كلية اللغه العربيه
رحمه: هاااي بنات
نوره: وااااو يا رحمه الطقم ده تحفه عليكي
رحمه: «نظرة تكبر »طبعا يا بنتى هو انا اي حاجه البسها ولا ايه!!؟
اسماء: لا طبعا يا رحوم..، حبيبتي انتى ملكة جمال
رحمه: حبيبتي تسلمي يا سوو
ايهاب: هاي يا بنات
ممكن اتعرف عليكي يا انسه «يقصد رحمه »٠
رحمه: «بصتله بصة قرف وقالت »: لا
مشي ايهاب وهو بيقول: وتكه بجد
*المحاضره الاولى *
الدكتور: السلام عليكم ورحمة الله وبركاته يا شباب
الكل: وعليكم السلام يا دكتور
رحمه ماسكة كتاب قاعده بتقرأ فيه...
الدكتور: اهلا بيكم فى كلية اللغه العربيه يا حبايبي
الكل: اهلا بحضرتك يا دكتور
الدكتور بدأ يتكلم شويه عن اللغه العربيه
*طبعا الشباب كلهم واخدين بالهم من رحمه لانها تعتبر اجمل بنت في الدفعه كلها... والكل نفسه يتعرف عليها
*خلصت المحاضره الاولى*
صلاة الضهر
اسماء: بنات
رحمه: نعم
نوره: ها
اسماء: فى مسجد هنا ع فكره
رحمه: ههههههههه «بصوت عالي »
نوره: ايوه يعني نعمل ايه
اسماء: تصدقو انكم تافهين بقولكم مسجد يعني يلا نصلى
رحمه: روحي يختى صلى
نوره: ستنا الشيخه بتتكلم يا جدعان
اسماء: ماشي يختى هروح سلام
نوره: ههههههههه سلام يا شيختنا ادعيلنا
رحمه: هيهههااااو ادعيلنا معاكي
رحمه: يلا يا نوره نتمشي شويه
نوره: يلا
*مشيو الاتنين مع بعض عمالين يتمشو ويضحكو
*طبعا كل الشباب لما بيشوفو رحمه بيتهبلو من جمالها
#علشان مطولش تعالو نشوف رحمه دى شكلها ايه!
رحمه بنت عيونها زرقه وواسعه ورموشها مرسومه كأنها حاطه الينر وبوقها صغير وعندها غمزتين جمال اوى فى خدودها وجسمها مظبوط اوى مش تخينه ولا رفيعه وطويله وشعرها اسود طويل لغاية بعد ضهرها ولبسها دايماً شيك جدا وعندها عربيه اخر موديل وتبقي بنت سليم بيه صاحب اكبر شركات ادويه فى الوطن العربي..
*رحمه كانت فعلا جميله كانت تسحر كل اللى يشوفها سواء بنات ولا ولاد..
رحمه ماشيه كل اللى يشوفها يقولها هاي ازيك
وهى مطنشه مش بترد علي حد
رحمه بتص لبعيد شويه لقت شابين واقفين بعيد والغريب ان فى واحد منهم لما شافها لف وشه ومرضاش يبصلها..
رحمه استغربت انه لما شافها لف وشه ايه هى مش عجباه ولا ايه!
نوره: رحمه انتى معايا؟
رحمه: اها كملي
بدأو يتكلمو لكن الغريب ان طول ما رحمه بصه للشاب ده وهو لافف ضهره ليها
يوم واتنين وتلاته واربعه فضل الشاب طول لما يشوف رحمه يلف ضرهره وميرضاش يبصلها
فى يوم اتعصبت رحمه منه جدا مستغربه بقا فى حد يشوفني وميبصليش
وفى يوم....
رحمه راحت للشاب هو وزميله وبرضو لما شافها لف وشه ومرضاش يبصلها
رحمه: هاي
الشاب:............................
