السلام عليكم
قراءة ممتعة 💖.
الشيخ: حمزة بوية شوكت عرسكم
درر: عمي ياعرس؟ عرس منو؟
الشيخ: يابعد عمج عرسكم انتي وحمزة
درر: عمي صلي ع النبي بعدنا اسم ﷲ بالله عمي بعد وكت شعدنا مستعجلين
الشيخ: لا لازم تزوجون خو متضلون هيج
درر: بس عمي
الشيخ: كلمتي متصير اثنين
حمزة: خلص بوية درر سكتي
درر: حمزة
حمزة: درر كتلج انلصمي
درر: نلصمت
الشيخ: عرسكم الخميس من اليوم ابدو جهزو كلشي
حمزة: ان شاء ﷲ بوية
درر: بس حمزة
حمزة: نتفاهم بالغرفة انلصمي وتزقنبي
الشيخ: حمزة لتحاجيها هيج
فردوس: ترا خلي بس عاقد عليها ميحتاج تزوجهم هيه فصلية وسنة الخ تولي لاهلها كطيعة فصلية ويعاملوها زين المن تعاملوها هيج
الشيخ: ولج فردوس
فردوس: هسه شكلت متكلي غدي
فهد ( بعصبية): ترفعيين صوتج على ابوي طلعي لغرفتج يلا طلعي
فردوس: طالعة ﷲ ياخذج يا درر واخلص منج
الشيخ: ياخذ عمرج ان شاء ﷲ ويخلصني منج
درر: الحمدلله شبعت
الشيخة: ما اكلتي شي
درر: شبعانة عمة
الشيخة: عوافي بنيتي
درر: ﷲ يعافيج
الشيخة: درر انتي تعبانة صارلج ساعة تاكلين وتغفين كومي نامي كاعدة من الصبح
درر: عمة لا والمواعين
الشيخة: فاطمة ورهف وايمان ينظفون
فاطمة: شكو شكو خير خير اني شكو انظف هيه فصلية شنو شغلها هنا
درر: كافي عاد لسانج حيل طولان عليه من اجيت لهذا البيت لليوم هذا كافي ترا بزعت كل مرة تحجين عليه واسكتلج هلمرة لا هواي شفتي نفسج عليه وكرهتيني بعيشتي هنا اسمعي فاطمة والنبي محمد الزمج اسحل بيج الانبار سحل افتهمتي لو لا اني من اليوم رايح صرت جنة لهذا البيت وصرت مرت ابنهم الكبير الي هو شيخ مثل ابو محد يكدر يحاجيني الي مثلج ومثل امثالج افتهمتي لو لا
فاطمة: لعلمج حبيبتي ترا حمزة بس تكمل مدتج هنا يطلكج لان اني منذورة لحمزة من اني وصغيرة
حمزة: لا فاطمة افندي طلاك مراح اطلكها لدرر وصارت مرتي والخميس عرسي وانتي ممنذورة الي سمعتي لو اعيد اتمنى ما اعيد لان مبية احجي
أنت تقرأ
عشيقة ابو العباس
Ficción Generalقُصة كلش حلوة تابعوها ومتتندمون لأنها اول قصة الي وبيها احداث حلوة يعني البنية جان عمرها 16 سنة وراحت فصلية وتزوجت شخص اكبر منها فـ يعني كلش حلوة اعوفكم ويا القصة 💙. الكاتبة: مُـلاذ الـمحمِداوي 💙.
