وئام العشق

البارت سادس والعشرون (الجزء الثاني)

بسم الله الرحمن الرحيم

_ وئام العشق _
الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ وتعليقات بين الفقرات + متابعه حساب لطفا heba_alsaadi04

حَنينِ لكَ في ماذا سوفَ يُفيدني
أن كُنتَ لا استطيعُ الحديثَ معكَ
عندما احنُ
ودموعي في ماذا سوف تُفيدني
أن كآنت لاتسقطُ بينَ يدكَ
واحلامي بكَ في ماذا تنفعني
أن لم تكُن واقعاً معك
جميعَ هذهِ الأشياءِ دونَ فائده
أن لم تكُن مُقترنه بكَ

•••••••••••••••••••••••••

صكر صوته يلهث " زينب ابتعدو عن لجام وكعدوا بوسط البيت بس يهدأ القصف اجيكم

زينب رجف جسمي اردفت بصوت يرجف وگلبي يدگ سريع گوه اجر النفس " تمام تمام

_ غلقت المكالمه التفتت لعمتي تباوعلي بتساؤل رجفت شفايفي من الخوفه والصوت گتلها عمه يگول صكر ابتعدوا عن لجام بس يهدأ القصف اجيكم

_ عمتي هزت راسها وبقت تدعي لزمت ايدها ورحنه كعدنا جوه الدرج بالصاله وهي بقت تردد ادعيه وحاضنتني حيل ومخليه راسي بصدرها وما تعرف شنو تسوي من يقوى الصوت تسد اذاناتي ومرا تدفن راسي بصدرها صوت كلش عالي ومرعب يقشعر الجسم

_ ايد لازمه عمتي وايد الثانيه موبايل اتصل صكر ما عرفت شلون افتحه من رجفة ايدي

زينب التفتت لعمتي بلعت ريكي الجاف بصعوبه " عمه صكر جاي يتصل

ام سراج بنظرته تنطيني الامان وهي تسبح " على كيفج يمه وجاوبي

_ فتحت المكالمه وخليت التلفون على اذني گوه مسيطرة وايدي ترجف

- الوو

- جاوبني بصوت خايفه القلق ظَاهر بـنبرة صوته " لا تخافون بس يهدأ القصف اجي اخذكم يمي

- هزيت راسي بــ أي ودموعي على خدي "  تمام

- حس بيه خايفه اردف بنبرة هادئه يطمني " اهدي يمعوده لا تروحين تتخربطين

- مسحت دموعي يرجعن ينزلن گوه احجي " لا لا تخافون عليه ما بيه شي بس شنو هذا القصف

- ما اعرف بس .........

_ فجأه انقطع صوته بقيت اصيح الووو الوو ماكو اي اجابه انقطعت الشبكه طفيت التلفون لزمت ايدي عمتي وگالت ...

ام صكر : ها يمه شكو

زينب : لا خاله ماكو شي بس يكول يهدأ القصف واجيكم