رحمه: احم احم احم احم احم
اسماء: في ايه يبنتي ابقي غيري نوع الصنف
رحمه: لا مفيش بس بسلك بس
اسماء: ليه ناويه تغنى!؟
رحمه بضحك: اه هغنيلك ظلموه
اسماء: ههههههههههههه قوووولى يا رخمه الاخبار
رحمه: انا رخمه!؟ ماشي يستى هقولك..، بصي بقا اول خبر ان بابا وماما هيحجو بنية التوبه وكمان ماما لبست الخمار النهارده اللهم بارك بجد
اسماء: اللهم بارك اللهم بارك اي الجمال ده فرحتيني يارحمه والله ربنا يثبتهم ياروحي يارب
رحمه: واياكي يارب ياحبيبتي..، الخبر التاني بقا ان الدكتور طارق حامد اللى بيدرسلنا بلاغه وافق على موضوع الدعوه اللى انا وهند اتكلمنا عنها !؟
اسماء: امتا ده!
رحمه: طيب هقولك
ـــــــــــــــــــــــــــــــــــــــــــــــــــــــــــــــ _تعالو نشوف امتا الكلام ده _
هند: رحمه بقولك
رحمه: نعم ياقلب رحمه
هند: بصي انا هتفق معاكي اتفاق
رحمه: اتفضلي
هند: عارفه دكتور طارق حامد اللى بيدرسلنا بلاغه!؟
رحمه: ايوا الدكتور الملتحى ده ماله!؟
هند: اي رأيك لو روحناله وقلنالوا اننا عايزين نعمل زى
ندوه دينيه بعنون _طريقي الى الجنه_ للبنات بنية الهدايه ليهم ولينا
رحمه: بس مين هو اللى هيتكلم ويشرح!؟
هند: انا ان شاء الله ولو مكنتش انا يبقي انتى او اسماء
رحمه: تمام ياقلبي ان شاء الله انتى اللى هتقدميها
هند: الله اعلم يا رحمه ممكن يتوفانى الله!
رحمه بنرفزه: بعد الشررررررر متقوليش كده تاني ربنا ميحرمنيش منك ابدا انا بحبك اوى بجد
هند: انا اكتر ياقلبي والله
رحمه: حبيبتي تسلميلي يارب
هند: سلمك الله من كل شر ياقلبي..، المهم دلوقتي يلا نروح انا وانتي للدكتور دا علشان نتفق معاه
رحمه: يلا
مشيت انا وهند وصلنا لمكتب الدكتور طارق حامد..
خبطت هند الباب واذن الدكتور بالدخول
هند: السلام عليكم يا دكتور اخبار حضرتك؟
الدكتور: وعليكم السلام ورحمة الله وبركاته يا انسه اتفضلي
هند: مع حضرتك هند رضوان سنه اولي
دكتور طارق: ايوا افتكرتك انتى اللى كنتى بتتكلمي مع البنات من فتره عن الزى الشرعي.!؟
هند: ايوا يا دكتور
دكتور طارق: اهلا بيكي يا انسه هند يسعدنى بجد انى اقولك انك كلامك كان جميل جداً الندوه اللى فاتت ماشاء الله عليكي وصحباتك البنات حقيقي ربنا يبارك فيكم
