غصباً ع السهر !
اله اغفى كوه
وبعد ماروح للبطران فدوه
مدري شمالني؟
كاتلني العتاب
اثاري الناس بس
بلصور حلوه 🖤
ولك يحسام الحك جدك مات يبوووي راح شيخ العشيره
طلع حسام يركض وره امهه لان عمتي طلعت بدون حجاب ومفزوعه طلعت وره وحسام واسمع الصريخ مالت بناته وزوجته حيلل كلبها طيب ابد ماتستاهل
شفت عمتي تمشي والحجاب ماكو وتدك على صدرها وتبجي واخذت الطريق كله تصرخ
حيلل ضجت على ابو عدي لان انسان كلش طيب عنده استعداد يشيل الاكل من يمه وينطي وهوه الي صار شاهد على عقدنه اني وحسام صفنت على أفعاله يعني انسان يستحق اكثر من كلمه طيب الكلب
رحت للغرفه صفنت عليه كلت بالاول ارتبها
رتبت الغرفه وضميت المكياج لان احنه بعاداتنه وتقاليدنا الميت نلبس عليه سنه كامله ومكياج ماكو ولا نحف الوجه أو الحواجب كملت من المكياج ورتبت الميز خليت عليه بس عطورات وشغلات بشره
خلصت من الترتيب وتوجهت للكنتور علمود اطلع الملابس السود واضم الملابس الاوان طلعت الملابس السود ولبست دشداشه عريضه سوده
رحت غسلت وفرشت اسناني ونضفت عيوني من الحكله دخلت للغرفه اريد ارتب حجابي علمود يجي حسام وياخذني لبيت جده
واكفه على المرايه وخلصت من ترتيب الحجاب ونفتح الباب
دخل حسام بس ابد مو حسام الي اعرفه العيون حمر وجواهن هالات سوداء والشعر نازل على كصته
حسام : ليش مارحتي للفاتحه امي تعبانه روحي يمها
تمام حبيبي بس كوم وصلني لبيت جدك لان اخاف اروح بحدي
يله امشينه بس لبسي عبايه لان الزلم بره وراح يشايعونه وها صدك تذكرت امشي دخلي لبيت جدي جيبيلي الجنسبه لان انه ماكدر ادخل تعرفين نسوان ومفرعات
كمت اريد البس عبايه وفزينه على صوت صريخ يم باب مطبخنه
طلعنه نركض اني وحسام وشفت بيبي لا حجاب وتدك على راسها
اخخخ ياااخويه يبو عدي راحت هيبتك
راح الجان لام عياللهه اخخخ يايمه
والله ماتستاهل هاي الموته
ياحسافه يخوي انت تموت بمرض كورونا
حرفيا اني واكفه من بعيد بس حيلل تأثرت يعني همه علاقتهم مثل الاخوان دموعي نزلت واني ماحس على روحي فززني صوت صادق
طلع صادق يفرك بعيونه هسه توه كاعد من النوم
صادق : صدكك جذذب يعني واكفه تصرخين بره شبيج يعني المننن الصريخخ لا وفوك كل هذا انه ناايمم يعني شلون ماكو احترام للنايم
