Unicode,
ဘာမှမမြင်ရလောက်အောင်အထိ မှောင်မဲနေသည့် ညကြီး အချိန်မတော်မှာ ရှိုက်ကြီးတငင် ငိုနေတဲ့ကောင်လေးတစ်ယောက်။ မလှမ်းမကမ်းရှိ စားပွဲထက်မှ ကုန်လုနီးပါးဖြစ်နေသည့် ဖယောင်းတိုင်မီးရောင် ခပ်မှိန်မှိန်ကသာ ညကို အလင်းပေးထား၏။ ကြမ်းပြင်ထက်မှာ နစ်အိုင်နေသည့် သွေးတွေနဲ့အတူ အိပ်စက်နေသော အမျိုးသမီး တစ်ယောက်လည်း ခပ်လှမ်းလှမ်းတွင် ရှိသည်။ ထိုအမျိုးသမီး၏ ဘေးနားတစ်နေရာမှ အမျိုးသားကတော့ ရင်ဝမှာ ဓားတိုတစ်ချောင်း စိုက်လျက် အသက်ငင်နေပြီ။ ရှိုက်ကြီးတငင် ငိုချနေသည့် ကောင်လေး၏ သွေးများပေကျံနေသော လက်က တုန်ယင်နေ၏။ ထိုတုန်ယင်နေသော လက်ကို အသက်ငင်နေပြီဖြစ်သော အမျိုးသားက ခပ်ဖွဖွကိုင်လိုက်ရင်း တိုးတိုးလေး ပြောလာသည်။
"မ.. မငိုပါနဲ့ Taehyung.. ငါက... နားလည်တာမို့.. ခွင့်လွှတ်တယ်"
နှလုံးသားတစ်ခုလုံး အစိမ်းလိုက် ဆွဲညှစ်ခံနေရသလို နာကျင်မွန်းကြပ်မှုကြောင့် အသက်ရှုလို့တောင် မဝတော့။ မုန်းချင်လိုက်တာ သခင်လေးရယ်.. ကျွန်တော်လိုချင်တာ ခွင့်လွှတ်မှုမှ မဟုတ်တာ..။
"Taehyung ssi.."
ခန္ဓာကိုယ်ကို တစ်စုံတစ်ယောက်က ကိုင်၍ လှုပ်ရမ်းလိုက်မှ Taehyung မက်နေကျ အိပ်မက်ဆိုးမှ ရုန်းကန် နိူးထလာခဲ့သည်။ စီးကျနေသည့် ပါးပြင်ထက်မှ မျက်ရည်တွေအား လှုပ်နှိုးတဲ့သူ တရားခံ Jimin မမြင်အောင် ကမန်းကတန်း ဖယ်ရှားလိုက်သည်။ သို့ပေမဲ့ နောက်ကျသွားဟန် ပေါ်သည်။ Jimin ပခုံးတစ်ချက် တွန့်ပြ၍ ရေခဲသေတ္တာကိုသာ ဆွဲဖွင့်ပြီး ရေဘူးဆွဲယူကာ ရေတစ်ခွက် ငှဲ့ပေးသည်။
"အိပ်မက်ဆိုး မက်နေတယ် ထင်လို့.."
Jimin က ဘာမှဆက်မပြောပဲ သူငှဲ့ထားသည့် ရေခွက်လေးအား Taehyung ရှေ့ တွန်းပို့ပေးသည်။ Taehyung ဘက်ကလည်း ဘာမှ ပြန်မပြောပဲ ငြိမ်သက်နေလေ၏။ ဖုံးကွယ်ထားသည့် သူ့ရဲ့ အားနည်းတဲ့ တစ်ဖက်ကို Jimin မိသွားလို့လား ဒါမှမဟုတ် ဖန်တစ်ရာတေနေသည့် အိပ်မက်က အခုထိ တုန်လှုပ်စေနိုင်သေးနေလို့လား တော့ မသဲကွဲပါ။
ВЫ ЧИТАЕТЕ
𝓝𝓮𝓹𝓱𝓲𝓵𝓲𝓶
Фанфик(Unicode + Zawgyi) Unicode, ဒီလောကကြီးမှာ ဘယ်သူ့ ဖြစ်တည်မှုကမှ အမှား မဟုတ်ဘူး တစ်စုံတစ်ယောက်အတွက် ကံကောင်းခြင်းလေးလည်း ဖြစ်နိုင်တာပဲ...။ Zawgyi, ဒီေလာကႀကီးမွာ ဘယ္သူ႔ ျဖစ္တည္မႈကမွ အမွား မဟုတ္ဘူး တစ္စုံတစ္ေယာက္အတြက္ ကံေကာင္းျခင္းေလးလည္း ျဖစ္ႏိုင္တာပဲ...
