نامت رحمه كانت الساعه 8 بليل وكانت مرهقه جدا وعلشان كده غلبها النوم...
حلمت بنفس الشاب اللى حلمت بيه قبل كده..
لكن المرادي كان حزين وقاعد حاطت ايده على وشه وبيعيط..
راحت رحمه تساله هو مين وليه زعلان كده وبيعيط؟
رحمه: السلام عليكم
الشاب: ــــــــــــــــــــــــــــــــ
رحمه: مالك زعلان ليه؟
الشاب: ــــــــــــــــــــــــــــــــــ
رحمه: طيب رد عليا
الشاب: ـــــــــــــــــــــــــــــــــ
رحمه: ممكن اساعدك
الشاب: ــــــــــــــــــــــــــــــــ
رحمه: طيب انا ماشيه..
الشاب: استني يا رحمه!
وقفت رحمه وبصتله وقالت: نعم؟
الشاب: عارفه انا بعيط ليه وزعلان!!
رحمه: ليه!
الشاب: علشان انا بحبك لكن للاسف بجرحك كتير..
رحمه: يعني ايه مش فاهمه؟
الشاب: عايزك في الحلال..
رحمه: طيب انت مين؟
فجأة اختفى الشاب وصحيت رحمه من النوم على اذان الفجر صحيت صلت الفجر وكانت زعلانه جدا انها مصحتش للقيام وقعدت تقرأ قران وتدعى لهند بالرحمه.
الساعه 8 ــــــــ
مشيت رحمه راحت الكليه واخدت شنطه كبيره فيها مصاحف ومشيت راحت الكليه...
قعدت رحمه فى الكافتريا مستنيه اسماء ونورا..
وصلت اسماء وشافت رحمه قاعده في الكافتريا وماسكه كتاب قاعده بتقرأ فيه
اسماء: السلام عليكم يا رحمه عامله ايه
رحمه: وعليكم السلام ورحمة الله وبركاته يا اسماء انا تمام الحمدلله وانتي عامله ايه
اسماء: انا تمام الحمدلله
رحمه: يدوم الحمد يارب يا قمرى
اسماء: حبيبتي ربنا يخليكى
رحمه: بصي يا اسماء معنى كلمة ربنا يخليكى مش معناها ربنا يخليكى فى حياتى لا معناها ربنا يخليكى من رحمته ويخليكي من دخولك الجنه ممكن تبدليها بكلمة ربنا يسعدك ويفرحك او ربنا يكرمك او ربنا يحفظك
وهكذا علشان منقعش فى الغلط ده تاني!
اسماء: شكرا جدا يا رحمه مكنتش اعرف والله
وهما قاعدين لقو نورا جايه لكن جايه بلبسها العادي بنطلون ضيق والهند فرى فى ودنها وشعرها مطلوق وعادي جدا
رحمه شافت نورا كده واتعصبت جدا هى واسماء
نورا: ازيكم
رحمه: انتى ايه اللى لبساه ده احنا مش اتفقنا امبارح مفيش لبس كده تاني هو انتي مش بتفهمي ليه قولتلك ده حرام افهمى بقا قولتلك مفيش حاجه اسمها لما اكبر هتوب انتى تتوبي دلوقتي لان مفيش وقت ومحدش ضامن عمره وانا قولتلك اهو يا نورا والله العظيم ورحمة هند اللى كانت اغلى حاجه عندى لو ما سمعتى كلامي ملا سيباكى ومش هيكون ليا صاحبة اسمها نورا بعد كده اتفقنا!!!؟ «رحمه بتتكلم بعصبيه جدا »
