وئام العشق

البارت التاسع

بسم الله الرحمن الرحيم

_ وئام العشق _
الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ تعليقات بين الفقرات + متابعه حساب لطفا heba_alsaadi04

"و كَم من قلبٍ الأنَ يَشعُر
فما بالُكَ يا قَلبي لِلمَشاعر تَستُر"

••••••••••••••••

_ كمت بسرعه واخواني طفرو ورايه صعدت ليفوك لحگني احمد دفع الباب ودخل واني تخبلت اضرب بروحي وبالحايط وساعه املخ بوجهي احمد يريد يسيطر عليه ما گدر

دخلوا ادهم متجي لأبراهيم گعدت بالگاع منهاره وهم گعدو يمي شمرت نفسي بحضن احمد اصرخ ما اريده ما احبه والله انتحر وما اصير لغيره ابويه شبي ليش هيج ميحبني اريد اموت موتوني وخلصوني احجي وابجي بحرگه وصوت شهكاتي ملت الغرفه جرني ابراهيم من حضن احمد وحضني حيل وشدد قبضت ايديه عليه وگال ....

ابراهيم بقهر والدمعه بطرف عينه " شبيدي عليج ياربي شبيدي لو بالغه سن القانوني والله اخذج ازوجج لسراج وخليهم شيسون يسوون بس ما اگدر ما يعقدولج الا ولي امرج ... شويه ودخلت امي واميره يبجن

ام ادهم تلطم على وجها وتبجي " ولكم يمه قرو فاتحتها على هذا ساقط يمه بنيتي اويلي عليج

_ من التعب والبجي نمت بـحضن ابراهيم اسمعهم يحجون بس ما مركزه وياهم ما گعدت الا لليل على نومه من ١٢ ضهر ل ٨ باليل فتحت عيوني بتعب واحس مثل الكزاز متكسر بيهم وابراهيم على نفس گعدته واني بحضنه وهو يلعب بشعري وعيونه مبين عليهم التعب والقهر عليه ...

ابراهيم وهو يمسد على راسي " ها بنيتي شلونج

زينب گوه احجي وصوتي مبحوح " شلوني وابوك سلب مني روحي شلوني واني ما اعرف شنو اگول لسراج قرو فاتحة حبيبتك اليوم شنو اگوله فهمني

ابراهيم (بقهر) : اتصل اكثر من عشر مرات عليج وعليه بس ما اعرف شجاوبه والله ما اعرف

زينب (بدموع) : شلون نجاوبه شلون فهمني

_ دموعي اخذت مجراها ضليت ابجي واشهك وابراهيم يهدي بيه بقيت گاعده وصافنه بالفراغ وافكر شنو راح يصير لو انوح وابجي وشهكه احسها تشك بلعومي من تطلع .. نام ابراهيم واحمد ضل گاعد يمي ويباوع عليه عيونه مليانه قهر وحزن عليه يخافون لا اسوي بـنفسي شي اليل كله گاعده انوح وابجي على حالي باجر راح يصير اعدامي باجر اصير لغير انسان يارب رحمتك اقوه من رحمة البشر .. الهي انت الكريم الرحمن الرحيم ارحم حالي .. مسحت دموعي وگمت اريد اتوضه لزمني احمد من ايدي