فنة عصام 💥مكتملة💥

💥الجزء 72💥

📘رواية ....فنة عصام 🔞🔞🔞🔞
نصك جنة نصك جنة نصك نار 🔥🔥🔥🔞
بقلمي⁦✏️⁩: سلين نسلين
البارت 72
عصام مد يديو لوجها كيمسح ليها دموعها باطراف صباعو بحنية : شششششش متبكيش حتى منبقاش عندك انا عاد بكي من حدي انا عايش ليك مكينش ليبكيك ومكينش ليحط يدو عليك افنة عصام - فنة هزت عينها فيه كتشوف فيه ساهية فيه وساهية فهدرتو وتصرفاتو لتبدلت معاها وجاوها على غفلة شحال زوينة تسعمي هاذ الهدرة من عند شي شخص وبالاخص لكنت هاذ الشخص كتبغيه كتحسي بقلبك كيققز وكيترعد هاذ الشي لكتحس به فنينة دابا هاذ الحنية لطاحت على عصام من جهتها خربقتها بزاف تخربقت فيها كلشي محستش براسها حتى كانت مبتاسمة ليه غير بهاذ الكلمات الخفاف قدر يرسم على وجهها الابتسامة وينسيها فكاع هاذ الشي لوقع..ولبقى على هاذ الحال بحال والو يقدر ينسيها فراسها ..هنا فنينة تأكدت بلي عصام عندو تاثير خطير عليها .رجع حط يديه على راسها من بعد ديك الابتسامة وديك الشوفة لدارت فيه : متعاوديش تبكي على شي واحد كيف ما بغى يكون ديجا ݣتليك نيفك ديما يبقى السما لبغاك بغيه ولمبغاكش الله يعاونو - فنينة كتهدر بصوت خافت : هاذي نطبقها حتى عليك اعصام امم لمبغتنيش نݣوليك الله يعاونك - عصام : اه على كلشي ولكن مهما انا كنكوليك باغيك حدايا ونشرك معاك كلشي خص يكون عندك عصام حالة خاصة ..سمعتي عصام خص يكون بوحدو ماشي الطريقة لكتشوفيه بها تشوفي كلشي لا - فنينة : وعصام كيفاش كيشوف فنينة - عصام : مكنبغيش نبقى نعاود الهدرة بزاف كتليك بلي نت مبقتيش عادية عندي ..-فنينة :مفهمتش كيفاش ماشي.عادية - عصام : نت قدرتي تعرفي انا طبعي كي داير غير قبل بشوية جامي واش كنت نتخايل روحي شارك الهدرة مع شي وحدة من غير مي ومطول معاها فالحذيت هنا غتعرفي وتاكدي بلي راك ماشي عادية عندي -فنينة قلبها شوية ويسكت حنات راسها عاود هزو ليها : ناس فعيني حاجة ونتي افنينة حاجة تانية ..
