أن كان الامس قد ازعجك
ماذنب اليوم يراك حزينا
واخيرا صاحو باسمائنه بس ماقبل خالو مؤيد ندخل كال خليكم انه اجيب التحاليل انطا حسام الفلوس ودخل
طلع خالو مؤيد بس وجهه ميتفسر
حسام: يله مدام طلعن التحاليل خلي نروح للمحكمه
مؤيد: التحاليل مامتطابقه دمكم مامتطابق
حسام : لا خالي احجي غيرها شلون هسه نعقد ورميم بعدها عمرها مادخل سن القانوني شلون راح نعقد يربي منين اجت هاي السالفه
مؤيد: شبيك وليدي حسام اضحك عليكم اريد اشوفكم شتسوون
لا خالي اله شوي ردت اصدك
يمه رادت تصدك صدك ولج رميم شخبار امج خالده صار هواي ماشفتها
الحمد لله خالو
حسام : اله شوي ردت اصدك التحاليل مامتطابقه خرب وانه بسرعه تعصبت
مؤيد: يله بويه مشونه نكمل العقد راح يصير وقت الاذان
طلعنه توجهنه للمحكمة وهناك كملنا العقد رجعنه للبيت بس انه تعبانه كلش وجوعانه وحسام طالعه روحه لان جوعان اهم شي بطنه هههه
رحت بدلت وتوجهت للمطبخ اشوف شنو اسوي غده لان وقت غده وجوعانين لكيت تمن منكع بس بماي حاار كلش استغربت منو منكعه لان بيداء ماتعرف بعدهي زغيره وبيبي راحت للفاتحه يمكن مروه
رحت للغرفه تمددت علئ الجربايه وماحسيت علئ نفسي نمت
فزيت علئ صوت بيبي
يمه رميم كعدي تغدي وحسام صار ساعه يصيحلج شني ميته طلعت بيبي واني طلعت وراها رحت للمطبخ فتحت الجدر لكيت مركه فتحت الجدر الثاني لكيت تمن بس اخخ شلون تمن مالت واحد ماعنده اسنان صحت منو طابخ هذا التمن
مروه: ههههه انه طبخته بس اشش سدي حلكج لٱ تعيبين علئ طبخي
هههه ولج شلون اكدر اسد حلكي شوفي التمن اهاا تذكرت اول ماجينه من المحكمه لكيت تمن منكع بماي حارر هاي انتي ولج
ههههه اي اني حجتها بغرور وشردت للطارمه رحت ركظت وراها وبيدي جدر التمن هيا خطيه تعبت انطيتها التمن وكلتلها اكلي انَتي واختج
مروه: ياااا ولج يخبل طبخي احلا من طبخج
خلصنه غده وغسلت المواعين ورحت للغرفه لكيت حسام يحجي ويا امه انوب فتح كامرا يحجي ويأشر بيده ومبين عليه مشتاقلها دنيت يمه وسلمت عليها وكالت انشالله باجر نجي
