فنة عصام 💥مكتملة💥

💥الجزء 54💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
بقلمي⁦✏️⁩: سلين نسلين
البارت 54
- فنينة سكتت شوية وهدرت -: مغتفهمينيش انوال مايمكنش تفهمي ,عرفتي كيفاش كتحسي بحالا روحك كتحرق برضاك و نتي ما قادة ديري والو ,كنشوفو فكل بلاصة فيما مشيت بحال شي ادمان ,كنحس بخنقة كتوسع فحلقي ماقاداش ندوزهاا ,انا بحالا شي شمعة مضوية علۍ كلشي و لكن فمقابل هاد النور لكيوصل كلشي انا كنختفي هكا ولات روحي ..كنبغيه اااه و بزااف كااع ..كثر من اي واحد و اي حاجة اخري ,معرفتش فوقاش ولا علاش حتي لقيت راسي غارقة فيه فتفاصيلو ,عصبيتو شوفاتو الحارين , تا ديك القسوة لكيبينهاا كنبغيها و باغياها ,باغياه بكاع نواقصو بكاع عيوبو , لدرجة الى شفت شي وحدة كتشوف فيه نقدر نقتلها بلا مانحس ونت شفتي على عينيك كيفاش تصرفت مع بنت عمتو غير حيت كانت تجبدو فهدرتها (نوال واكرام بجوج مركزين معاها سيغتو نوال كتشوف فيها بطريقة فشكل حيت بصح مصدومة فصحبتها فنينة لكتعرف ماشي هاذي كملت كلامها بصوت باااح ) ,,ااه عارفة اتستغربي من كاع هادشي لكنكول و ايجيك صعيب بس تيقيني ماقدرتش نوصف لك تا واحد فالمية من داكشي لكنحس بيه ,بحال شي بلاء انا رافضاه و هو مصر يوقع لي ,(مشيرة بيدها الليمنة لقلبها) هو هدا مستعمرني ..فنينة بهدوء و الدموع فعينيهاا ;:نوال دوي معاه عفاك كوليه يخرج ..انا راه ميمكنش نبغي واحد ممسوقش لي .انا راه فنينة انوال عارفة بلي مكينش ولد المرا لمبغانيش ..انا لكنت ديما كنقمع ماشي كنتقمع ؟ علاش نترفض هكا ?علاش ميعبرنيش ...علاش بغيت واحد بلا احساس ? ياك نتي كتكولي لي اني كنز فحياة الواحد و اني اسثنائية و نستاااهل نتحب و يديرني الواحد فعينيه ?ياك و لكن هو علاش مابغانيش ?ماعطانيش تافرصة نخليه يبغيني ..هاد الحب من طرف واحد كيحرق انوال كنقسم ليك بحال اللعنة .. شكون كال انا فنينة نبغي من طرف واحد كنت غاضاحكة كلشي بدا غا ضحك محستيش على راسي حتى لقيت روحي غارقة ..وغارقة فمصيبة ..حيت بصح عصام مصيبة ..فراسك ݣلتها ليه كتلو بزااف لكانو زوينين فحياتي وباغييني وجيت انا وختاريت اسوء واحد فيهم عصام مصيبة او بتاليت بها عصام مصيبة وطاحت على على قلبي
خيالو فكل بلاصة كنعس باش نساه و قبل مانعس كنتخايل حياتي معاه تخايلي انوال ..شحال ما هربت باحلامي وحاولت نبعد عليه فنعاسي و نكول راني تشافيت منو بمجرد ما يعاود يخرج صدفة فوجهي فشي حلمة كيرجع لي كلشي كااع الحنين والاحاسيس المزفتة لكنحس بيها من جيهتو ..عاد كنعرف اني ماتخطيتوش فمرة ..ما انا بعدت خويت ليه دارهم و مدينتو و لكن ريحتو لاصقة في معرفتش علاش ..انا فحياتي ماكنت ضعيفة هكا و نتي عارفة اني كنكره الضعف ,انا فحياتي ما سمحت لمشاعري تحكم في كنت ديما كنخدمهاا بالعقل لكن معاه هو كيديزاكتيڤاا دماغي معرفتش علاش ?واش هذا هو الحب لكيكتبو عليه فالروايات و يصوروه فلافلام ?لكان هو فراه ماشي شعور زوين بالعكس شعور كيخنق ..ياك ديما كانو كيكولو ان الحب احساس زوين كيخلينا طايرين بالفرحة و لكن انا كنحس براسي بحال شي طير ذبحو ليه جناحو ..طير زوين كيبغي الحياة ..تخايلي درجة الالم لغيحس بيها طير صغير و هوما كيذبحو له جناحو هكا تماما كنحس بروحي مخنوقة فيما مشيت ..دبا عفاك انوال واش بصح انا نستاهل يبغيني الواحد هانتي خلي معزتك لي أبار و كولي لي واش انا زوينة نستاهل يبغيني الواحد (فنة بهستيرية مخلطة ليها الضحكة مع البكية ..