فنينة حلت فمها كيسالي معاها بهاذ الهدرة بجهد وعاد زيد هيا كتبغيه سي نورمال تتلاشى - عصام : نت وافقتي على الزواج ياك؟ واش راك مقتانعة وراضية ؟ خلي داك الحب لعتارفتي لي به اپار ..نفسك واش بغاني راجل ليك ؟ كتشوفي فيا نقدر نكون السند ديالك ؟ كي كتصوري غتكون حياتك معايا من هنا لقدام - فنينة تبنجت : احم احم معرفتش - عصام : حتى انا معارفش ومعنديش فكرة على المستقبل معاك كي غيكون فنينة حاجة وحدة لعارفها هو خص الصبر يكون بيناتنا باش نقدرو نكملو ماشي بزاف غتولي مرأة متزوجة ومغتبقايش ديال راسك غتولي عندك مسؤولية وحتى انا غتكون عندي مسؤولية حيت حتى انا مغنبقاش ديال راسي ونقدر نولي اب فاي لحظة ..سمعي افنة ما بغيتش يطرا شي مشكل سيغتو ويكون ديك ساعة شركنا الدم ودرنا الولاد ونزيدك واحد الحاجة اخرى فبالك رآه الى تزوجت بك وشركتك وشركتيني كلشي راه عمرك تفكري انني نطلقك يا دفنيني يا ندفنك انا عارف راسي خايب وصعيب وماشي بساهل الواحد يصبر عليا ولكن نت ملي ݣلتي بغتيني اذن غادي تستحمليني .بكلشي فيا مغنطلبش منك الكثير من غير انك تصغري راسك معايا ومتبقاش تعانديني ومدريش الحاجة قبل متشاوريني وتحتارميني وتسمعيلي من نكون نهدر معاك ومديرش عكس هدرتي ومتبقاش تعكسي معاياا والاهم من هاذ الشي ملي تشوفني معصب رخفي عليا حتى نبرد ومتقربليش حيت ما بقيتش باغي نمد يدي عليك ..حيت باغي نكون مصدر قوتك والشخص لكتحماي بيه ماشي لكتخافي منو ..انا مباغيكش تخافي مني انا باغيك تحتارميني لاغير نت كتكولي كتبغيني ياك ولا لا - فنينة هزت راسها بالايجاب عينيها مدمعين - عصام : اوا انا مباغيش نسمع من عندك كنبغيك اعصام باغي نحس بها نحس بقيمتي عندك باغي نلقى راحتي معاك ونݣول ڤوالا اعصام مصبرتيش على فراغ صبرتي حيت كنت متاكد غيجي نهار وغتلقى فيه لباغي خاطرك وهاذ الشي مكينطابقش غا عليا انا .حتى عليك نت ..انا خايب غا مع الناس لبعاد عليا .انا خايب غا مع البراني اما ناس لقراب ليا حاجة غير ..ونت افنة غتكوني ديالي نت مني وانا منك .كنواعدك غندير جهدي كامل باش نكون ليك نعم الزوج نفكرك ليك قبل لراسي نفكر لراحتك قبل راحتي والحاجة قبل ما ضرك نت ضرني انا ، لمعجباتكش تجي تكوليهالي ولقاسك بشي حاجة غير ݣوليلي شنو كاين ورجعي اللور ، عمرني نخلي ليقسك ولا ليشوف فيك حتى الشوفة ....وبغيت عمرني نشوفك منزلة دموعك على شي واحد ممعبركش كيف ما كان فنينة هزي راسك فيا سمعي - كانت حانية راسها هزاتو بشوية فيه عاد كمل كلامو كيشوف فعينيها : ..نت مكانش ليك نصيب فالاب المثالي ومحستيش بهاذ الشعو ياك ؟ فنينة هدرت بصراحة : من عقلت على راسي وانا كنحس بروحي دخيلة عليهم با ماشي خايب با مزيان مع كاع ولادو من غيري انا وهاذ الشي بساب مراتو وحتى خوتي خوت عليا غا بسمية حيت مشايفنيش ختهم كاااع من غير اكرام هيا لختي حتى مي الله يرحمها كانو مدوزينها عليها ماتت بسباب فقصتهم مخلاوش حتى شي مرض مداروهش فيها من صغري وانا كنتسنى غير فوقاش نكبر وونقد براسي ونقدر نبعد ونعيش بعيد عليهم حيت مكنشوفش راسي بلي عندي عائلة من ديما وانا كنحس براسي غير بوحدي - عصام : من دابا انا لعندك انا هو باك غتولي تشوفي فيا كلشي فحياتك ومي هيا مك و حمزة هو خوك مغنشدكش عليهم لبغيتي تمشي عندهم ولكن حتى نتأكد بلي ولاو مزيان ونامن عليك ونت وسطهم غير هاكا عمرك تفكري تحطي رجليك عندهم نهائيا ولجا قلب عليك عندي نخليه يشوف بلي الموت رحمة وخير ليه على انه يطيح فيدي كوني معايا غا مرا وعمرني نفوتك ابنت الناس نحيدها من عندي ونعطيها ليك..... يتبع