وئام العشق

البارت الاول

بسم الله الرحمن الرحيم

_ وئام العشق _

الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ و تعليق بين الفقرات + متابعة الحساب heba_alsaadi04

"ويُؤنِسني حديثٌ منهُ عذبٌ
‏يبُدِّدُ غيمَ همٍّ في سمائِي"
‏أنت سمّائي نجومي وكواكبي ، أنت الأرض بما رحُبت

•••••••••••••••••

_ مثل كل بيت عراقي صباح مليان حب ما يخلوا من صوت أحب الناس لـگلبي
صباح كل يوم هذا الي يطلع لـدوامة و هذا لـمدرسته
صحيت على اصواتهم الجميله كلي طاقة و نشاط و حيويه
و ريحة الچاي مهيل لا اراديا تنرسم الابتسامه على ملامحي

گمت من مكاني رتبت فراشي ، طلعت غسلت وفرشت اسناني
رجعت للغرفه ظفرت شعري و غيرت ملابسي بـملابس  المدرسة
اخذت جنطتي و نزلت  عيوني تتنقل بيناتهم مجتمعين على سفرة الريوگ

ابتسمت على صوت بابا الحنين و هو مثبت انظاره عليَّ  ...

أبـو زيـنـب :- باباتي صباح الخير تعالي بوستي وين

ضحكت و نزلت بوسته هو و ماما و اخواني
گعدت بنصهم يسوولي لفات و ينطوني كأنما طفل عمره ثلاث سنين و يوكلوا منتظرين تخلص لفه بأيده و ينطوا الثانيه
گام ابراهيم من السفره و أردف ..

ابـراهـيـم :- الحمد لله ، يالله زوزو امشي اوصلچ للمدرسة بسرعه حبييتي

أومأت راسي بـأيجاب على كلامه سلمت على اهلي وطلعت اركض
صعدت بالسيارة وابراهيم صعد
يسألني على دوامي و الدروس بين ما وصلنا نزلني بالباب انطاني مصروف و راح ، دخلت للمدرسة ركضن صديقاتي عليَّ  سلمت عليهن ودخلنا للصف
اول درس عدنا امتحان امتحنا وطلعنا الاسئله نوعا ما صعبه

زهـراء :- ها بشري جاوبتي ؟

تأفأفت بضيق رغم متأكده من اجابتي بس تبقى خوفه بداخلي من النتيجه ...

زيـنـب :- اسئلة صعبة ومو واضحه ولا مفهومه

زهـراء :- يعني بهذا كلامچ 90 إذا مو 100 تطيرين عيون هههههه

زيـنـب :- ههههه ولچ والله صعبه شبيچ

ضحكت و سكتت ، كمل يومي روتين عادي بين الدراسه و بين صديقاتي
دك الجرس يعلن على انتهاء الدوام ، اخذت جنطتي و سلمت على البنات ...

زهـراء :- زوزو منو راح يجي عليچ ياخذچ ؟

زيـنـب :- اكيد واحد من اخواني ما بيها نقاش وما تقبل غلط ههههه