والد اسماء: تعالي اقعدى يا رحمه يابنتى انتى واقفه ليه!
رحمه: حاضر
قعدت رحمه منتظره اخبار والد اسماء
رحمه: ها يا انكل اي هى الاخبار اللى حضرتك عايز تقولها
والد اسماء: اول خبر هو ان الدكتور قال ان اسماء بقت كويسه الحمدلله وهتخرج كمان يومين وينفع ندخل نشوفها
ابتسمت رحمه ابتسامت امل وتفاؤل وقالت: الحمدلله بجد الحمدلله شكرا يارب
والد اسماء: الخبر التاني بقا ان احمد طلب ايد اسماء منى وطالب يتعرف عليها
بصت رحمه بإستغراب وقالت ازاي يعني وهو عارف هى مين علشان يطلب ايدها.!!
ابتسم والد اسماء وقال: اهدى يبنتى هكملك اهو
ضحكت رحمه بخجل وقالت اتفضل حضرتك
والد اسماء: احمد طلع زميل اسماء من الاعدادي وهو نفس الشخص اللى نقذها وهى صغيره لما كانت تايهه
ودلوقتي هو اعجب بشخصيتها جدا ولبسها وكمان انا حكتله على اسماء وعلى التزامها والصراحه انا موافق جدا لان احمد انسان محترم وملتزم دينياً وانا متاكد ان اسماء هتعيش معاه سعيده
رحمه؛ والله يا انكل منا عارفه خلاص يروح يعمل رؤيه شرعيه ويتعرفو اكتر
والد اسماء: وده هو نفس الكلام اللي احمد قاله
رحمه: اه تمام كويس جدا انه عارف..، ربنا يتمم بخير يارب
ابتسم احمد وقال: يارب يا انسه رحمه واسف لو كنت سائيل معاكي اول لما كلمتك
رحمه: لا عادي ولا يهمك المهم ان اسماء بقت بخير الحمدلله
احمد: الحمدلله
بصت رحمه لوالد اسماء وقالت: هو انا ينفع ادخل اشوف اسماء دلوقتي!
والد اسماء: ينفع بس هى نايمه حالياً
رحمه: تمام يا انكل همشي انا دلوقتي وهجي على المغرب كده تكون صحيت ان شاء الله
والد اسماء: ان شاء الله يابنتى
مشيت رحمه وروحت بيتها كلمت نورا وحكتلها
نورا: كويس جدا الحمدلله يا رحمه ومبروك لسووو ان شاء الله ربنا يتمم بخير وعقبالك يارب
رحمه: احم احم عايزة اقولك حاجه يابت يا نورا
نورا: ها قولى قولى دانتى اخبارك كلها عسل النهارده
رحمه: انا كمان متقدملى عريس
نورا: ههههههههههههه بتهزري اكيد
رحمه: ياهبله وهو ده فى هزار يعني
نورا بفرحه وتفاؤل: اللهم صلى على النباااااااااااااي
