حب مهدد

الفصل الثالث عشر ✍️

بقولك يا ملوكه إيه رأيك في هنا

كان هذا حديث عزيز يوجه الي ملك بعد أن طلب منها أن تلحق به لغرفته وها هم يجلسون

ملك بتعجب : اشمعني.!

عزيز باستغراب : عادي يا ملك ما تردي وخلاص

ملك بصدق : أنا بحبها جداً هي محترمه وهاديه وطيبه

عزيز بمذاح وهو يقوم بقرصها من وجنتها الشهيه بخفه : بس مش اطيب من فراولتي

ملك بمذاح : لاء وأنت الصادق مفيش أطيب من حبيبه

عزيز بخضه وضيق : اعوذ بالله من الشيطان الرجيم ليه يا بنتي السيره ديه علي المسا ما احنا كنا ماشيين كويس

ملك بغيظ : جري إيه يا زيزو مالها حبيبه أنت متحامل عليها جامد جدا

عزيز مقلدا بتريقه : جامد جداا
ليكمل بجديه : المهم فكك من حبيبه دلوقتي صراحه بقي أنا عاوز اتقدم لهنا

ملك بخضه تحاول مدارتها : إيه.! هنا.. هو أنت لحقت تعرفها.!

عزيز بتأكيد : آه قدرت اكون عنها فكره وبعدين أنا أهم حاجه عندي أنها تكون مؤدبه ومتدينه والصفات ديه فيها وأنا مش عاوز اكتر من كده

ملك برفض : بس برضه أنت متعملتش معاها غير قليل جداً

عزيز باستغراب : فيه ايه يا ملك هو إنتي شوفتي عليها حاجه ومش عاوزه تقولي

ملك سريعاً : لاء لاء طبعاً ده السنتر كله بيحلف باخلاقها

عزيز بجديه : طيب وأنا سألتها مرتبطه ولا لاء وقالت لاء وصراحه بقي أنا عاوز اتقدملها

ملك بتعجب : علي طول كده يا عزيز

عزيز بهدوء : وفيها ايه يا ملك أنا كبير مش صغير وشقتي جاهزه وهي برضه كبيره وناضجه فهستني ليه

ملك بمحاوله لاقناعه : يعني تتعرفوا علي بعض ولو ارتاحت تخطبها

عزيز باستنكار : يا سلااام بقي بذمتك هنا من البنات إلي يتمشي معاهم وبعدين أنا مقبلش أكلم واحده مفيش علاقه رسميه تجمعنا ده أنا لما هتقدم هكتب كتاب علي طول مش خطوبه بس

ملك باقتراح : طب اصبر شويه يمكن تعجب بواحده تانيه

عزيز بشك : فيه إيه يا ملك أنتي مش حابه هنا

ملك برفض : لاء يا عزيز مش قصدي والله ده أنا بموووت فيها أنا قصدي إن أنت بتسرع الامور اوي

عزيز بجديه : ولا مسرع ولا حاجه وبعدين أنا لسه باخد رأيك أنتي الأول لسه متكلمتش مع الحج ولا الحجه

ملك بخفوت : ماشي يا زيزو ربنا يكتبلك الخير أنا هطلع بقي أرتاح

أنهت حديثها لتقف وتتوجه لخارج الغرفه ولكن عزيز الذي لاحظ شحوب بشرتها