جنت نايمه علئ صدر حسام وحسيت اكو احد يمشي ورا الشباك ردت اكعد حسام بس خفت انتبه علي وسولفتله الصار طلع يركض من الغرفه وكلبي زادت دكاته
حسام: طلعت من الغرفه اركض اريد اعرف منو هذا وليش يتجرأًً ويعبر بيتنه علئ صوت الركض مالتي طلع ابوي وياي فتحنه الباب الخلفي محد فتريت وره البيت مالكيت اي شي بس هذا الشخص ضل ببالي اله اعرف منو رجعت للغرفه
ثاني يوم زواجي كعدنه اني وحسام الساعه 8 الصبح والجو بارد وجانت الغرفه بدون تدفئه قاطعنه صوت الباب جانت عمتي ام حسام تصيح النه علمود نتريك كمنه بدلنه وطلعنه طلعت جان البيت حلو دافي وهدوء وبيبي كاعده يم صينيه الريوك صبحنه عليها وباركتنه ونطتني مباركت عرسي وكالت عذريني ماحضرت عرسج يمه
لٱ بيبي عادي انتي مريضه واعذرج واصلا بس وجودج يمي اليوم كلش كافي
كملنه ريوك بس اني تعبانه وبعدني نعسانه اجت انظاري علئ حسام غمزلي وراح للغرفه اني ضحكت علئ سوالفه رحت للغرفه ورجعنه مثل البارحه بس بعد احله وياي جان هادء ومندمجين ويا بعض وغطينه بلنوم وجانت الاجواء تجنن
فزيت علئ صوت الباب باوعت للساعه جانت 11 الظهر كعدت حسام
حسام
اممم
الباب جاي تندك
تعالي عوفينه من الباب
لٱ امك جاي تدك الباب
استغفر وكام فتح الباب اسمعه يحجي ويا عمه ام حسام كاله خوش هسه نجي
سد الباب وكال يصيحونه اجونه وادم
كمت بس جسمي كله ياذيني
حسام: شبيج
تعبانه من وراك
حسام: مبين من ركبتج عبالك عتوي عاضج
طكيته علئ صدره وسحبني عضني من شحمت ذاني
طلعت سبحت ولبست دشداشه لونهه اصفر لان جانو عدنه وادم كرايب بيبي واختها طلعت وجانت كومه نسوان سلمت عليهن واجن استلمني تحقيق شنو صار وياج وشلون جانت ليلتكم
دخيل الحمزه شكد حشريات اني ابد ماجاوبتهن لان بليله العرس حسام حذرني احجي اي شي يصير بلغرفه
اجت عمتي كالت رح نصب الغده كمت رحت للمطبخ لان استحي اكل وياهم كعد يمي حسام وكل شوي يكرصني دخل علينه مصطفئ اخو حسام خجلت منه وبتعدت عن حسام اجت عمتي حطتلنه غده وكل شوي مصطفئ يضحك علئ حسام
خلصنه اكل وراحت العالم شفت عمتي تريد تغسل اماعين كمت عنها غسلت الماعين وجانت مروه وياي تساعدني ونضفت البيت ورحت للغرفه بدلت ملابسي ودخل حسام
حسام: اليوم شطالعه بلصفر اشتعلو اهلج
لٱ تغلط علئ اهلي:
تمام ماغلط علئ اهلج بس خلي اشوف اهلج شني من كيك منطيني:
