وئام العشق

البارت سابع والعشرون

بسم الله الرحمن الرحيم

_ وئام العشق _
الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ وتعليقات بين الفقرات + متابعه حساب لطفا heba_alsaadi04
‏⠀
ريحة ليل
تندهني وأسولف بيك
وأتوسد حلم ملگاك
وأغفى بحسبة متانيك
أفز محتاج لـ شلونك
تهت والعافية عيونك

•••••••••••••••••••••••

جواد : بس مو كلكم تطلعون كل خمسه يطلعون نوصلهم للبستان ونرجع ناخذ لبقيه او تصيرون وجبات وكل عشر دقايق

ابو صكر اعترض على كلامه الطريق مو امن ودنيا ليل " طلعوا كل عشر دقايق وجبه احسن ما تضلون رايحين رادين خطر عليكم

_ صرنا ٣ وجبات كل عشر دقايق تطلع وجبه والمنطقه هدوء بس صوت الكلاب وظلمة هندس على ضوء قمر اخر شي بقينا اني وعمتي وسجى واروى واطفالهن

_ انتظرنا عشر يتأكدون من شارع فارغ رجع علينا جواد وهيثم طلعنا وياهم بعد ما قفلو البيت وحاولوا ما يطلعون صوت لزمت ايد عمتي ونمشي بحذر وهدوء ولولد يمشون يتلفتون على الطريق لحد ما وصلنا يمهم اجتمعنا كلنا

_ وعمي يمشي گدامنا لان يندل طرق لـ بساتين ... تعبنا حيل وجهال ما يكدرون يمشون شالوهم الولد وعمتي لازمه ايدي وتمشي گوه خطيه مره كبيرة بالعمر

الخوف والرعب ورهبة الظلام خلتني كل شويه اتخيل يهجمون علينه او يطلعونه من البساتين واسمع بس صوت مشينا من نمشي على السعف اليابس يصدر اصوات لان ما نشوف ظلمه نبقى بس نتلفت

_ وكل ما نوصل لحدود بستان ثاني عمي يرفع سيم لـيفصل بستان عن ثاني حتى نفوت يخلنا كلنا نعبر يلا هو يرجع يمشي گدامنه بــهيبته ... مر الوقت وصارت بــ ٤ الفجر واحنه بعدنا نمشي

صكر : بويه راح يطلع لصبح واحنه بعدنا مو خطر نضل نمشي يروحون يحسون علينه

ابو صكر وهو يكمل مسيره بدون ما يلتفت "

- امشي بويه كاتبه ربك يصير

_ ضلينا نمشي ولجو بارد ثلج وكل ما نتعب نوكف اقل خمس دقايق ونرجع نمشي اثناء ما امشي تذكرت السيدة زينب (عليها السلام) ومسيرتها هي وسبايا من ارض كربلاء لشام رفعت راسي للسماء صافيه دعيت من گلب مرعوب وحسرة

زينب : ربي انطينا من صبر مولاتي السيدة زينب

_ مسحت دمعتي ما عرفت شوكت نزلت ... مرت الساعات وصلنا لأخر بستان صارت ساعه بــ ١ الضهر

ابو صكر : گعدو ارتاحوا منا لحد ما تغيب شمس هنا مكان مفتوح وننكشف

_ گعدنا كلنا ولبنات وكلوا جهال جانو جوعانين ضلينه گاعدين وندعي سمعنا صوت تلفون عمي