فنة عصام 💥مكتملة💥

💥الجزء 113💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
🛑🛑🛑الفصل الثاني: #لعشقكي انحنيت♥️♥️♥️🔞
بقلمي⁦✏️⁩: سلين نسلين
البارت 113
حتى اذنت المغرب عاد رجعت لدارهم دازت عند باها هو الاول لكان فايق كيشوف غا بعينيه وتلفازة مطلوقة قبالتو جلست حداه شاف فيها ونطق : تعطلتي - فنينة : غير مع طبيبة ودزت شفت خالتي كنزة - حمد تبسم بحزن وتعب واضح على وجهو بزاااف : امدار عرفتي شنو نوع تربية - فنينة تبسمت بحزن : عندي بنيتة - حمد تبسم : البنات زينات البنات حنانات - فنينة غير حركت راسها مجاوبتش - حمد: ربي يجيبها ليك فاحسن صورة - فنينة: امين خصك شي حاجة اكرام عطاتك كليتي ؟ - حمد : اه وشربتني حتى الدوا كح حح كح غير دابا شوية باش خرجت - فنينة حركت راسها :مزيان - حمد : مقلقة ؟ - فنينة تنهدت ساكتة - حمد سكت شحال كيشوف فيها عاد هدر يكول كلمة ويجمع نفسو ويكمل التانية : حنينة ومعندكش زهر بحالك بحال مك - فنينة تنهدت : ناس محالفهم الزهر وانا حالف فيا واش هاذي سخطة فيا ولا دعوة وخرجت فيا - حمد : مرضية ابنتي مرضية مدرتيش علاش تاخدي السخط - فنينة : حتى لدابا عاد كتݣول هاذ الهدرة دا شحال فين كنت كانو مغمضين ليك العينين عليا - حمد : متغموضش الخاطري كان مغلوب على امري كانت غالبة فيا مكنتش نقدر نهدر حتى الحمل تقال عليا وباقي متقل حتى تسمحي ليا - فنينة: المسامح كريم انا فدنيا مسامحة شوف مع هاذيك لفقبر واش تسمح ليك على داك الشي لدرتوه فيها - حمد تنهد كيكحب : هذا هو الحمل لمتقلني ولغيعذبني فالاخرة مك صرفات فيا غير الخير وانا صرفتهم فيا شر -فنينة نزلت ليها دمعة مسحتها : علاش اش دارت ليك فاش اذاتك - حمد : الطمع ابنتي طمع انا يماك مكنتش نعرفها حيت مكنتش ولد الدوار حليمة لكانت مرافقة معاها وتعرفها انا خديت حليمة منكساب منعلام طالب غا معاشي حتى لنهار لغتجي تكولي زيد التانية كاتلي رآه مك ماتو ولديها وخلاوها مقطوعة من شجرة لا خوت لا حباب كاتلي تزوج بيها وثورت ورتها تبارك الله كانو خلاو ليها ليعشيها الحياة مزيان ومك كانت مسكينة غا نية وحشومية لا مݣالت ايه متݣول لا راسها مكانتش تهزو ومكانش ظانة ان صحبتها ناوية ليها على الغدر حتى وقع لوقع مك تاقت وغير دخلت تحت جناحي او رزقها ولا رزقي دارت فيها حليمة دورة ديال الزمان لقات حهدها قليل ودارت فيها ما بغات كانت تݣولي طلق وانا ملي حملت بيك ما بغيتش واش ولفتها ولا قلبي مال ليها معرفتش المهم مكنتش بغيت نطلقها عزت عليا - فنينة كتبكي : هاذي غير عزة عليك وقتلتوها بالفقصة - حمد : خبث حليمة وسحورها هو لفركت الشمل وخلاتني خاتم فصبعها ملي دارت كلشي تحت سميتها تم ما بقيتش قادر نكوليها لا ولا نعارضها فكلامها - فنينة كتشهق : مي ماتت اه وبقيت ليك انا علاش محضنتيش عليا علاش محنتيش فيا علاش كان قلبك قصح من الحجر عليا علاش كان كبدتك فيهم كاملين الا انا - حمد : مكتاب الله كان كيتصرف كنت نخاف من حليمة راها واعرة ولفعة سامة فين ما مشات داݣا سمها كتليك كنت عبد ضعيف مغلوب على امرور نقرب ليك كتكولي كتشم فيها ريحة مهما كانت باغا تجليك تعطيك لشي ناس يتكفلو بيك انا لمخليتهاش - فنينة : كون غا جلاتني ولا هاذ الحالة ل انا فيها دابا على الاقل كان غيكون حالي حسن من هاذ الحال ....
