوع