شافت هند الرساله وكل مدى وشها يظهر عليه الصدمه اكتر..
وكانت الرساله هى: وعليكم السلام ورحمة الله وبركاته حبيبتي، عادي ولا ازعاج ولا حاجه انا بقا يستى اسمى نورا خالد من المنصورة وعندي 21سنه برضو ونفس كليتك وبعتلك طلب صداقة لانى شوفت بوستاتك من جروب "معاً نحو الله" وعجبتني جدا وحبيت كلامك وفرحت اوى لما لاقيتك كاتبه فى المعلومات الشخصيه
انك كلية اثار جامعة القاهره وبجد مبسوطه جدا من كلامك الحلو اللي كتبتهولى، سعدك الله مثل ما اسعدتينى اختى فى الله
ابتسمت هند وكتبت بفرحه: حبيبتي كلامك هو اللى قمر خلاص بقا دانتِ تجيبي رقمك نتكلم واتس ولما الدراسه تبدأ كمان 4ايام ان شاء الله اتفق معاكي ونتقابل..
ردت نورا وقالت: اه اكيد ان شاء الله، رقمى 010********
اخدت هند رقم نورا وبدأو يتصاحبو على بعض
وأخيراً اصبحوا اصحاب
بعد 3 ايام
هند: نورا بقولك ان شاء الله انا بكره هكون لابسه دريس ابيض وخمار اسود والشنطه هتكون ملونه ابيض ومخرزه بالاسود وعموما هرن عليكي لحد لما اشوفك
نورا: تمام حبيبتي ان شاء الله وكمان عاوزه اعرفك على صحابي
هند: اكيد طبعا ان شاء الله
نورا: تمام حبيبتي ان شاء الله
قفلو مع بعض الكلام وكل واحده راحت تحضر نفسها علشان الصلاه
ـــــــــــــــــــــــــ اول يوم دراسه ـــــــــــــــــــــــ
عمر: هند اصحي، الساعه 5 يبنتي الفجر آذن من بدري اصحي
هند وهى نايمه: اييييي ياعم انا عندي محاضره امشي..
عمر: يستى قومى علشان الصلاه وكمان الكليه، اصحي بقا بقالى ساعه بصحيكى
هند بنعس: يييييييي يا عمر انا نفسي انام شويه بجد مش قادره افتح عيني، هقوم كمان شويه
عمر بعصبيه: هند يلا بجد الصلاه هتفوتك اخلصي وبطلى دلع
هند: خلااااااااااص هصحي دانت رخم، اوعي كده انا قايمه اتوضي
ـــــــــــــــــ صلت هند وخلصت ــــــــــــــــــ
والد هند: صباح الخير يا ولاد صوتكو عالى ليه؟
عمر بهدوء: صباح النور يابابا، مفيش بنتك بس فضلت ساعه اصحيها للفجر وهى مصممه على النوم ومش عارفه اعملها ايه علشان تبطل الكسل ده.!
هند: واااد انت بقولك ايه، الموضوع كله انى منمتش بدرى ونمت الساعه 2 بعد صلاة القيام ودلوقتي مش فايقه لخنقاتك.
عمر بكتمان ضحك: طيب يختى، مش هتفطرى!؟
والد هند: هتفطر يا عمر بس سيبها باين عليها مدايقه جامد
عمر بهدوء: ايه يا هند بهزر معاكي، ايه اللى مدايقك اوى كده، يبنتي المفروض اول يوم في السنه الدراسيه الجديده الواحد بيكون متحمس كده وأخيراً هيشوف صحابه وهيرجع لجامعته والخروجات، ايه اللى مزعلك بقا؟
