عشيقة ابو العباس

البارت 1

السَلام عَليكم

قِراءة ممُتعة 💖.

كعدِت الساعة 5:40ص جانت الجَوامع كُلها دتصلي صَلاة الفَجر كِلت

درر: شوي واكوم اصلي .. لا استغفر ﷲ خلي اكوم لان كل مرة اكعد واكول شوي نوب اكوم اصلي وارجع انطمر استغفر ﷲ خلي اكوم احسلي

السلام عليكم اني اسمي درر عمري 16 سنة طالبة ثالث مأجلة سنتين لان جنت مريضة وحاليا عمري 22 وتاركة تبدي قصتي من جان عمري 16 سنة مواصفاتي كـ أي مواصفات بنية طولي 152 وزني طبيعي بشرتي بين البيضة والحنطاوية هيج شي لون عيوني عسلي رموشي وسط لاهي طولية ولاهي قصيرة وسط يعني خشمي زين مبي شي مقبول يعني 😂 وشفايفي همين مقبولة اوك يعني لا عيون زرك ولا خضر ولا هالسوالف 😂 المهم نرجع للقصة

كمت توضيت وصليت الفَجر الحمدلله والشكر ورجعت نمت كعدت بـ 11:30 الصبح كمت غسلت وطبيت للمطبخ جلفت المواعين الي ماما مسوية بيهم الريوك جلفتهم وكملت ورحت غسلت الملابس الي بالحمام احنا عائلتنا 6 نفرات ابوية وامي واخواني 4 واخت وحدة واني اصغرهم

ابوي اسمة همام عمره 55 سنة شيخ عشيرة
امي اسمها الهام عمرها 41 سنة ربة بيت
اخوية الحسن عمره 26 سنة دكتور اسنان
اخوية الثاني الحكيم عمره 24 محامي
اخوية الثالث الفاروق عمره 20 يدرس هندسة
اخوية الرابع اسد عمرة 20 يدرس خارج طب
اختي ازل عمرها 19 مخطوبة وتاركة
واني درر عمري 16 ومأجلة سنة كتلكم

وكاعدين ويانا بالبيت عمي ﷲ يحفظة انور عمرة 44 ممتزوج موظف وعايش ويانا

عمتي اية عمرها 63 سنة ارملة وكاعدة ويانا

وعمي نور الدين صراحة ماعرف شكد عمره 😂
بس متزوج وعازل بيت وحدة يعني

وعمتي زينب متزوجة وكاعدة بمصر

وعمي قاسم هم متزوج وكاعد بامريكا

المهم نرجع للقصة .....

غسلت الملابس وطلعت شريتهم ونزلت حظرت وياهم الغدا تغدينا وكملنا لميت المواعين لامي وهيه جلفت رحت مددت وامي راحت مددت اذن العصر وكعدت همين سويت چاي للولد ولأن هم اجوي خطار الابوي المهم طلع الفاروق مادري وين راح واخواني كلمن بدوامة كملت تنظيف وكلشي وكعدت ؏ التلفزيون وره شوي ندفر باب البيت اني من الدفرة فزيت

درر: شكوو منووو

فاروق: ماكو شي

درر: صخام الصخمك شنو هاي الدم

فاروق: درر فاركيني لا ادوس بنص بطنج

درر: ولك شدوس بنص بطني راح اطلعها لروحك شكو شمسوي يمصخم

ازل: عزا هاي شكو عزاا بعينك فاروق شمسوي شنو هالدم ومنو برةةةة فاروقق شكو

فاروق: يمعودين صارت مشكلة بيني وبين واحد