دموعهاا شلال ما بغاوش ينشفو ( جاوبيني انوال واش نستاهل ,,نوال بشوفات كلهم حنية علي صاحبتها يمكن نكول شوفات كلهم شفقة ولكن لا نوال شافت ففنة شوفات عامرين حب و حنية :سكتي تقودي ابنت القمحة اكييد تستاهلي تحبي هو لخاسر ماشي نتي ..نتي كنز افنة ااه و انا أكثر وحدة كنعرفك و عارفاك انك زوينة بكلشي فيك سكتي ...قاطعاتها فنة: لكان هكا علاش هو مابغانيش ,,علاش أنا مضرورة و هو لا علاش هو و لا على بال بيا,علاش يهيني بديك الطريقة و يحسسني اني ق*بة ..علاش كتليه اني مبقاتش عندي فين تساع و وخا هكاك مصر يضرني بهضرتو و شوفاتو ?علاش انا بغيت واحد ماعلابالوش بي ?علاش هكا ....الضحك تقلب جدية انوال ماضنيتش يوقع هكااا ...هاد الوضع فوق طاقتي والله
علاش انا بغيت واحد ماعلابالوش بي ?علاش هكا ....الضحك تقلب جدية انوال ماضنيتش يوقع هكااا ...هاد الوضع فوق طاقتي والله
- نوال : اويلي نت شهاذ الشي كتكولي فيه ضخت والله حتى ضخت - اكرام عنقتها : ناري على ختي ..(باستها ) عمري كنت نتخايل هاذ الهدرة تقدر تخرج من عندك نت
- فنينة : خرجات خرجااات ..كنبغيه منقدرش نكر ..ومنقدرش نكذب على راسي انا فعلا بغيتو بغيتو بزاف أو هو اداااني بزااف (حطت يديها على قلبها كتبكي ) والله حتى كنبغيه والله حتى كنبغيه ...كنبغيه بزاااف علاش يآذيني علااااش -فجاة تفتح الباب عليهم ودخلت حليمة كتعرعر بصوت عالي : وناااااا نكول مال الدرية سادة عليها متهدر متكلم ..كولي نت مكوية ومشوية صاااافي هذا جهدك صافي تقداو ليك ..تخورتي..خورك حتى شبع ولاحك عليا هنا مخليك شاركة ليل مع نهار ..اعبر عليك ابغيتها فيك طرتي حتى طرتي..وجبتيها فزكك ..هاكا يكونو ولاد الرجال..دار بيك حتى شبع. ولاحك عليناااا ..- فنينة بلا نفس : شكتخور هاذي تاني - حليمة : رآه ماشي انا لكنخور راك نت لتخورتي ..وخورك ديال بصح وخلاك طايحة شادة الفراش . ولكن الهدرة ماشي هاكااا. الهدرة غتكون مع باااك وخوتك لمرباو فيك والو هاني دابا غنمشي نجيبهم ليك ولكانو رجال غيبانو كانو شمايت غيبانو - فنينة : سيري غا ت*ودي نت وياهم - .خرجت حليمة كتغوت على حمد وبسميات ولادها وتبعتها اكرام كتحاول تمنعها ساعة وااالو ..غير شافت حمد سردت عليه كلشي وتم جاي وصونات على ولادها حتى هوما جاو زندااات الطرح بالمزيان وشعلت العافية ديال بصح عاودت ليهم لي كينا ولي مكيناش وزادت حتى من راسها ..باش تزيد تخليها على فنينة ديال بصح ..ماشي بزاف وكانو هاجمين عليها - حمد كشاكشو خارجة : ...اش هاذ الشي كنسمع اديك الخطية واش هاذ الشي بصح. هدري تكلمي. - فنينة : معندي منݣول - حمد : اهدري يا هاذ البنت - حليمة : انوض على سلامتك شمن بنت .. البنت صيفتيها عزبة تقرا رجعااات ليك مرا .. هاذ الشي لصورناه من دوران ديالها فالمدن ..ضحكو ليك عليها ورجعوها ليك مهتوكة ..ادويو ادوك رباعة الحلالف واش عاجباكم هاذ المصيبة لطاحت على راسنا -اكرام :حشومة عليك امي واش من نيتك نت غا كتخربقي ..راكي مفاهمة والو ماشي كيفما كيحساب ليكم - حليمة : نت اديك البرهوشة غدخلي سوق راسك لا .وغتخرجي سوقها حسن ليك ولا غنضبر معاااك نبقى ناكل فيك حتى لغدا فصباح حيت بنتي ليا ضسرتي وحتى نت باغا تشدي طريقها وتخرجي تسلكطي بحالها وتجيني مكمشة عليا هنا دموعك على خدك.وقاعك مفروع - فنينة بقلة صبر غمضت عينيها مزيرة على سنانها : غتسكي حسن ليك ولا انا لغنضبر معاك
- حمد جرها من شعرها كيدي فيها ويجيب : دايرها قد راسك ومزال كتحلي فمك مالها كدبت عليك ايه مسلكطة وحتى شبعتي دوران مع راسك وكلشي ساس فيك خنزو عاد جايا ملاوحة عليا هنا مالي فاتح هنا خيرية.... يتبع