فنة عصام 💥مكتملة💥

💥الجزء 52💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
بقلمي⁦✏️⁩: سلين نسلين
البارت 52
فنينة : حمزة غندوي معاه فتلفون حتى ندير شي وقيت وغادي نتلقا انا وياه دابا خصني نمشي ملي تفيق خالتي فضيلة سلمي عليها ( كانو باقين ناعسين هي وبناتها ) ..خرجت معاها كنزة حتى الباب كتسلم عليها ونوال غا واقفة كتشوف فيها وقلبها ممطمئنهاش كنعرف فنينة بزاف وعارفة غتكون واقعة ليها شي حاجة ..هوما باقين واقفين حدى الباب ..كنزة كتبوس ففنينة ..حتى جا عصام شاف فيهم نص شوفة وطلع بلا ميتكلم ولا يݣول والو ..-فنينة: يالاه اخالتي غا سيري دخلي نت انا غنمشي-كنزة : سيري الله يديك فالنجا انا راضية عليك
- دخلت كنزة فنينة جات غادا شدتها نوال من يديها : سمعي نكوليك ديك القضية ديال خويا دابز ومشيت تقدر دوز على كنزة ماشي عليا انا لكنعرفك ..فنينة هدري كوليلي شنو واقع ليك اش طرا اش كاين شنو وقع البارح ملي جيتي تاخدي دوا وقعت شي حاجة ياك - فنينة : لا موقعتش غا حاجة وحدة وقعو بزاف الحوايج ..- نوال : عاوديلي اش كاين
- فنينة : مقادراش نهدر دابا ملي غنحس براسي باغا نعاود نت اول وحدة غتعرفي ..خليني نمشي دابا
- نوال : زيدي غنمشي معاك
- فنينة : لبغيتي -مشاو البنات بجوج ..كنزة من ساعتها دخلت الكوزينة كتخربق لضيافها لغدا وخا عيانة ..كتقدي شغلها وكتنين مكتقدرش تبقى واقفة على رجليها بزااف ..دخل عليها عصام مخنزر عاقد الحداش خصو غا معامن : كنزة شكديري
- كنزة : غا كنتفتف وكنخربق شي حاجة للغدا-عصام : سيري تريحي لبغى شي خرا ينوض يديرو راسو...
كنزة : لواه اولدي لاواه خليني نغدي ناس ..- دخلت عليهم سارة مزال كتفوه : الله شحال فساعة دابا نعسنا بزاااف مكينش الفطور امرات خالي ..
- كنزة : جلسي ابنيتي هاني غنديرو ليك - عصام زفر شاف فمو ؛ كنزة ..غنخرج وملي نرجع نلقى هاذ دار خواااااات ما بقيت باغي نشم ريحة ديال حتى شي واحد هنا - خرج زادح الباب - ..سارة : اربي سلامة هذا مالو واش كان كيمعني علينا - كنزة : غا معصب ابنتي غا معصب ماشي عليكم...
$ عصام نهيك انه مكيحمل حتى واحد يجي لعندهم مكيحملش عائيلتو وضارب عليهم بكروة حمرا ..حيت كلشي دوا فيه ملي مرض وحتى ملي مات باه حد مبقى يعقل عليهم وهاذ عمتو كان شاهد شنو كانت مدوزة على كنزة ملي كانو ساكنين مجموعين قبل متزوج كانت محامية هي وجداتو على كنزة ..بتمارة وشقا وحشيان الهدرة ..كان صغير ولكن كان يعرف وبقى عاقل على كلشي عليها دابا مكيحمل حد وشاد تقارو
&&&&&&&&دازت يومين & وقت لغدا كنزة مطيبة لقسم الله ودايرين على طبسيل .عصام معندوش خاطر لماكلة غا داير خاطر لمو لتعذبت باش توجد ليهم ما ياكلو ..كياكلو فهوذء حتى هدرت كنزة : احمزة ولدي مدوتيش مع فنينة كاع - حمزة : معرفتش كنصوني ليها مكتجاوبنيش تلفونها طافي معرفتش ..- كنزة: حتى انا كنصوني ليها كتشدني العلبة الصوتية ..- حمزة : دويت مع نوال سولتها عليها ݣاتلي غير عيانة شوية - كنزة : غتكون مربجة مع دارهم عندهم شي مشاكل ديال خوها حتى هو باسل كثر منك ..ماشي ديك ليلة لصيفتها تجيب ليا دوا صوناو ليها على خوها دابز ..ومشات مسكينة لدارهم فداك ليل
- حمزة : اه ݣالتهالي - كنزة تنهدت : توحشتها كانت معمرة عليا بزاااف..توحشت هدوراتها والحتيت معاها
- بقا كتهدر حتى شافت عصام لاح الخبز وناض قاص طابلة بركابيه على شوية كان طبسيل غيتقلب - كنزة : اناري غا بشوية اوليدي مالك على هاذ النوضة كنت غتقلب كلشي - مدواش زاد نيشان لبيتو
- حمزة : اناري هاذا مالو تاني ناض كي الطران - كنزة : منعرف ليه شوف شنو غيكون عندو -عصام كي دخل لبيتو نصل تريكو لايحو فالارض وجلس فبيروه شعل لبيسي وبدى يخدم فيه يديه كيخدمو وعقلو غايب ماشي معاه واحد شوية بدى كيكليكي بجهد على الكلافي شوية ميطيرها ..كيضرب فيها بجهد فلحظة كان ضارب لبيسي مشتتو فاالارض كيحك على راسو بحال إلى باغي يحبس شي حاجة فيه ولا يمكن باغي يحبس عقلو على التفكير ..شي حاجة فدماغو ضاراااه معارفش شناااهي ..شي حاجة فيه مزيراااه معارفش يفسرها ..علاش ؟ هذا هو السؤال لكيدور فبالو ..علاش ..علاش عقلو خدام كيفكر فيها واش حيت خلات بصمة عندو بتصرفاتها ..ولا بديك العلاقة المثوترة لكانت تجمعهم .... لدابا باقي كيسول راسو علاش ..علاش حتى وانه خرجها من حياتو باقا مرضاه فعقلو ...كانت هيا البنت الوحيدة لغادي يطول معاها فالهدرة ..كيتفكر ديك ليلة باش مرضت وكيفاش سمح ليها وفتح معاها الحوار او نصحها كااااع .. وكان يدوي معاها من خاطرو ..كان ينصحها بكل قلب صافي مفاهمش علاش دار هاذ الشي ..والاهم علاش باقا شاغلة تفكيرو وخا حتى المشكل تحل وخرجها من حياتو اه قدر يخرجها من حياتو ولكن مزال مقادرش يخرجها من عقلو ...تفكيرو فيها حابس فلحظة وحدة وهي ملي ݣالت ليه كنبغيك ...ݣالتها ولكن محسش بها عصام معارفش شنو هو الحب ..ميكعرفش معناه كاااع عمرو جربو .عمر جرب يبغي شي حد ولا يتبغى ميكفهمش هو لهاذ الشي كاااع ..ومعارفش يفسرو ..وهاذ العجز لجاه هو لخلاه يشعل هاذ الشعلة ..ناض فتح الشرجم وبدى يتنفس بالجهد شعل كارو جرو جرة وحدة .... يتبع