مروه: كالت ادحس وصخ جوه الفراش وامها ما معلمتها ومتيهتها
سجى: هااااااااا !!؟
هاي عود صدك تحجي يعني انه شسويتلها وهيج تحجي عليه
رميم: انه مصدومه هاي خالتها وهيج تحجي عليها شلون عالم منافقه ضليت بس ساكته.
مروه: بعد هاي عمتج نضال ما تستحي ما تفكر تالي ترجع على بتها
شوي واشوف سجى كامت تبجي بس حقها اذا اهي ما مسويه هيج وهيه يتبلون عليها
سجى: وانه عبالي زينه ورحت والله شاهد علي لٱ تجاوزت عليها ولا سويت اي شي من. هاي السوالف الذكرتيها بس مو صوجها صوجي انه لان رحتلها بعد هذه الحجي لٱ راح اطلع ولا اقابل اي شخص منهم
رميم: ولج شبيج سجى اصلان لازم اطلعين ودقينها وتسوينها مجرد لٱ شيء امامج وامام تعليم امج الج
مروه: لاتفكرين هيج هذه التفكير عمره ما جاب نتيجه فهمتي لو لا ؟
سجى: بس حركت راسي باي وضلينه شوي كاعدين انسولف ورحت بس لحد هسه حجي مروه ابالي عن عمتي نضال شلون تحجي عليه هيج بس
سجى
بس رجعت للبيت ابوي شترالي موبايل كلش فرحت بيه نزلت بيه اغاني وبرامج هوايه وصور ونزلت بيه برنامج ياليتني ما نزلته برنامج اجتماعي بيه مراسلات وفعاليات حرفيا تونست من نزلته كلش عجبني بعدني ما اعرف عنه شي ودخلي واحد خاص
؟؟؟:مرحبا
انه خفت كلش هوه دزلي رساله صوتيه فأنه رحت لاخوي الكبير فورا كتله
سجى: لك حسين هاي مدري منو راسلني
حسين: لج انتي منيلج هذه البرنامج ولج هسه اتحذفيه لٱ اروح اكول لابوي
سجى : تمام راح امسحه
بس اطلعت رحت احضرت هذه الشخص وضليت مستمره بهذه البرنامج حته بطلت اروح للبنات وحنه هم شويه ابعاد عنهم
رحت لفاطمه بنت خالتي لان كلت مراح احجي للبنات عن هذه البرنامج
وتعرفت على شخص اكبر مني بكم سنه وبديت احجي ويااا وتعرفنه على بعض لحد ما كام يطلب مني صور الي وانه حبيته فقنعني بسرعه ودزيتله صوري هذه كله ومحد يدري بيه
رحت لبيت خالتي وحجيت كلشي لبت خالتي عن حيدر وشلون اراسله وشلون حبيته
سجى: شوفي انه حجيتلج كلشي بس مو تحجين
فاطمه: ولج شلون سويتي هيج حمستيني واكلج مروه كل يوم م̷ـــِْن انداوم بالمدرسه تسأل عليج ولج موتتني
