جنت كاعده بغرفتي ودخل علي اخوي علي كال حسام يريد يحجي وياج واكف بره كتلها شلون اطلع واهلي
علي: لٱ تخافين امي راحت لبيت جدي وابوي ماكو واخواني البقيه نايمين طلعي
طلعت بس اني خايفه احد يشوفني اخاف من عمامي اذا كضوني يذبحوني بس تجرأت وطلعت لكيته واكف وره بيتنه ويم شباك غرفتي كال لٱ تخافين محد رح يعرف بقيت اسولف ويا حسام ومتونسه لان حسام اجه هوه بنفسه يشوفني وبيتنه اخر حديثنه ختمته شوكت تجي تخطبني مو مليت
حسام: والله جاي احجي ويا ابوي بس ميقبل يكول اله انه اتزوج يله انته
اني ضجت حيللل يعني لشوكت ابقه انتضر يتزوج ابوه يله احنه
اخر شي ضجت كتله تره اجوني خطابه اني تقصدت احجي هيج كدامه علمود يرجع يفتح الموضوع ويا اهله
فجئه ماحسيت علئ حسام وتقرب م̷ـــِْن شفايفي وسحبهن بقوه اني توترت وحيل مابقه بيه دفعته علئ الحايط كال شبيج كتله انت تخبلت شلون هيج تسوي وياي
حسام: لان احبج
اني ادري بيه يحبني بس اريد نتزوج ونرتاح تجرات لمسات حسام اكثر كلتله كافي روح ومرت الثانيه لاتجي اذا انت وحدك عود تعال ويا اهلك وخطبني عفته بره ودخلت للبيت رحت للديوانيه لان محد بيها وجانت دافيه حيلل والجو بارد دخلت بلفراش وجانت يمي صوبه كهربائيه بس اني كل تفكيري شلون سوه وياي هيج والمنظر مجاي يروح م̷ـــِْن بالي شلون قبلني وبعد معانات من التفكير تغطيت ونمت
حسيت علئ احد يكعد بيه كعدت وشفت كبالي امي كالت شبيج نايمه خوما مريضه
كتلها لٱ امي بس ضايجه كالت تعالي كعدي امشي يمنه رحت يمهم وطبعا مستحيل اكو كعده حلوه مثل كعدت اهلي وخواني كعدت يمهم وسوالف وضحك ونكرز حب وجاي حار بس اني كل شوي يجي المنظر براسي
ثاني يوم:
كعدت الضهر طبعا انه مستحيل افوت نومه الصبح كعدت واني كلي نشاط رحت غسلت ولميت شعري دخلت علي امي كالت تعالي تغدي ويانه رحت تغديت وماكو احلئ من طبخ امي خلصنه اكل غسلت الماعين ونضفت المطبخ
خالده: يمه رميم تعالي وياي ساعديني خلي نسوي كبه بتيته اني كلش احبها اول شي امي سوت حشوه الكبه ونوب سوت العجينه طبعا اني بس الف كبه وياها
صار المغرب كمت صليت واجيت اكمل ويا امي جاي نلف اني وامي وسمعت صوت ابن خالي يصيح بره طلعت امي تشوف شنو صاير
بس تفاجئت من كال تعالي ابوي ومؤيد وهاشم يصيحولج اني خفت وتوترت كل تفكيري مراح يوافقون علئ زواجنه دخلت امي كالت يردوني رح اروح اشوف شنو اجي بسرعه انتي كملي لف الكبه كلتلها ماشي
ملاحظة : "حسام ابن حازم
حازم اخو خالده الوحيد ماعدها اخت
رميم الوحيده عند امها وعندها اخت صغيره كلش''
...............
كملت لف الكبه وكعدت ارتاح شوي دخلت امي بس وجها ميتفسر كعدت امي بس ضاله تصفن شوي وكالت حسام ابن خالج حازم خطبج ويردون موافقتج اني صح فرحت بس اكو شي مضوجني ماعرف ليش اني بقيت ساكته لان استحي احجي ويا امي بهذا الموضوع لان هيه تدري بيه احبه وتعرف هوه يحبني مرت الليله ضوجه علئ تصفن
