فنة عصام 💥مكتملة💥

💥الجزء 59💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
بقلمي⁦✏️⁩: سلين نسلين
البارت 59
&&&&&دازت تقريبا اسبوعين ..فهاذ الفترة لدازت جاو ناس لدار فنينة وتمت خطوبة رسمية بينها وبين سمير محددين. فيها كلشي ..وبداو التوجاد عند العائلات بجوج فدار فنينة غير حليمة لكتوجد فرحانة الطمع ومايدير فرحانة بالبلاد لغتشد على ظهر هاذ التزويجة ..فنينة رجعت بحال حي وميت مكتحرك مكدير والو نوعا ما دخلت فاكتئاب تمشكلت فدماغها حيت كتشوف حياتها تخربقت ومبقاش عندها بعد النظر لكان .حاسة بمستقبلها ولا مجهول ..خلات ليام لتبين ليها اش كاين ودارت كلشي فيد الله ورجعت لور كتفرج شي سميانة مشافت نوال حيت كانت فقنيطرة لعند دار كنزة دوزات شي امتحانات وكي سالات ورجعت دازت لعند فنينة هيا الاولى جالسين فصالون كيهدرو
فنينة : مالكي كتشوفي فيا مالك ياك لاباس مالك على هاذ الشوفات - نوال : كنشوف فيك كنشوفك نهار على نهار كذبلي ..- فنينة : اودي لقينا ليسقينا باش نرجعو الحياة كين غا ليقتلك -دازت حليمة من حداه كتخنزر وكتستغفر
- دابا دخلنا عليك بالله واش ݣرين هاذي متقتلكش ݣولي باز حيت مزالني صابرة - نوال : انا معرفتش هاذ مرات باك كتشوفني كتبدى تستغفر ..- فنينة : ههه شكون فحالك راكي وجه خير غير كتشوفك كتفكر الله هههه
- نوال : ههه شفتي غا ملي ضحكتي هاذ الشي لبغينا -فنينة: اودي اش فيها منضحك راها غارقة بيا حتى الودنين - نوال : نت لغرقتي راسك - فنينة : عارفة
- نوال : واباقا بغا تزيدي تغرقيها كثر وكثر
- فنينة : نقدرو نبدلو هاذ السيجي كوليلي خالتي كنزة كي خلتيها ولات مزيان ولات تحرك شوية
نوال : راها مساعفة مع الوقت - فنينة : مسولتش فيا
- نوال : اودي ففمها غا نت توحشاتك بزاااف ݣاتليك دوي معاها وديري شي مرة واجي طلي عليها انا خارجة وهي كتوصي ههه درتي بلاصتك عندها بالخف
- فنينة : حتى انا عزت عليا ربي لعالم حتى ندير ونهدر معاها نعرض عليها لضريب الصداق والعرس لبغات تجي - نوال : علاش ناوية ديري العرس نتي - فنينة : ومالي نمشي بسكوتي ..- نوال : دخلنا عليك بالله
- فنينة : ماشي انا لباغا هوما لجالسين يخططو من راسهم - نوال : وداك ضريب الصداق لغيكون عندك بعد غدا اش غديري فيه - فنينة : ديران ديال الله شعندي انا مندير - نوال : مالكم على هاذ الزربة فنينة رآه خصك تاخدي وقتك تزيدي تفكري
- فنينة : شمن وقت خلاو لياا الله يهديك ملي كطيح البݣرة كيقواو الجناوا غا خليهم يديرو فيا ما بغااو انا بغيتها تخرج يا فيا يا فيهم ..
نوال : ولكن اختي علاش هاذ الزربة ..مالهم على حالتهم - فنينة : ݣاليك سيهم العريس عندو شي خدمة برا .وخصو يسافر عليها باغين بزربو عليا على العقد وباينة حمد لمقتارح الفكرة ..باغي غير فوقاش يشد ديك البلاد الطمع داير فيه حالة ياربي السلامة
.- نوال : اودي كبير الكرش تفركع ليه .ولكن هدري معاهم راه هاذ الزربة لدارو ليك خايبة
- فنينة : اودي حتى نت شعند الميت ميدير قدام غسالو ..هاني صابرة حتى نشوف هاذ الحريرة فين غتوصل
-داااز الوقت بالزربة طاااير حتى جا يوم المعهود يوم ضريب الصداق ديال فنينة فالصباح ديالو فاقت دوشت بلا خاطر غير حيت كانت فيها لغيݣل ورجعت ناعسة شادة تلفون كتسمع غير التقرقيب ودار عندهم عامرة وريحة طياب واصلاها خشات راسها تحت وسادة باش تسكر وتنعس محست بحليمة حتى دخلت عليها: اتبارك الله على لالة العروسة شاركة ليا ليل مع نهار ..دخلنا عليك بالله واش هاذي حالة وحدة عندها ضريب الصداق اليوم وليلة غتسني عقدها - فنينة : سيري بعدي مني احليمة بالله معندي الݣانة ليك غير فوتيني عليك - حليمة : انوضي شوفي ليك ما ديري انا رآه عييت من صباح وانا كنجري كولي انا لغنتزوج ماشي نت - فنينة : ولكنت تجري راكي عارفة علاش وعارفة شنو غادي تخشي تحت منك من مور هاذ التزويجة .سيري فرقيني عليك - حليمة : هاني فارقاااك وخليك خامرة .والله ابنتي متستاهلي هاذ العراسية لغيدير ليك حيت نت غا خطية كنت باغااه لبنتي حيت انا لنعرفلو بالحق معرفتو مالو لصق عليك هاذ اللصقة معرف شنو عجبو فيك اعزري دوار
- فنينة : حليمة هاذ نهار ماشي نهارك ..*ودي بعدي مني قبل منقلب هاذ الشي جنازة ..- حليمة : وراها نيت جنازة هاذي راها جنازتك - فنينة : فهاذي والله مكذبتي ايه جنازتي غا خرجي *ودي بعدي مني ...يتبع