وئام العشق

البارت ثاني والأربعون

بسم الله الرحمن الرحيم

_ وئام العشق _
الكاتبة هبه الساعدي
حسابي الانستگرام / heba_alsaadi04

لتنسون التصويت ⭐ وتعليقات بين الفقرات +  متابعه حساب لطفا heba_alsaadi04

كُلُّ إتجاه إلى عَينكِ يأخُذني
‏مِن أينَ أعبرُ يا كُلُّ اتجاهاتي؟

••••••••••••••••••••••••

_ نزلت من الدرج امشي على كيفي وبطني تمشي گدامي ما صار كم يوم من دخلت بـ شهر سابع
الحمدلله حياتنا هادئه بالعطله رجعنا لبيتنا ومن بدأ الدوام رجعت يم اهلي وسراج بالدوام
وطفلي ناره بگلبي بكل مكان له ذكرى بيه
دخلت للمطبخ صبحت على امي لگيتها محضرتلي الريوك
اكلت بسرعة وطلعت للخط منتظرني

_ سلمت وصعدت بالسيارة الجو حلو وبي نسمات هواء بارده
وصلت للكلية نزلت بهدوء وامشي بحذر
سلمت على صديقاتي ومثل كل يوم ينهد حيلي من اصعد للقاعة ، كل محاضره ناخذها بقاعة مختلفه وبـ غير طابق
صعدت بصعوبه والهث من ثكل بطني والدرج طويل
انقطع نفسي لحد ما وصلت للقاعة

خلصت المحاضرات وطلعت متحمسه اليوم تجي ميار
رجعت للبيت سلمت على اهلي وصعدت بدلت
حسيت نفسي تعبت وتقلصات بطني اتجاهلت الم وگلت مثل كل مرا تشنجات

_ نزلت جوا تغديت لمتنه كانت حلوه ضحك وسوالف وتحشيش احمد ما يخلص
سراج جان بالدوام
مر الوقت بقيت گاعده يمهم ما مرتاحه وجع بطني كل ما جاي يزيد

ترخصت وصعدت ادرس عندي امتحان ما اگدر اغيب
درست شلون ما جان ونمت
گعدت متأخره وروحي خاويه ما بيه امشي بدلت بسرعه ونزلت
ما اشتهيت اكل جبرتني امي شربت حليب وطلعت للخط

_ وصلت للكلية دخلت صعدت للقاعه دقايق وبلش الامتحان
زاد التوتر كل ما يزيد الوجع عندي
ما صدكت كملت الاجوبه وطلعت عاقجه وجهي من الم
ركضت صديقتي عليه لزمت ايدي والخوف واضح بملامح وجها

زهراء : اشو وضعج مو طبيعي مو على بعضج بيج شي ؟

لزمت بطني وظهري انحنى من الم همست واني مغمضه عيوني بقوه "

زينب : عندي وجع زهراء الله يخليج امشي وياي
نرجع للبيت واخلي اخوتي يوصلوج لبيتج

زهراء : لحظه بس اتصل على ماما ثواني

_ گعدتني على الكرسي وراحت بقيت لوحدي الوجع ياكل بيه خفت لا تصير عندي ولادة واني بعدني بشهر السابع
بقيت اخذت شهيق وزفير احاول اهدي نفسي
رجعت عليه تركض اخذت الجنطة و كتبي وگومتني