نيران فريدة (طموح فتاة )

البارت السادس عشر(أحد الاحلام المعلقة على نافذتي )

#في قصر عائلة الهادي 

# كان يجلس الجميع وفي هيبه ورعب وكان يترأس هذا المجلس جدهم سليم ......فهو شاهد ياسين وأحمد ومراد في المطار وهو لم يحدد متي سوف يأتي والا كان برر مجيأهم للمطار لاستقباله

- سليم :ها يا مراد انا مش فارق معايا كنت بتعمل ايه في المطار بس الي فارق معايا مين الناس دي ......ولو هما ناس انت تعرفهم ازاي ميعرفوش عني حاجة وانا جدك 

- مراد:مش عارف ليه يا جدو حاسس أنك مكبر الموضوع مع أن الموضوع بسيط زي ما أحمد قال ليك الناس دول عملوا خدمه معاه وهو حب يرد الجميل .....فخلي ابنهم يسافر يشتغل بره وراح وصله عشان يطمن علي كل الإجراءات مع اهله

- سليم:طب دا مبرر لأحمد انت وياسين كنتوا بتعملوا ايه 

- احمد ببرود:كان عندنا شغل جنب المطار عشان كدا روحنا كلنا 

- سليم وهو ينادي علي احد التابعين له :يونس تعرفلي كل حاجة عن الناس الي كانت في المطار مع مراد وأحمد 

- يونس:حاضر يا فندم 

# غادر يونس ووجه سليم كلامه لمراد مره أخري 

- سليم وهو يقترب من مراد بنظرة خوف:مش بحب ابدا حد يخبي عني حاجة يا مراد ومش عايز تفتكروا لمجرد اني سايبكم هنا اني هغفل عنكم لا يا مراد انا صاحب كل حاجة هنا وانتم هنا بتحفظوا علي الحاجات دي 

- سليم وهو يعود للخلف وبصوت عالي :من بكرة الكل هيكون في الشركات صبيان وبنات حتي شهيرة وابنها هينزلوا معاكم ....انا رجعت وشغل الهبل الي انتم ماشيين بيه دا خلاص انتهي لازم يكون في نظام وكل واحد عايش حياة ترفيه لازم يدفع المقابل

- شهيرة:صعب يا بابي انزل انا وكيمي لأن احنا لسه واصلين وتعبانين جدا من السفر

- سليم:شهيرة الي قولت عليه يتنفز وبعدين ايه بابي وكيمي دي اسمه كريم يا دلوعة ماما ......"ثم وجه كلامه الي مراد"مراد أحمد وميرنا تعالوا معايا الشركة عشان تعرفوني ايه الي حصل في غيابي

- مراد:اشمعنا ميرنا يا جدو

- سليم باستفزاز:عشان هي اكبر واحدة في البنات واكيد متماكنه اكتر في الشركة وعارفة حاجات اكتر من باقية البنات ....انا واثقة أن البنات برضه شاطرين بس عشان ميرنا الكبيرة اكيد متماكنة اكتر ولا ايه يا ميرنا

"شعرت ميرنا بالرعب من كلام جدها فهي لا تعلم اي شيء عن العمل في الشركة هي فقط كانت تذهب لها صدفة لمقابلة مراد ولكن عمل اي عمل هذا حتى تعلم عنه"