السلام عليكم
قراءة ممتعة 💙.
بعد ما طلعنا من اهلي اخذني حمزة وطلعنا نفتر وشترالي ملابس وفترينا ورجعنا للبيت
حمزة: تونستني؟
درر: كلش تونست حبيبي تعيش وتونسني يروحي
حمزة: يروحي انتي
درر: احبك هواي
حمزة: اموت عليج
بدلت ونمنة من التعب ثاني يوم كعدنا كال عمي راح نروح للمزرعة يومين تلاثة هيج ونرجع حظرو نفسكم حظرنا ملابسنا وكملنا وعمتي سوت الغدة وتغدينا وجلفنا المواعين ونظفنا البيت ماخلينا شي اجة العصر اجو النا شيوخ خطار لعمي وسوينالهم كهوة وضيفهم حمزة المهم اجة الليل وسوينا العشا همين تعشينا وجلفنا المواعين وكلمن اخذ مرتة وطلع لغرفتة نمنا وصار ثاني يوم طلعنا من الغبشة كبل للمزرعة وصلنا وفرشنا وراها رحنا نتمشى اني وحمزة شوي بعيد عن العائلة وكعدنا يم الشط نحجي
حمزة: احب هذا المكان كلش
درر: صدك
حمزة: اي والله
درر: اي صدك كلش حلو
حمزة: درري حبيبي اريد افاتحج بموضوع
درر: كول حبيبي شنو
حمزة: درر مرت سنتين وانه طكت روحي اريد طفل يلهيني مليت والله العظيم
درر: ما اريد حمزة والله ما الي خلك
حمزة: انه شنو ذنبي ياحبيبي
درر: ياربي ما اريد
حمزة: اذا متريدين خليني اتزوج الثانية
درر: تتزوج الثانية
حمزة: اي
درر: وليش بشنو مقصرة وياك
حمزة: ممقصرة بشي بس جاي اكلج اريد طفل اريد طفل ماكو تسمعين منا طلعين منا مللتيني
درر: اسكت بالله
تعاركنا وكتله اكرهك و
عافني كاعدة وحدي وراح عفته ونداريت اباوع للشط وراها شوي كامت تغيب الشمس جيت اريد ارجع تيهت الطريق
درر: عزة يربي منين ارجع
بديت اتمشى منا يطلعلي كبل شارع وارجع
ياربي ساعدني بديت اتمشى والخوف بكلبي ودموعي تنزل موكفت واصيح حمزة بكل علو صوتي لكن ماكو فايدة صارت الدنيا تظلم وبردت كلش ضليت امشي وشفت مثل الحفرة وختلت بيها من البرد واني بس ابجي
الشيخ: ولكم درر وين
حمزة: منو يابة
الشيخ: مرتك وين
حمزة: ولككك عفتها يم الشط
الشيخ: ياشط
حمزة: الشط الي هناك
أنت تقرأ
عشيقة ابو العباس
Ficção Geralقُصة كلش حلوة تابعوها ومتتندمون لأنها اول قصة الي وبيها احداث حلوة يعني البنية جان عمرها 16 سنة وراحت فصلية وتزوجت شخص اكبر منها فـ يعني كلش حلوة اعوفكم ويا القصة 💙. الكاتبة: مُـلاذ الـمحمِداوي 💙.
