السَلام عَليكم
قراءة ممُتعة 💖.
راحت درر توضت وطلعت لغرفتها وكعدت تحاجي ﷲ سبحانه وتعالى وكالت
درر(بچي): هسه اني راح اروح فصلية وﷲ بعدني صغيرة على هالسوالف ومعقولة راح اتحمل عذابهم الي يارب يطلعون ناس زينين ويتعاملون وياي معاملة زينة ياربي ميعذبوني وميسوولي شي يارب بقت يمك اني شنو ذنبي اروح فصلية حتى مراهقتي بعدني معشتها ولا شفت شي من مستقبلي ولا شفت شي من حظي يارب انت متنسى عبد من عبادك يارب اوكف وياية ولتعوفني ياربي ساعدني وخلصني من هالمشكلة راح اموت دخيلك ياربي
الحسن: سودة بوجهي بعد اخيج فطرتي كلبي
درر(بچي): اخ يحسن اخ روحي راح تطلع
الحسن: بعد روحي انتي يبعد اخيج تعالي يمي
رحت لحسن وحضنته وضليت ابجي
درر: مادري شلون راح اصبر بلياكم
الحسن: حبيبة روحي انتي ان شاء ﷲ يطلعون وياج زينين وتعاملهم زين صدكيني متأكد راح تحبيهم
درر: مادري خوية مادري هسه شكالولكم ايمتة يجون نوب
الحسن: مادري ياخوية كومي كولي للوالد انتي وافقتي تروحين حتى يكللهم
درر: ان شاء ﷲ خوية هسه اكوم
راح الحسن وبقيت كاعدة لوحدي صافنة افكر شسوي بعدين كمت لبست الحجاب ورحت لابوية
درر: ها بوية
ابوية: هلا يبعد ابوج
درر: بوية اريد اكلك شغلك
ابوية: عيوني الج يبعد ابوج انتي
درر: بوية اني موافقة اروح فصلية
ابوية: اخ بوية
درر: اي بوية ماريد احد من اخواني يتأذون اروح اتحمل كلشي بس ما يمدون ايدهم لاخواني وحاولو بقدر الامكان تدورون فاروق هم يبقة ابنك ويبقة اخوية من لحمي ودمي وخابرهم وكللهم البنية جاهزة ايمتة ميجون حياهم ﷲ
ابوية: ماعرف شكلج بوية ﷲ يحفظج ويوفقج ويارب تعاملهم وياج زين يروح ابوج
درر: حبيبي انت
نزلت واختي جانت كاعدة يم امي وامي بس تبجي على فاروق
درر: ماما اريد اكلج شي
امي: تعالي يمي يا امي انتي
درر: ماما اني قررت اروح فصلية
امي: سودة بوجهي يبعد امج انتي اخخ يا امي اخخ
درر: ماما احسن من ما يتأذون اخواني واني ما ارضى يمة خليني اروح والكاتبة ﷲ يصير
امي: ربي وقلبي راضين عليج دنيا واخرة يادرر يابنت بطني
درر: يبعد روحي يا امي
أنت تقرأ
عشيقة ابو العباس
Fiksi Umumقُصة كلش حلوة تابعوها ومتتندمون لأنها اول قصة الي وبيها احداث حلوة يعني البنية جان عمرها 16 سنة وراحت فصلية وتزوجت شخص اكبر منها فـ يعني كلش حلوة اعوفكم ويا القصة 💙. الكاتبة: مُـلاذ الـمحمِداوي 💙.
