لقت نورا الرساله من رحمه وقايلالها فيها: "نوراااااااا انا عايزه اقولك خبر حلو جدا جدا انا جالى عريس بس متوقعتش يكون اخو هند وبجد فرحانه جدا ولسه هصلى الاستخارة بس انا من ساعت لما اتكلمت معاه وانا مرتحاله بطريقه غريبه بجد انا حاسه ان ربنا بيعوضنى عن كل حاجه عيشتها فى ذنب انا مبسوووطه اوى وعايزاكى انتِ واسماء كمان يومين علشان نتفق هنعمل الندوة امتى يلا يا روحي هسيبك بقا علشان انام شويه علشان اقوم اصلي الفجر وانتى كمان نامى بدرى علشان القيام ومتنسيش تصحينى معاكى وكمان اسماء خارجه بكره ان شاء الله من المستشفى والحمدلله انها بخير ونسيت اقولك ان احمد اتقدم لاسماء يلا سلام بقا علشان الحق انام شويه وابقي رني عليا علشان نصلى القيام سوا يلا السلام عليكم "
_قرأت نورا الرساله وهى مبسوطه وفرحانه بالكلام..
نامت رحمه وحلمت انها كانت فى مكان جميل وفيه انهار ومناظر حلوه جدا
وهى واقفه بتبص على الانهار لقت ايد بتخبط على كتفها
بصت رحمه لقت هند بتبصلها وبتضحكلها بطريقه جذابه جدا ومبشره
رحمه: هند وحشتيييييينى _حضنت هند_
هند بأبتسامه: وانتى اكتر ياروح هند وحشاني جدا والحمدلله انى شوفتك وبعدين يعني مش كان لازم اجي اباركلك بخصوص ان عمر راح يخطبك
الحمدلله على كل حال بس كان نفسي اكون معاكوا
لكن الحمدلله
رحمه بحزن: الحمدلله ياقلبي
هند: رحمه اوعى تنسي ابندوه اوعى يا رحمه دى هتاخدى عليها ثواب كبير جدا وكمان هتكسبي بنات كتيير وهتعرفي تساعديهم البنات بس محتاجه اللى يوجههم عايزاكى متيأسيش يا رحمه اوعى...!
دى رساله ولازم نوصلها للبنات
رحمه: حاضر ياهند والله هحاول بس الموضوع جديد وصعب والصراحه انا خايفه هو ممكن يعني اتنازل عن الندوة دى لحد لما آهل نفسي ليها!؟
هند بحزن: لااا لا اوعى بلاش والله يبنتى هتاخدى ثواب كبير اوى عليها وبعدين عادي احضرى لدكاتره اون لاين واسمعى منهم وعايزاكِ تتكلمي عن الاختلاط زى ماكنا مخططين
رحمه بأمل: حاضر ان شاء الله
صحيت رحمه على رنت الموبايل بصت لقت نورا بترن
رحمه بصوت نائم: السلام عليكم ايه يانورا الساعه لسه 11يبنتى
نورا بضحك: وعليكم السلام ورحمة الله وبركاته..، ساعة ايه اللى 11 ياحجه الساعه 2 الفجر يلا قومي علشان تلحقي القيام يلاااا
رحمه بفزع: يانهااااارى طيب يلا سلام بقا علشان الحق اصلى بس روحي ياشيخه منك لله انا كنت بحلم بهند
نورا بضحك: يستي اخلصي يعني اسيبك نايمه ولا ايه ومتصليش وتيجي بكره تزعقي معايا؟
رحمه: يلا يابت من هنا هنرش مايه يلا يلا