حمد مد يدو ليها كيدوزها على وجهها ونزلو دموعو : سمحيلي ابنيتي سمحيلي اما حتى مك حتى نطلعو الفوق وغتاخد حقها مني وداك الشي لكتسالني ..غير نت بغيتك تسمحي ليا هنا انا راضي عليك رطبي قلبك عليا كيف ما كان الحال كنبقى باك - فنينة : ربي كيغفر شكون انا لمنغفرش ربي يدير لفيها الخير .نخليك غنوض نبدل حوايجي و نشوف شنو ندير العشا نعس ترتاح - ناضت لبيت بدلت توضأت وصلات ودعات وبكات وفرغت قلبها بالدعاء على لخلقلها وخرجت الكوزينة كتنصب العشا غبرت نهار كامل الكوكوط مصفرتش .هذا حالها لمطيبتش هيا البوطة مكتشعلش ..حليمة كيف عادتها تقيل دالعة من خيمة لخيمة وعاد زيد دابا شدت الحانوت مبقاتش مسوقة لا لمريض ولا لكلا ولا لشرب واقفة كتنقي فالبطاطة حتى دخلت عليها كيف عادتها كتهز وتحط : اعلى سلامتك مكنتيش ناوية بالسلامة - دارت شافت فيها ونتابهت لون شعرها لمغير كانت دايرة ليميش بلون صفر مشعشع وشادة شعرها بقراصة وشي مكياج فوجهها ديال الباطرونات تنهدت فنينة ودارت مكملة شغلها كتستغفر الله بصوت مسموع - حليمة كتمضع المسكة : كتستغفري ياك لاباس شنو شفتي شياطين حتى كتشوفيني عاد كتفكري الله ولا كيفاش - فنينة: سيري فحالك اختي بدلي ساعة بخرا الله يرضي عليك معنديش الݣانة ليك خليني نكمل شغلي رآه راسي متبوخ مناقصاكش - حليمة طرطقت المسكة: شفتك توكدتي طارت منك الݣلبة - فنينة ؛ فوتيني عليك راني واحلة فروحي منصلاحش ليك - حليمة : وهاذ الروح بالسلامه فين ناوية تولديها ياكما ناوية تحطيها عندي. مقادتو فيل زادتو فيلة ..ملي تولديه سيري شوفي فين تهزي راسك نت وياه ولا خرجي تخدمي عليه- فنينة رمات البطاطة فالكوكوط وسدت عليها - حليمة : مالكي على ديك البطاطة كاملة كنت تزرعي فيها ولا كيفاش - فنينة دارت مخنزرة : وبااااز واش نت مكتهديش اااااا؟ والو واش واش بغيتي تراعي شوفي غا هاذ الحالة لنت فيها واش نفسك مكتخزيكش ثلاتة شماكرية لحاطة فايتينك بطول وعاد جاتك المراهقه المتأخرة - حليمة : بزاف عليك باقا ندك وندردك عليك وعلى غيرك - فنينة: انا معندك ما دردكي عليا ..راكي كتعرفيني نسوط فيك وفقبيلتك - حليمة: رآه كتليك طارت منك الݣلبة ديال راجل لهرب عليك - فنينة: انا هرب عليا ونت قتلتيه بسحورك وخلتيه شاد الرݣنة غا كوليلي باش غتلقاي الله نت القبر ومحالش واش يهزك غا سيري لفيك كافيك ربي عطاك ومزال فين غا يعطيك غا هاذ الحالة لنت فيها مبينة سخط ربي عليك - حليمة : مالي كي جيتيك مناقصني غير الحمد الله برزقي وخيري وخميري كيتك نت لهرب عليك الراجل مخليك مرهونة او واحلة فروحك كون كنت بحالك انا منهزتش راس مزال - فنينة: ايه رزقك وخيرك وخميرك كنت كضربي فيه العتلة ولا كتفيقي عليه فالفجرية رآه غا ريبة وعرق بنادم ومال اليتيم او وكال مال اليتيم عمرو يطفرو تخرج فيه الدعوة تخرج وهنا فين ݣلتها ليك شفتي دود هو الاخر مغيبغيش ياكل منك هاني فين ݣلتها ليك وعقلي على هدرتي مزيان ودابا سيري خرجي فين كنت خليني نكمل العشا دابا يتمو داخلين الغوال ديال ولادك .... يتبع