~كنت احتريك وجيتيني مثل النعاس‏ لا جاء للعيـون اللي مسهّرهـا الأرق~

~البارت الثاني ~

~~~~~~~~~
قفل من اخوه وهو باله وفكره كيف بيرجع ل ذيك المدينه وذاك البيت بس مجبور عشان ابوه ،فتح الجوال وحجز ع اقرب رحلة .

/
~في بيت او عائله اول مره نزورها~

جالسه في الحديقة تطالع السماء وتفكر بحياتها ومستقبلها سمعت صوت خفيف بس تجاهلته وما اعطته اهميه رجع تكرر الصوت بس بشكل اكبر هنا فزت مرعوبه
: " مين ؟"
محد رد عليها كانت خايفه بشكل مو طبيعي ،مافي احد بالبيت الا هي ،اهلها معزومين وهي تعبت وجلست بالبيت ، تشجعت ومشت ناحية الصوت
: "مين فيه هنا؟"
: " هوبااااااااا"
كزت وطاحت ع الحديده حقت الدرج
: " اخخخخخ هذا انت ؟"
نواف فرط ضحك ع شكلها وهي مرعوبه وبعدين راح يقومها
نواف: " فجعتك صح؟"
وريد: "يا حيوان وش جابك و بعدين احد يدخل بيته كانه حرامي؟"
نواف: "ابد راجع من عند العيال وشفتك ب الحديقه قلت اخوفك شوي هههههههه"
وريد: "طيب طيب عند نايف ما يعرف لك الا هو "
نواف: "ه ه ه خفت "
نايف من وراهم : " كاني سمعت اسمي ؟"
وريد ناظرت في نواف : " هاه اعلم " وغمزت له
نواف: بتغير للموضوع  " محد ناداك ي اخوي الا قلنا كيفك وحشتني "
نايف: "قل لي وش مهبب من مصيبه ؟"
نواف وهو مكشر: "افااااا لهدرجه ما تثق فيه "
نايف وهو يناظر وريد : "الا بسألك وين امي وابوي ؟"
وريد: "معزومين عند عمي فواز "
نايف: "وانتي غريبه ما رحتي "
وريد: " تعبت وجلست ما رحت "
نايف : " سلامات فيك شيء اوديك المستشفى ؟"
نواف : " مافيها ولا شيء شوفها بعافيه قدامك مسوي لي فيها الاخ الحنون "
هبده نايف ورجعت وريد تهبده
نواف : " بسامحكم بس بشرط ابي عشاء تراني ميت جوع"
نايف و وريد في نفس اللحظه
: "من طلب منك انك تسامحنا ؟"
نواف بوز ومثل الزعل : " لهدرجه يهون عليكم زعلي؟"
نايف : "خلاص خلاص بطلب عشاء وش تبون ؟"
نواف: " ابي قراند تشيكن ديلوكس"
وريد: "وانا ابي  ماك تشكن سبايسي"
نواف: " لاتنسى الببسي "

/عند بطلنا
صحى وجهز اغراضه ومشى للمطار لان رحلته بعد ساعه ولازم يلحق عشان ما تفوته  ،وبعد ٦ ساعات هبطت الطياره واعلنت وصولهم ل السعوديه ،غيث كان برا ينتظر اخوه ،ودوب شافه وهو يحضنه حضن طويل بادله ليث الحضن
غيث: "الحمدلله ع سلامتك ي اخوي "
الليث: "الله يسلمك ،هاه بشر كيفك وكيف الاهل ؟"
غيث: "الحمدلله انت كيفك ؟"
ليث: "شفتك وصرت زين "
و مشوا وهم يسولفون وغيث يحكي ل ليث عن وش صار بغيابه وكيف ابوه وصل هالمرحله .

/بيت آل متعب
تعشوا الاخوان وقرروا يتفرجون فلم وطبعاً جلستهم ما خلت من استهبال نواف ومناقرته هو و وريد والي اكلها نايف مغير يفك بينهم ،دخلت امهم وابوهم ع مناقراتهم
: " السلام عليكم "
وريد ونايف ونواف: " وعليكم السلام تو نور البيت "
سليمان ( ابوهم ) : " بنوركم وبالاخص بنور وريد "
قعدوا يضحكون، نواف: "طبعاً كل شيء لازم تدخلون فيه وريد واحنا عيال البطه السوداء "
كملو ضحك وسواليف فجاءة تذكرت هيام (امهم)
: " يمه وريد بكره فاضيه ماعندك شيء"
: " ايه فاضيه ليه بنروح مكان ؟"
: "اي ي بنتي وحده من صديقاتي يقولون بنتها توفت ولها شهرين ما تداوم وقلت بروح اشوفها واتطمن عليها"
سليمان: "لا حول ولا قوة الا بالله ،الله لا يعيش احد شعور فقد الضناء "
هيام: " امين ،هاه يمه وش قلتي ؟"
وريد: "اي يمه فاضيه ماعندي شيء "
هيام: "خلاص بكره العصر نمشي عشان يوصلنا نواف "
نواف وهو يلعب بلاستيشن : "ليه ما يوديكم السواق شايفيني كداد ؟"(كداد بمعنى عامل يكرف ليل ونهار )
سليمان : "السواق اخذ اجازه ولده تعبان "
نواف : " اخخخخخ امري على الله "
وجلسوا آل متعب يسولفون وضحكهم يسمعه اخر جار وطبعاً سبب هالضحك معروف هههه.

/
وصل غيث وليث ل البيت واستقبلتهم امهم
منيره (امهم ): "ياهلا ومسهلا تو نور البيت "
ليث تقدم وباس راس  امه : "منور ب اهله ي يمه ،كيفك طمنيني عنك ؟"
منيره: "يوم شفتك صرت بخير "
ليث: "الا وين وريف؟"
نزلت وريف مع الدرج تسعى وحضنت ليث
ليث: "هههههه شوي شوي ما بطير "
وريف : "اسكت اصلاً انا ما اكلمك "
غيث : "والي بغت تتكسر توها مع الدرج من ؟ ههههه"
وريف: "اسكت انت ما كلمتك قاعده اكلم ليث "
قاطعهم ليث : "وين ابوي ؟"
تلبكوا كلهم وبان الخوف والتوتر على وجيهم
ليث حس انهم مخبين عليه شيء والدليل خوفهم وتوترهم
ليث بصراخ :"تكلموا وين ابويييي؟"
: "•••••

~تتوقعوا وين ابو ليث وهل صار له شيء ومخبين عليه؟~

خلصت البارت الثاني ان شاء الله يكون عجبكم عطوني رايكم بالشات ولا تنسون تحطون لايك 🫶🏻