Unicode,
"မင်း ဘာလုပ်လိုက်တာလဲ"
ဖြတ်တိုက်သွားသည့် ဆောင်းဦးည၏ လေနုအေးကို တန်းလျားခုံလေးထက် ခေါင်းမော့ မျက်စိမှတ် ခံစားနေရင်း ဘေးက ရန်ထောင်သံမကျ ခပ်မာမာ အသံကြောင့် Taehyung နှစ်ခြိုက်စွာ ပြုံးလိုက်မိသည်။ ဖြည်းညင်းစွာ မျက်လုံးတို့ကို ဖွင့်လိုက်တော့ သူ ထင်ထားတဲ့အတိုင်း Jin။
"ဒီလို မော့ကြည့်ရတော့ ပိုချောတာပဲ"
"ကြက်သီးထစရာကောင်းအောင် အပိုတွေ မပြောစမ်းနဲ့"
ရန်ထောင်ပြီး သက်ပြင်းချကာ Taehyung ဘေးနား နေရာလွတ်မှာ ဝင်ထိုင်လာသည်မို့ Taehyung အနည်းငယ် ဘေးကပ်ပေးလိုက်သည်။ လက်ထဲကိုင်ထားသည့် ဘီယာဘူးအား ကမ်းပေးလိုက်တော့ Jin က မျက်စောင်းတစ်ချက်နဲ့ အတူ ငြင်းသည်။
"အထက်က အရက်သေစာ သောက်စားတာ မကြိုက်ဘူး"
"အရက်မှ မဟုတ်တာ ဘီယာကို"
အတွန့်တက်ပြီး သူ့ဘီယာဘူး သူ ဆက်သောက်နေသည့် Taehyung အား Jin က စိတ်တိုင်းမကျဟန် ကြည့်ရင်း ခေါင်းခါသည်။
"ဘာလို့ Nep ကို ကြိုးနီကိစ္စ သွားပြောရတာလဲ"
"အား... အရသာရှိလိုက်တာ၊ ဟန်မြစ်ရဲ့ ညဘက် view က ဘယ်လောက်ကြည့်ကြည့် ရိုးမသွားဘူးနော်"
Jin မေးသည့် မေးခွန်းအား မဖြေပဲ ခပ်လှမ်းလှမ်းက မြင်ရသည့် ဟန်မြစ်နှင့် ထိုဟန်မြစ်ဘေးနား ပျော်ပါးနေကြတဲ့ လူငယ်တွေ၊ မိသားစုတွေအား ငေးရင်း ပြောလေသည်။ နွေဦးရာသီမို့လားတော့ မသိ။ ညဘက်ပေမဲ့ ဟန်မြစ်နားတစ်ဝိုက်တွင် ပျော်ပွဲစား ထွက်လာဟန် ပေါ်သည့် လူငယ်များ ဟိုတစ်စု ဒီတစ်စုနှင့် စည်ကားနေလေ၏။
ဘာမှမဖြေပဲ ခပ်ပြုံးပြုံးလေးသာ နှုတ်ဆိတ်နေသည့် Taehyung အား Jin က စိတ်မရှည်သည့် ပုံစံဖြင့်..
"ငါတို့အတူတူ တစ်လှေတည်း စီးနေတယ် ထင်ခဲ့တာ"
"တစ်လှေတည်း စီးမယ်လို့ ငါပြောခဲ့လို့လား"
"ပြောခဲ့တယ်လေ၊ Nep အခန်းထဲ ဝင်မယ်ဆိုတော့ တစ်လှေတည်း စီးနေတာကို ဘာညာဆိုပြီး"
ESTÁS LEYENDO
𝓝𝓮𝓹𝓱𝓲𝓵𝓲𝓶
Fanfiction(Unicode + Zawgyi) Unicode, ဒီလောကကြီးမှာ ဘယ်သူ့ ဖြစ်တည်မှုကမှ အမှား မဟုတ်ဘူး တစ်စုံတစ်ယောက်အတွက် ကံကောင်းခြင်းလေးလည်း ဖြစ်နိုင်တာပဲ...။ Zawgyi, ဒီေလာကႀကီးမွာ ဘယ္သူ႔ ျဖစ္တည္မႈကမွ အမွား မဟုတ္ဘူး တစ္စုံတစ္ေယာက္အတြက္ ကံေကာင္းျခင္းေလးလည္း ျဖစ္ႏိုင္တာပဲ...
