فنة عصام 💥مكتملة💥

💥الجزء 99💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
🛑🛑🛑الفصل الثاني: #لعشقكي انحنيت♥️♥️♥️🔞
بقلمي⁦✏️⁩: سلين نسلين
البارت 99
غمض عينيه ساخط و رخاها وناض زافر كيمسح على راسو فلحظة ولات لبانت ليه كيهرسها دكدك كلشي فالبيت حس براسو مبقاش قادر يشوف لجهتها عينيه مبقاوش قادرين يشوفو داك الشي لدار ليها هو كيبرد الاعصاب ديالو فلي جات قبالتو وهي دايرة يديها على فمها وكتبكي بالحس قفزت ملي شافتو خرج زادح الباب داز الوقت وهو خارج .ودن الفجر من وراها ماشي بزاف وكان راجع ريحة الݣارو فيه مجهدة بزاف وحتى من شراب رجع شرب حتى جاب التمام مشى لنيشان عند مو كنزة لبيت لكانت مفرشة صلاية كتصلي الفجر جلس تسناها حتى. سلات وسلمت عاد شافت فيه بحزن ودورت وجهها لجنب معصبة منو ومن فعلتو قرب ليها وجلس حداها فوق صلاية باس ليها راسها وشد يديها باسهم وحط عليهم وجهو بصوت ثقيل : رضي عليا الحنينة - كنزة : نت خليتي فيها منرضي عليك اولد كرشي شادرت ليك ديك درية باش دير ليها هاكاك صبرت عليك هاذ الشي باش كتجازيها هاذي هيا عزيزة عليك وكتكولي متقسونيش فيها - عصام : ماشي لخاطري ومجيتش لعندك باش نهدر فهاذ الشي جيت لعندك الحنينة نوصيك على بنتي فنينة تهلاي ليا فيها راها حتى هيا بنتك كيف ما أنا ولدك .- باس ليها على راسها
- تهلاي ليا الحنينة فمراتي - كنزة : فين غادي اعصام؟
- عصام : ربي شاهد عليا بلي عمرني غدرت بها وبلي حاسبها بنتي ومني ..انا مظطر نمشي ونت تهلاي ليا فكبدتي ..كنوصيك على راسك وعليها اميمتي خليها معاك وبقاو مجموعين حتى نرجع - كنزة شدة ليه وجهو شافت ليه فعينيه لحمرين بمفعول العيا والشراب : شعندك اعصام شهاذ الحالة نت فيها سكران اولدي من ايما وليتي تحط الحرام ففمك - عصام : مكتاب الله كيتصرف ..بغيت غير نتكالما ونتهدن ملقتيش كيفاش خاطري ضارني عليها بزااف وحتى خاطري خاسر عارف راسي ضريتها ولكن كلشي غيتصلح غنصلح كلشي غنغبر ولكن ملي غنرجع كلشي غيتقاد كنواعدكم كنزة : ولدي شنو كتخربق فين غتغبر واش سكران معارفش راسك اش كتكول كاااع شوف عينيك كيف كيتغمضو راسك تقيل بالسكرة سير تنعس وفالصباح غتفهمنا كلشي وحتى ديك البنت لدخلتيها علينا غتعاود لينا شنو قصتها وكيفاش حيت عارفاك اولدي عارفاك متخبعش عليا خصوصا موضوع يحال هذا واش البنت كانت طايحة فشي مشكل ونت فكتيها كولي
- عصام : وقيلا بصح عندك الحق الحنينة خصني نمشي نعس حتى الصباح ونفهمكم كلشي غنوض نعس حدا مراتي - كنزة : شكون فيهم اولدي
- عصام تبسم : مرا وحدة لعندي اميميتي غير وحدة لعندي هيا فنة من غيرها مخصنيش ومنبغيش....
ناض خرج من عندها فتح الباب البيت بشوي ودخل قرب لجيهتها كانت ناعسة ومزال اثار دموع على عينيها عرف بكثرة البكا والعيا غفااات دوز يديه على وجهها بشوية وتبسم ساهي فملامحها : زينك زين يا زينة . خليتي عيني تشوفك غير نت .غير فنينة لفقلبي وغير فنينة لفعيني وغير فنتي لنبغي نفيق فصباح ونشوفها حدايا ..غير ريحتك لباغي نشم غتكوني مكلخة الى كنت كظني كلمة نبغيك غتقدر توصف داك الشي لحاس بيه من جهتك..نت دخلتي ليا مع العظام شباقا باغا ديري فيا مزال كين شي حاجة كثر من هاذ الشي حياة عصام ونفسو ولات بين يديك ازينة البنات تݣولي لي عصام موت نموت تكوليلي عيش نعيش
-ضحك حتى بانو سنانو
- ضحكتي بانت معاك وضحكتي كانت فوجهك فراسك بلي حياتي كانت مملة .وملي جيتي نت دخلتي لمتعة لحياتي وخا كنت تعصبيني أسايبة مي كنت كتمتعيني. فراسك ملي كتعصبي وكتبداي تغوتي وتخرجي فيا عينيك كتحمقيني واعجابي بيك بدا فاول لقاء ..زعيمة وسايبة ابنتي وكنموت على دينمك نت ديالي وانا ديالك مكينش ليقصني من غيرك ومكنيش ليحط يدو عليك من غيري نختار نموت على فراقك ..وحتى نت عارفك كتموتي عليا وحيت كتبغيني بزاف غادي تغمضي عينيك على بزاف الحوايج على قبل حبيبك ياك ازينة (باسها من فمها بشوية) انا عارف راسي من بعد هاذ الشي لغندير غنزيد نقودها معاك مزيان ولكن من بعد كلشي غيولي مزيان احححح افنة عصام وشحال غنتوحشك وكي ندير سيمانة غتكون عندي بحال قرن
-شد يديها باس كفهم وضحك - وليتي تبوس ليدين اعصام هههه ولكن غير دياول حبيبتي لي انا منها وهي مني
- رجع باسهم وباس ليها جبهتها وعينيها وفمها وناض جبد كاع لكارط كيشي من جيبو حطهم فطابلة ديجا واخدة كاع ليكود ديالهم حط كلشي و خرج بالزربة غير خرج فتحت عينيها منزلة دمعة حارة حطت يديها على قلبها لكان يضرب بجهد وهي كتسمع كلامو...... يتبع