السلام عليكم
قراءة ممتعة 💙.
حمزة: درري زعلانة لان صيحت عليج
درر: لا
حمزة: شوفي حبيبي اني زلمة وعايش قرن ويا ولد عمامي واعرفهم كل الزين بس عندج عرب طالعة عينه كلش وهذا نسونجي يموت ع النسوان حتى الارامل وهو بعدة زعطوط 19 سنة المفروض بهل عمر يكون واعي وفاهم وميباوع لأي امرأة سواء كانت متزوجة او لا لأن هالشي عيب واحنا متربينا نباوع لبنية بشارع لو بأي مكان هذا عيب واذا شافها وعجبتة ثاني يوم نمشيلة عليه واسمعي ترة من صيحت عليج لمصلحتج لأن جانت الدشداشة الابستها كصيرة ورجليج طالعة ونوب ملابسة حجاب وركبتج طالعة وشعرج همين ميصير هيج حبيبي مهما حسبتينا اهلج متلبسين لا تراكسود ولا أي شي ضيك عليج ومتنزلين جوة بدون حجاب حجابج بس بالغرفة تذبي وشتردين تلبسين البسي بس هذني كلهن الضيك والكصير وشعرج وركبتج هذني كلهن بس كدامي تلبسيهن ميصير احد يشوفج هيج بس اني خوش حبيبي وها حجابج متذبي من راسج ابد درري اني احبج وكلشي بيج يخصني انتي مالتي وحدي ما اريد احد يحط عينه عليج وانتي مريتي انتي متخيلة اجتج 4 مشيات من كرايبنا عبالهم انتي ضيفة هنا مو كل كرايبي يعرفوني متزوج ترة واضح الكلتة الج
درر: اي واضح واسفة ما اعيدها بعد
حمزة: تعاي بحضني
حضنتة وهو يهز وضلينا نباوع للنجوم ونسولف ونضحك وكل شوي يدغدغني ولو يلزم ايدي ويبوسها لو يلعب بشعري وحاير شيسوي
الشيخ: جا حمزة ومرتة وين
مريم: هسه اشوفهم
الشيخ: اي كومي شوفيهم خلي يجون يتعشون
مريم: تمام
طلعت برة ادور عليهم لكيتهم كاعدين برة ويتمضحكون
مريم: عيني قرود الحب ابوية يكول خلي يجون يتعشون
حمزة: ها صبحية
مريم: انجب
حمزة: كليله ميريدون شبعانين
مريم: ماكلين خرا لو شنو
حمزة: انگلعي لا اكوملج ترة
درر: عوفها
حمزة: اي عفتها
مريم: ابوية يكولون شبعانين
الشيخ: شديسوون
مريم: كاعدين بالمرجوحة ويحجون
الشيخ: عوفوهم لعد
غدير: عمو شوكت ترجعوها لاهلها وتزوجون حمزاوي؟
عبد الرحيم: غدير سدي حلكج
الشيخة: منرجعها عيني غدورة صارت چنة هذا البيت مترجع لاهلها وحمزة ميتزوج عليها خليج مرتاحة
أنت تقرأ
عشيقة ابو العباس
General Fictionقُصة كلش حلوة تابعوها ومتتندمون لأنها اول قصة الي وبيها احداث حلوة يعني البنية جان عمرها 16 سنة وراحت فصلية وتزوجت شخص اكبر منها فـ يعني كلش حلوة اعوفكم ويا القصة 💙. الكاتبة: مُـلاذ الـمحمِداوي 💙.
