روحت رحمه البيت ودخلت اوضتها...
فجأة رحمه وهى قاعده في الاوضه عادي راحت قايمه لبسه ونزلت اشترت براويز كبيره جدا علشان تعلقها ع الحيطه بدل البراويز اللى هى مرسوم فيها ورد وبنات كيوت راحت واختارت براويز عباره عن سور من القرآن الكريم وادعيه وغيرت ديكور الاوضه خالص..
رحمه تليفونها رن
رحمه: الووو احمد وحشتني اووي ياحبيبي
احمد: وانتى اكتر والله يا رحمه عامله ايه
رحمه: انا الحمدلله كويسه وانت طمنى عليك
احمد: انا بخير الحمدلله
رحمه: دايما يارب بخير ياقلبي
احمد: انا جاي كمان يومين ع فكره
رحمه: بجد! الحمدلله انك هتيجي بجد نفسي اشوفك والله وحشني اوى
احمد: وبابا وماما جايين معايا
رحمه: والله بجد هموت من الفرحه ربنا يفرح قلبك بجد اخييررررااا
احمد: اه والله يا حبيبتي يلا دلوقتي هقولك سلام علشان الشغل
رحمه: ماشي يا حبيبي باي
~استوووب ياترا بقا مين احمد ده! ~
احم احم علشان الظن يا جدعان ده يبقي اخو رحمه التوأم وهو ورحمة دايما كانو قريبين من بعض فى كل حاجه حتى الكلام..
احمد قد رحمه فى السن بس شاب وسيم جدا وزى القمر عيونه بنى فاتح وبشرته صافيه وبيضه وشعره مش طويل اوى لكن ناعم جدا والعيب اللى فيه انه بتاع بنات لانه بقا باباه راجل غنى وهو ولد كيوت وقمر فلازم البنات تجرى وراه وهو بيستجاب وبيكلم فى اليوم يجي عشرين بنت ومفهم كل واحده انها الوحيده اللي في قلبه..
طبعا رحمه كانت عارفه كل ده...
*صلاة الضهر ورحمة في البيت *
رحمه راحت اتوضدت بعد ان بحثت عن طريقة الوضوء الصحيحه وعرفته وبدأت رحمه تبعد عن الاغاني شويه بشويه..
صلت رحمه وفضلت تدعى ربنا وتقول
«اللهم انك كريم تحب العفو فاعف عنا »
«اللهم يا مثبت القلوب ثبت قلبي على دينك »
«اللهم صلِّ وسلم وبارك على اشرف الخلق والمرسلين سيدنا محمد صلى الله عليه وسلم تسليما كثيرا طيباً مباركاً فيه »
رحمه فعلا فى كام يوم اتغيرت جدا وكمان خرجت من كل الجروبات المختلطه بالشباب على الفيس ودخلت جروبات للمنقبات والمختمرات وصاحبت ناس سوشيال كتيير وعرفوها حجات كتير مكنتش عارفاها ومن ضمن
البنات صاحبت بنت اسمها هاجر..
~هاجر بنت جميله جدا وطيبه ومتدينه وفرفوشه وفعلا تتحب رحمه كانت من القاهره ولكن هاجر من اسوان طبعا اسوان دول احسن ناس وكلمت رحمه هاجر وبدأو يتصاحبو ويوم ورا يوم قربو من بعض...
يوم التلات *
الساعه 6الصبح
صحيت رحمه على رنت تليفونها
رحمه: الووو