رحمه: ممكن اعرف انا مزعله حضرتك ف ايه!
الشاب مديها ضهره ومش بيرد عليها
رحمه: «بصعبيه »مالك يا جدع انت خبر ايه يخويا مش عجباك ولا ايه!
مردش الشاب عليها وسبها ومشي
وقفت رحمه مش طايقه حد ومتعصبه وفجأة سمعت صوت حد بيقولها: سيبك منه هو ده حد يبصله انتى محتاجه واحد يعرفك قيمتك يا قمر...
رحمه استغلت الفرصه وقالت
رحمه: هاي انا رحمه وانت؟
فرح الشاب جدا جدا انها هتتعرف عليه
الشاب: انا شريف
رحمه: اممممممم «حطط ايدها ع كتفه »
الشاب بقي هيتجنن مش معقول بقا رحمه تكلمه.!!!
رحمه: قولى بقا اسم الشاب ابو لحيه ده ايه!
شريف: اسمه عمر..
رحمه: طيب هو ماله كده مش بيتكلم ولا بيبص لحد
شريف: تديني رقمك واقولك كل حاجه عنه
رحمه غمزتله وقالتلك اوك قول الاول وانا هديك رقمي
شريف: تمام بصي ياستي عمر عنده 22سنه فى تانيه كلية يعني معايا و اكبر منك وهو فعلا مش بيبص لبنت سواء حلوه ولا وحشه هو مش فى دماغه الكلام ده وبيقول انه حرام... اول لما الاذان بيأذن بيروح يصلى جرى وكمان الغريب انه مش بيرضي يكلم حد هنا ولا اي حد غير صاحبه اللى معاه ده وعلطول فى حاله ولعلمك ممتاز جدا وعلطول بيطلع الاول على الدفعه...
رحمه مزهوله بالكلام معقول فى حد لسه بالاحترام والدين ده!
رحمه: اممممم بس يعني ازاي اوصله
شريف: اخته فى اولى معاكي على فكره
رحمه فرحت جدا وقالتله بجد!
شريف: اه والله
رحمه: هى فين!
وقف شريف يبص لمين وشمال وفجأة شاور على بنت وقال: اهى هناك
بصت رحمه لقت بنت فى غاية الجمال لبسه خمار ودريس طويل للارض وواقفه مع بنت منتقبه وحاجه روعه
رحمه: بلعت ريقها وقالت: ودى ترضي تكلم واحده زيي!!
شريف: هى تطول بس ليه الاسئله دي كلها
رحمه: ها لا خلاص كنت مستغرباه بس
سلام انا
شريف: الرقم يا قمر
رحمه: مش النهارده
روحت رحمه بيتها دخلت اوضتها الفخمه ودولابها اللى مليان لبس ومكتبها اللى عليه كتب كتيير جدا مبتتفتحش
"ادان العصر*
لما سمعت رحمه الادان افتكرت كلام شريف وهو بيقولها: واول لما الاذان بيأذن بيروح يصلى جرى...
فتحت رحمه الدولاب لقت المصليه فى اخر درج علشان مش بتستخدمها والاسدال جديد بكيسه متفتحش..
دخلت رحمه تتوضي
وصلت العصر
رحمه: سبحانك يارب انا اول مره فى حياتى من ساعت ما اتولدت اصلى
كنت دايما اشوف الداده بتصلى وانا مكنتش بجرب حتى...
حاست رحمه بحاجه حلوه بتناديلها
غريب.........
ربنا!!؟
قلب رحمه بدأ هو اللى يكلمها: رحمه ربنا بينادي عليكى بيقولك قربي تعالي انا فاتح باب التوبه ليكى تعالي ادخلى وشوفي جمال التوبه وحلاوتها
رحمه: حاسه ان بجد فى حاجه حلوه بتحصل بس ايه هى مش عارفه!!؟
البارت التاني قريب ان شاء الله
داعية المستقبل))
