وئام العشق

البارت سابع والثلاثون

بسم الله الرحمن الرحيم

_ وئام العشق _
الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ وتعليقات بين الفقرات + متابعه حساب لطفا heba_alsaadi04

إني اراك بعين قلبي جنة
‏يامن بقُربك مرَّ الحياةِ يطيبُ

••••••••••••••••••••••••

زينب : اي وگالت لازم تاكلين حتى لا تتاذين بعدين

سراج : وتالي تحجين لو لا ؟

ابتسمت بفرح وايدي على بطني وگلت "

زينب : ولد حبيب امه

عفس وجهه بعدم رضا وسكت وملامحه بينت مثل ضاج
رفعت حاجبي وگتله "

زينب : شبيك شو ضجت

جر نفس وزفره ابتسم وگال "

سراج : متأمل بنيه بس الحمدلله والشكر
كل شي من رب العالمين نعمه
اهم شي تمام الخلقة وتگومون بالسلامه انتي ويا

صفنت بوجهه تذكرت راح نصير اهل صحت بصوت شبه عالي "

زينب : رراحح تصيررر اب واانيي اامم عززااا

باوعلي مستغرب من ردت فعلي التفت عليه وگال بتساؤل "

سراج : شكوو شبيجج ؟

ضحكت خليت ايدي على شفتي وگلت من بين ضحكتي "

زينب : كبرنا هههههههه

سراج : هسه اذا افتح الباب وادفرج منه احد يلومني
عبالي نسيتي شي بالعيادة

ضحكت بصوت عالي حتى بطني وجعتني وهمست "

زينب : هههههههه لا ما نسيت

_ بقينا نسولف لحد ما وصلنا للبيت
اول ما دخلنا صاح على اهله گال لهم كلش فرحوا
كل شويه واحد مطلع اسم واضحك عليهم

_ رجعت لروتيني ولدراستي لان ما ضل للامتحانات والحمل تعبه يزيد واحس كل ما تمر ايام اثكل صار ضغط مضاعف عليه
جنت بكل مرا احس بضعف وأذيه بس هو الحافز لــ يرجعني اقوى من قبل

_ ومن ينزل سراج يضلون كل واحد ياخذله ساعتين يدرخ
براسي ويشرح الى ان كلش اتعب وانتهي وما اترك الكتاب
لحد ما تجي ماما تصيح بيهم
يلا اگوم ارتاح وجهي ذبل احس طاقتي خلصت

_ يوم يجر يوم وما بقى بس يوم واحد يفصلني عن امتحانات وجو حار
كملت دراست راجعت الكتاب اكثر من مرا واحس نفسي كل شي مقاريه دمعت عيوني
تركت الكتاب وگمت توضيت ورجعت اقرأ قران واستغفر ربي