بسم الله الرحمن الرحيم
_ وئام العشق _
الكاتبة هبه الساعدي
حسابي الانستگرام / heba_alsaadi04لتنسون التصويت ⭐ وتعليقات بين الفقرات + متابعة حساب لطفا heba_alsaadi04
حَـزنـي الـمبيـن بيش إسـتره
مَفضوح چن دم اعلى غـتـرا_ عقيل العرد _
•••••••••••••••••••
صاح ابوي بـحِده وخشونة ، الانزعاج والرفض ظَاهر بملامح وجهه قافل من موضوع ...
ابـو ادهـم :- خلص انتهى النقاش زنوبه بعدها صغيره مو مال زواج ومسوؤليه
يومين وابراهيم يرجع الخبر لـسراج البنيه بعدها صغيره وماكو نصيبجمدت بمكاني مثل نشمر مي بارد عليَّ بس ارمش عيوني بـجمود ، انظار الكل تتنقل بيني و بين ابوي ...
ابـراهـيـم :- بس انطي مجال حجي خلي نشوف زنوبه شنو تگول ، اي زوزه شتگولين انتِ ؟
مركز بعيوني و هو يحجي ، دنگت راسي افرك بأيدي متوتره خفت انطي رأيي ، بلعت ريگي الغصه تجمعت بصدري ...
زيـنـب :- اصلا بابا ويا الحق بعدني صغيره مو مال زواج
رفع حاجبه بـشك و أردف ...
ابـراهـيـم :- متأكدا ؟
بعدت نظري عنه اتلافى نظراته تلعمث متوتره ما اعرف شنو ارد امتمت بالكلام ...
زيـنـب :- ها ، اي اي متأكدا
ابـراهـيـم :- ها هي لعد راح اگول لـسراج البنيه ما موافقه
رفعت راسي موسعه عيوني بداخلي نار و مشتعله بدون ما احس على نفسي صحت بعلو صوتي ...
زيـنـب :- لا لا لا تگله
التفتوا عليَّ متفاجئين من نبرة صوتي و اندفاعي بهل طريقه ، اردف ادهم وهو مسلط نظره عليَّ :- ليش؟
غمضت عيوني مرتبكه من نظرات شك بعيون الكل كأني مذنب و واكف بالمحكمة والكل يستجوبه ...
زيـنـب :- ها مو عيب من الولد هسه يگول شورهم بأيد البنات
ادهـم :- اول مره تفكرين صح وتطلع منچ كلمه بيها خير وبراسها حظ
زيـنـب :- اسكت انت اسكت على اساس انت ماكو هيچ لازم دواوين ابوك
ابـو ادهـم :- هههههههههه ولچ بويه لسانچ شلون بيَّ اني
زيـنـب :- يالله وهاي سكتت راح اگوم انام احسن من اگابل وجه ادهم
ادهـم :- ترحيلي فدوه ام الگمل
أنت تقرأ
وئام العشق
Romanceقصه حقيقية 100% قلبان يجمعهما الصدفة هل هو حب عابر ام حقيقي ؟ بعد كل المصاعب و العثرات يمرون بها هل يستمر حبهم ويصبح عشقاً أم سينتهي ؟ _ بقلمي هـبـه الـسـاعـدي