البارت الثامن عشر🌹🌹
دكتور يوسف: حمدلله على السلامة يافندم، عايز اقول لحضرتك ان فى شوية أكل كده هيتمنع الفتره دي علشان العمليه، اولا بلاش الموالح علشان متزودش الاملاح عند حضرتك، وكمان تاكلى حديد كتير علشان نسبة البروتينات عندك قليله ومحتاجه تتغزى اكتر بسبب ان عندك فقر دم ومحتاجين الانيميا ترفع ل
10 على الاقل علشان متدخيش وتتعبي، وحمدلله على السلامة تاني مره وبإذن الله خير، عن اذنكم
سليم: اتفضل يبنى، معلش تعبناك معانا بقا
يوسف: انا تحت امركم يافندم
وصل يوسف للمكتب وفجأة لقي بنت بتخبط
يوسف: اتفضل
اسماء: السلام عليكم ورحمة الله وبركاته يادكتور، معلش والله كل شويه اجى وكده بس كنت عاوزه اسأل حضرتك عن حاجه
يوسف بإبتسامه خطفت عقل اسماء: اتفضلي طبعا، ولا يهمك عادي ده شرف ليا يافندم
اسماء: هنقدر ناخد مدام سارة امتى علشان تروح؟ وينفع ناخد ممرضه معاها تاخد بالها منها ولا مش لازم؟
يوسف: لو حالتها اتحسنت ان شاء الله ممكن اكتبلها على خروج بكره بإذن الله ولو لاقيناها تعبانه، مش هنقدر نخاليها تخرج علشان هيبقي خطر عليها وكده، والله حضرتك هى لو خرجت دلوقتي ممكن يكون الافضل ان يكون معاها ممرضه علشان تعتني بيها وكده ولو فضلت فى المستشفى بكره وبعده يبقي ده الافضل ولو اتحسنت بسرعه تقدروا تاخدوها وتروحوا من غير ممرضات
اسماء: تمام حضرتك شكرا جزيلا جزاك الله الفردوس، عن اذنك
يوسف بإبتسامه: اتفضلي طبعا
مشيت اسماء ويوسف عمال يبص على طريقة لبسها المحتشمه اللى قليل لابسينها فى الزمن ده، وكمان هدوئها فى الكلام وقال فى نفسه _غض البصر يادكتور يوسف مينفعش كده، بس الصراحه باين عليها بنت ناس ومحترمه _
وصلت اسماء اوضة سارة وقالتلهم على اللى الدكتور قاله..
قعدت اسماء مع رحمه وبعدين قالت: رحمه بكره يبنتي 28/4المفروض ان بكره الندوة هتعملي ايه هتروحي ولا هتأجليها؟
رحمه بأنتباه: لالا انا أجلتها المرة اللي فاتت، مش هقدر آجلها المرة دى كمان، مش هينفع خصوصا اننا كتبنا البروشورز بتاريخ 28/4
اسماء: ان شاء الله ربنا هييسر الحال، طيب الموضوع بكره عن الزى الشرعي وايه تاني؟
رحمه: ان شاء الله عن الزى الشرعي والتوبه
اسماء: ااااه بإذن الله، اومال نورا فين؟؟ مشوفتهاش من حوالى اسبوع
رحمه: نورا كانت معايا امبارح وقالت انها ممكن تسافر مع والدها كام يوم الاسكندريه علشان والدة مامتها تعبانه وراحو يزوروها
اسماء: ااه تمام ان شاء الله ربنا يشفيها ويعافيها وتقوم بالسلامه
رحمه: يارب ياقلبي
